მნიშვნელოვანი ინფორმაცია
15
აპრილიდღის ზოგადი ასტროლოგიური პროგნოზი
სამშაბათი, მთვარის მეთვრამეტე დღე დაიწყება 00:09-ზე, მთვარე მორიელშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სად გაიმართა "საიდუმლო სერობა"?
16:56 / 19-07-2024
საიდუმლო სერობა - მოციქულებთან იესოს საბოლოო ტრაპეზი ჯვარცმამდე - ბიბლიის ერთ-ერთი ყველაზე საკულტო ისტორიაა.
ახლა, 2000 წლის შემდეგ, არქეოლოგები უკვე კარგა ხანია ეძებენ ზუსტ ადგილსა, სადაც სერობა გაიმართა.
მათ სჯერათ, რომ ბიბლიური შეხვედრა ორსართულიანი სახლის "ზედა ოთახში" შედგა. სახლს კირქვის კედლები და წითელი, დაქანებული სახურავი აქვს და ქალაქში ჯერ კიდევ დგას.
ადგილმდებარეობა რამდენიმე ხელოვნების ისეთ ნიმუშშია დოკუმენტირებული, რომლებიც სულ მცირე, მეოთხე საუკუნით თარიღდება, რაც ასევე იყო დრო, როდესაც ქრისტიანებმა პირველად დაიწყეს ამ ოთახის მონახულება ჯვარცმამდე ქრისტეს თავისუფლების უკანასკნელი მომენტებისთვის პატივის მისაგებად.
ზედა ოთახს ყოველწლიურად ათასობით ადამიანი კვლავ სტუმრობს.
ბიბლია 33 წელს უკანასკნელი სერობის ისტორიას დეტალურად აღწერს - იესო თავის 12 მოციქულთან დაჯდა და უთხრა, რომ ერთი მათგანი მას უღალატებდა, დასძინა რა, რომ მისი სიკვდილი გარდაუვალი იყო.
მან პური და ღვინო აკურთხა და ახსნა, რომ პური წარმოადგენდა მის სხეულს, რომელიც გატყდებოდა და სისხლს, რომელსაც მათი ცოდვების მიტევებისთვის დაღვრიდა.
ზედა ოთახი, ასევე ცნობილია, როგორც Cenacle, თავდაპირველად სალოცავი ოთახი იყო, რომელსაც 120-ზე მეტი ადამიანის დატევა შეეძლო.
ოთახი მოკლედ არის აღწერილი ლუკას სახარებაში, როდესაც იესომ მოითხოვა დიდი, ავეჯით გაწყობილი ზედა ოთახი, სადაც მას და მის მოწაფეებს პასექის სადილის მირთმევა შეეძლებოდათ.
სახლი იერუსალიმის ძველ ნაწილში, სიონის მთაზე დგას, რომელიც სამხრეთ კარიბჭის ზემოთ მდებარეობს და აშენებულია დიდი, დატოტვილი სვეტებით, რომლებზეც კამარული ჭერი და დაქანებული წითელი სახურავი დგას.
რადგან მკვლევრებს არ შეუძლიათ არქეოლოგიური გათხრების ჩატარება, ისინი ვერ ადასტურებენ, არსებობდა თუ არა შენობა იესოს უკანასკნელი სერობის დროს.
1884 წელს, მადაბაში, იორდანიაში ახალი ეკლესიის შენების დროს ბერძენმა მართლმადიდებელმა ქრისტიანებმა აღმოაჩინეს რუკა, რომელიც იერუსალიმის უძველეს რუკად მიიჩნევა.
რუკა 560 წელს წმინდა მიწის რეპრეზენტაციად შეიქმნა და აჩვენებს Cardo Maximus-ს (მთავარ ქუჩას) , რომელიც შუა ნაწილში გადის, ასევე, მასზე ჩანს ორი წმინდა შენობა სამხრეთ ბოლოში (ქვედა მარჯვენა მხარეს), რომლებიც წითელი სახურავებითაა იდენტიფიცირებული.
ყველა ლანდშაფტი ბერძნულად იყო აღწერილი, მათ შორის - დამასკოს კარიბჭე და მოედანი მარცხენა მხარეს, სამხრეთის იაფას კარიბჭე ქვემოთ და ბეთლემი უკიდურეს მარჯვენა მხარეს.
თუმცა, 2017 წელს დევიდ ქრისტიან კლაუზენმა, რელიგიის კვლევების ლექტორმა ჩრდილოეთ კაროლინის უნივერსიტეტში, მასზე რაღაც უჩვეულო შეამჩნია - ეს იყო შენობა იმავე წითელი, დაქანებული სახურავით, როგორიც Cenacle-ს აქვს და იმავე ადგილას მდებარეობდა.
ამან მკვლევრებს აფიქრებინა, რომ ზედა ოთახი უკანასკნელი სერობის ადგილი იყო, მაგრამ მათ კვლავ სჭირდებოდათ მეტი მტკიცებულება, რაც მეექვსე საუკუნის ნახატში გამოჩნდა, რომელიც იტალიაში, 1846 წელს აღმოაჩინეს.
ნახატი აჩვენებდა იესოს, რომელიც ქალაქის სამხრეთ კარიბჭეებში ვირით, Cenacle-ს ფონზე დადიოდა.
ეს ამბავი გადმოცემულია მათეს სახარებაში, რომელიც მოგვითხრობს იესოს შესვლას იერუსალიმში ზაქარიას წინასწარმეტყველების შესასრულებლად, რომელმაც თქვა, რომ იქნებოდა "იესო ქრისტეს მეორედ მოსვლა" და მკვდრები აღსდგებოდნენ.
ადგილის კიდევ ერთი გამოსახულება 1585 წელს, მეოთხე საუკუნის ქანდაკებაზე აღმოაჩინეს, რომელიც აჩვენებდა იესოს, როგორ იდგა მარიამ მაგდალინელის წინაშე მას შემდეგ, რაც მკვდრეთით აღდგა, და სწორედ მის უკან ჩანს შენობა იგივე დაქანებული სახურავით.
იოანეს სახარების თანახმად, იესო ზედა ოთახში აღდგომის შემდეგ დაბრუნდა, რაც მის და მარიამ მაგდალინელის გამოსახულებას ბიბლიურ ისტორიასთან აკავშირებს.
თუმცა, ზოგიერთი არქეოლოგი ამტკიცებს, რომ ქანდაკება არა ასახავს აღდგომას, არამედ აჩვენებს ქრისტეს, რომელიც უცნობი დაჩოქილი ქალის წინ დგას, რომელიც მას განკურნებას სთხოვს.
ისრაელის ანტიკვარიატის სააგენტომ (IAA) 2019 წელს თეორიის შემოწმება ლაზერული ტექნოლოგიისა და გაუმჯობესებული ფოტოგრაფიული გამოსახულების გამოყენებით გადაწყვიტა, რათა მოეშორებინა ყველა განახლება, რაც Cenacle-ს წლების განმავლობაში გაუკეთდა და გამოევლინა, როგორ გამოიყურებოდა ის თავდაპირველად, უკანასკნელი სერობის დროს.
"ისეთი შეგრძნება იყო, თითქოს დენ ბრაუნის წიგნში ვიყავი, "და ვინჩის კოდში"," - განაცხადა მაშინ ამიტ რე'ემ, იერუსალიმის რაიონის არქეოლოგმა ისრაელის ანტიკვარიატის სააგენტოდან (IAA), Fox News-თან საუბრისას, - "ძველი სიმბოლოები უნდა გაგვეშიფრა".
მათ ოთახის ყველა კუთხე "სივრცის ზუსტი მოდელების შესაქმნელად" რუკად აქციეს, რამაც Cenacle-ში საინტერესო თავისებურებები გამოავლინა.
ახლად შექმნილმა გამოსახულებებმა "ბუნდოვანი" ხელოვნების ნიმუშები აჩვენა, როგორიცაა Agnus Dei-ს, ანუ "ღვთის კრავის" და იუდას ლომის სიმბოლოები ჭერზე.
"ლომი მეფე დავითის სიმბოლო იყო", - უთხრა რე'ემ-მა Fox-ს, განმარტებით, რომ "ძველი აღთქმის თანახმად, იესო მეფე დავითის შთამომავალი იყო".
რე'ემის თქმით, მკვლევრებს მეტი კვლევის ჩატარება კვლავ სჭირდებათ. მან აღნიშნა, რომ კვლავ არ არსებობს არქეოლოგიური მტკიცებულება იმისა, რომ უკანასკნელი სერობა Cenacle-ში მოხდა.
IAA-მ ადრე განაცხადა, რომ ადგილის ცუდმა განათებამ, გახუნებულმა კედლებმა და მუდმივმა რემონტმა მათ მეტი კვლევის ჩატარებაში ხელი შეუშალა.
"დროდადრო, როცა შესაძლებლობა გვაქვს, წმინდა კომპლექსის სხვა ნაწილების დოკუმენტირებას ვაგრძელებთ", - უთხრა რე'ემ-მა Fox-ს, - "იმედი მაქვს, შესაძლებელი იქნება, მომავალში მცირე მასშტაბის კლასიკური არქეოლოგიური გამოკვლევა ჩავატაროთ".
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდა "ტიტანიკის“ ჩაძირვის ღამეს სინამდვილეში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
