მნიშვნელოვანი ინფორმაცია
16
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე, მთვარე მშვილდოსანში გადავა 06:36-ზე
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"წერდა, რომ სძულდა აზიელები... ტერორიზმის ამსახველ ვიდეოს უგზავნიდა კლასელებს" - რას იხსენებენ 161-ე სკოლაში აშშ-ში უმძიმესი ბრალდებით დაკავებულ მიხეილ ჩხიკვიშვილზე?
15:28 / 22-07-2024
ამ ცოტა ხნის წინ, ცნობილი გახდა, რომ ამერიკაში საქართველოს მოქალაქე მიხეილ ჩხიკვიშვილი დააკავეს. მას ბრალად სიძულვილის დანაშაულის გაღვივება და მასობრივი ძალადობის დაგეგმვა ედება. 20 წლის ჩხიკვიშვილის ცნობილი მეტსახელებია: "მეთაური ყასაბი"; "მიშკა", "ყასაბი".
აშშ-ის იუსტიციის დეპარტამენტის მიერ გავრცელებულ განცხადებაში ნათქვამია, რომ ის, სავარაუდოდ, "მანიაკური მკვლელობის კულტის" ლიდერია. ეს ორგანიზაცია ცნობილია, როგორც Maniacs Murder Cult - საერთაშორისო ექსტრემისტული დაჯგუფება.
გავრცელებული ინფორმაციით, ის მიჰყვება ნეონაცისტურ იდეოლოგიას, ხელს უწყობს ძალადობასა და ძალადობრივ ქმედებებს რასობრივი უმცირესობების, კერძოდ, ებრაული თემისა და სხვა ჯგუფების მიმართ, რომლებსაც "არასასურველად" მიიჩნევენ.
“მთავარი არხის“ ინფორმაციით, ბრალდებული საბურთალოზე, N161-ე სკოლაში სწავლობდა და თანაკლასელები მას მიშოს ეძახდნენ. სკოლის წარმომადგენელი კი “მეთაური ყასაბის“ შესახებ შოკისმომგვრელ დეტალებს ჰყვება:
“ფიზიკურად რომ შეხედავდით, ვერ წარმოიდგენდით, რომ ეს ბავშვი ბუზსაც კი ააფრენდა, ისეთი იყო თავისი ვიზუალით... მე ვატყობდი, რომ რთული ბავშვი იყო. ძალიან შემაშფოთა ერთმა ფაქტმა, როდესაც ბავშვებმა მითხრეს, რომ საშინელ ვიდეოებს გვიგზავნისო. მერე გაირკვა, რომ ის ვიდეოები ჰქონდა, რომელიც ძირითადად მკვლელობებს, სისხლს ეხებოდა“, - აცხადებს რესპოდენტი.
სიუჟეტში ნაჩვენებია ვიდეომასალის მონაკვეთი, რომელსაც ბრალდებული თანაკლასელებს უგზავნიდა. ყველა მათგანი შემზარავია: ნაჩვენებია, როგორი სისასტიკით კლავენ ტერორისტები უდანაშაულო მოქალაქეებს. იმავე ჩათში, ჩხიკვიშვილი აგზავნიდა მიმებს და ხუმრობებს მასობრივ მკვლელობებზე.
“საშინელი პრეზენტაცია გააკეთა რუსულის პედაგოგთან. მერე გვქონდა ამის განხილვა. თვითონ განგაში ატეხა ქალბატონმა. სხვათა შორის, პატრული გამოვიძახეთ. საპატრულო პოლიციის განყოფილებაში იყო საუბარი, რომ ეს ისეთ არხებზეა შესული, რომელთან წვდომაც ყველას არ უნდა ჰქონოდა. პრეზენტაცია იყო თავისი არჩეული თემა - ტერორიზმი.“
საქმის თანდართულ მტკიცებულებებში არის მიმოწერაც, რომელშიც ბრალდებული წერს, რომ სძულს აზიელები.
“ქუჩაში ვიღაც არაქართველს ფოტოებს უღებდა. იმან პოლიციაში დარეკა. რომ ველაპარაკე, რატომ გააკეთა - არაფერი, უბრალოდ, ფოტო გადავუღეო. იცით, როგორ გამოიყვანა თავი? რომ ვითომ ხუმრობდა. მაგრამ ხომ ვიცოდი, რომ ბავშვს პრობლემები ჰქონდა. სკოლის მოთხოვნით ჩართული იყო უკვე საპოლიციო განყოფილება. იმიტომ, რომ მშობლებთან ჩვენ, ფაქტობრივად, კომუნიკაცია ვერ დავამყარეთ. კატეგორიული მოთხოვნა იყო ჩვენგან, რომ ბავშვს ფსიქოლოგიური დახმარება სჭირდებოდა. ეს მშობელმა მერე თავის თავზე აიღო. შემდეგ პანდემიის პერიოდი დაიწყო და ჩვენ, სკოლამ უფრო დავკარგეთ ბავშვთან კონტაქტი“, - აცხადებს ანონიმური პირი.
როგორც ჩხიკვიშვილის ნაცნობები ჰყვებიან, სკოლის დამთავრების შემდეგ ის ერთ-ერთ ქსელურ მარკეტში ხორცის მჭრელად, ყასაბად მუშაობდა და სწორედ ეს სახელი აარჩია კრიმინალურ დაჯგუფებაში თავისთვის.
ბრალდებულის მეზობლების განცხადებით, მიხეილ ჩხიკვიშვილის ბებია, რომელიც ბრუკლინში ცხოვრობდა, თავად ებრაელია.
როგორ დააკავეს "მეთაური ყასაბი"
ექსტრემისტული ნეონაცისტური ჯგუფის Maniac Murder Cult (MKY) 20 წლის ლიდერი, მიხეილ ჩხიკვიშვილი, 8 ივლისს კიშინიოვში ინტერპოლის მოთხოვნით დააკავეს და აშშ-ის ხელისუფლებას გადასცეს.
ორშაბათს, 15 ივლისს, ქართველ ნეონაცისტს ბრალი ნიუ-იორკში ებრაელებზე მასობრივი თავდასხმების დაგეგმვაში წაუყენეს, - წერს New York Jewish News.
ნიუ-იორკის პროკურორების თქმით, 20 წლის მიხეილ ჩხიკვიშვილი, ასევე ცნობილი როგორც “მეთაური ყასაბი“, ბრუკლინის ებრაულ სკოლებში ბავშვებისთვის მოწამლული ტკბილეულის დარიგებას გეგმავდა. მას ასევე დაგეგმილი ჰქონდა თავდასხმების სერია უმცირესობებზე.
2021 წლის სექტემბერში ჩხიკვიშვილმა დაწერა და გაავრცელა მანიფესტი სახელწოდებით "მოძულის მანიფესტი" The Hater's Handbook, რომელშიც განმარტებულია MKY-ის მიზნები. დოკუმენტში ჩხიკვიშვილი მოუწოდებს ეთნიკურ წმენდისა და ძალადობის შესახებ, მათ შორის სროლას სკოლაში, ბავშვების გამოყენებას თვითმკვლელობებში და მასობრივ ტერაქტებში, მათ შორის შეერთებულ შტატებში.
ბრალის დამტკიცების შემთხვევაში, ჩხიკვიშვილს 50 წლით თავისუფლების აღკვეთა ემუქრება.
ასევე იხილეთ:
- "ჩხიკვიშვილი ბრუკლინში ბებიას სანახავად ჩავიდა და..." - რა ვიცით "მეთაურ ყასაბზე", ქართველზე, რომელიც აშშ-ში ბავშვების მასობრივ ხოცვას გეგმავდა: დაკავების კადრები
- "ბავშვობიდან ვიცნობ...." - რას ამბობენ თბილისში მიხეილ ჩხიკვიშვილზე, რომელიც ამერიკაში უმძიმესი ბრალდებით დააკავეს
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდა "ტიტანიკის“ ჩაძირვის ღამეს სინამდვილეში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
