მნიშვნელოვანი ინფორმაცია
15
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე, მთვარე მშვილდოსანში გადავა 06:36-ზე
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"უთხარით ჩემს უფროსს, გამომიშვას..." - "ლევანტეს" ადმინს საქართველოში ეპატიჟებიან: მორიგი პოსტი ქართულ ენაზე, "ქოჩორას" კომენტარი და უჩვეულო სიყვარულის ამბავი
10:37 / 17-07-2024
ლაიქებით შეყვარების გჯერათ?
სწორედ ასე, ლაიქებით დაიწყო ესპანური საფეხბურთო კლუბის, "ლევანტესა" და ქართველების სიყვარულის ისტორია, რომელიც გრძელდება და უფრო მეტიც, ახალ ფაზაში გადადის.
- მართალია, ყველაფერი "ლევანტეს" "ფეისბუქის“ ადმინის ლაიქების, რიჩებისა და ინგეიჯმენთის მოპოვების სურვილით და მოდით, ცოტა უტრირებულად ვთქვათ, ანგარებით დაიწყო, მაგრამ ახლა სულ სხვა სახე შეიძინა და ნამდვილ სიყვარულში გადაიზარდა.
კლუბმა ახლახან გუნდის მეორე ფორმა წარადგინა, რომელიც სხვათა შორის, ძალიან ჰგავს ჩვენი ეროვნული ნაკრების ფორმას - ისიც თეთრ და წითელ ფერებშია და პრინტიც მსგავსია.
და ვიდრე დაიჯერებთ, რომ ამ ფორმაზე მუშაობისას შთამაგონებელი ჩვენი დროშა, ჩვენი ნაკრების ფორმა იყო, რეალურ ამბავს მოგიყვებით:
- კლუბმა ვრცელი სტატია გამოაქვეყნა ფორმის შესახებ ოფიციალურ ვებგვერდზე, რომელშიც აღნიშნულია, რომ ის "ლევანტეს" რეტრო სტილის ფორმით არის შთაგონებული. როგორც ირკვევა, წარსულში კლუბის ფეხბურთელებს მსგავსი ფერების ფორმა ეცვათ.
"მაისურის ისტორია ასეთია, ჯერ კიდევ 1939 წელს, ორმა კლუბმა "ხიმნასტიკმა" და "ლევანტემ" გადაწყვიტეს თავიანთი გზები დაეკავშირებინათ და გაერთიანებულიყვნენ. ამ ამბავს მაშინდელმა პრესამ "საინფორმაციო ბომბი“ უწოდა,
მაშინ გაჩნდა ლევანტე-ხიმნასტიკის სპორტული კავშირი და სწორედ იმ პერიოდის სპორტსმენებისთვის თეთრი და წითელი ფერების კომბინაციის მქონე ფორმები შექმნეს, რაც ორი კლუბის ერთიანობაზე მიუთითებდა. ასეთი ფერების მაისურები ეცვათ სპორტსმენებს ერთიანობის პერიოდში. ეს მოიცავდა 1939-1940 წლების, ასევე 1940-1941 წლების სეზონს. შემდეგ ყველაფერი შეიცვალა, კლუბებმა გადაწყვიტეს კვლავ ცალ-ცალე გზით ევლოთ და ამის შემდეგ ლევანტეს ფორმის ფერები ბარსელონას ფერების მსგავსი გახდა", - ვკითხულობთ კლუბის ოფიციალურ ვებგვერდზე გამოქვეყნებულ ინფორმაციაში.
როდესაც სოციალურ ქსელში ახალი ფორმის ამსახველი ვიდეო გამოაქვეყნეს და აღწერა ქართულად არ დააწერეს, ნახეთ, რეაქციების რა მცირე რაოდენობა მიიღეს:
მოხერხებული ადმინი არ დაიბნა და მორიგი პოსტი ამავე მაისურების შესახებ ქართული აღწერით გამოაქვეყნა. მან ნამდვილად იცის, როგორ შეეხოს ქართველების ყველაზე მგრძნობიარე ნაწილს. მართალია, გაუმართავი ქართულით, მაგრამ მაინც ქართულით, ასეთი პოსტი შემოგვთავაზა:
- "ის ისევე მიბრუნებს მოგონებებს“
რა თქმა უნდა, ქართველების რეაქციებმა არ დააყოვნა. ამ დროისთვის პოსტს 11 000-ზე მეტი რეაქცია და 1500-ზე მეტი კომენტარი აქვს. მას "ლევანტეს“ ქართველი ფეხბურთელი, გიორგი ქოჩორაშვილიც გამოეხმაურა:
- "ქართული თარგმანისთვის პირადში მომწერე, ხავი“, - მიმართავს "ქოჩორა" "ლევანტეს“ "ფეისბუქგვერდის" ადმინისრატორს, რომელიც ქართულად პასუხობს: "დაასრულე შვებულება, აქ გელოდებით“.
ახლა ვნახოთ ქართველების კომენტარები და საინტერესოა, რომ ადამიანი, რომელიც გვერდს მართავს, ბევრ კომენტარს ქართულად პასუხობს. ვინმემ ბოლო დროს თუ სიყვარულის ნაკლებობა იგრძენით, აუცილებლად შეიხედეთ პოსტის კომენტარებში და კიდევ ერთხელ დაიჯერებთ, რომ დედამიწას მართლაც რომ სიყვარული ატრიალებს“. მინიმუმ, დადებითი ემოციებით დაიმუხტებით.
- რამდენიმე კომენტარს აქაც გაჩვენებთ:
ცნობისთვის, "ლევანტეს" ოფიციალურ გვერდს სოციალურ ქსელში ხავი დე ლა ოსასმა მართავს.
“რასაკვირველია, ვხვდებით, რომ ჩვენც პოპულარულები გავხდით საქართველოში ამ პოსტებით. გვესმის, რატომ მოჰყვა ამხელა გამოხმაურება. მათ ქართულ ენაზეც. აუცილებლად უნდა გითხრათ, თუ როგორ ვამაყობთ გიორგით და იმ დონით, რომლითაც მან ითამაშა ევროპის ჩემპიონატზე. ჩვენთვის უდიდესი სიამოვნება იყო იმის ნახვა, თუ როგორ წარმოაჩინა მან თავიც და ქვეყანაც. საქართველომ ამ ჩემპიონატზე ისტორია დაწერა.
რაც უფრო იზრდებოდა საქართველოს ნაკრების თამაშის ხარისხი ევროპის ჩემპიონატზე და გიორგის პოპულარობა, ვატყობდით, რომ პოსტების პოპულარობა და აუცილებლობაც იზრდებოდა. მე დამამახსოვრდა პოსტი, როდესაც გიორგის და შოთა არველაძის ფოტო დავდე, ვიცი, რომ შოთა ძალიან საყვარელი და მნიშვნელოვანი ფეხბურთელია საქართველოში. მას შემდეგ, რაც ეს პოსტი დავდე და ქართულად წერა დავიწყე, მოწონება რაკეტის სიჩქარით გაფრინდა“, - ამბობს ხავი "ფორმულასთან" საუბრისას.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდა "ტიტანიკის“ ჩაძირვის ღამეს სინამდვილეში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
