"ესეც საქართველოს ძალა: დედა!" - ქართველი ფეხბურთელები დედებთან ერთად: რას წერს პრეზიდენტი?
“დედები ამ საოცარი ბიჭების წარმატების უკან... მადლობა მათ!“ - “ფეისბუქზე“ ქართველი ფეხბურთელების დედებთან ერთად გადაღებული ფოტოები ვრცელდება, რომლებიც პრეზიდენტი სალომე ზურაბიშვილიც აზიარებს და წერს: "ესეც საქართველოს ძალა: დედა!"
გუშინდელი მატჩის მთავარი გმირები, მათთვის ყველაზე ძვირფას ადამიანებთან ერთად პოზირებენ. ხვიჩა კვარაცხელია, გიორგი მამარდაშვილი, გიორგი მიქაუტაძე, გიორგი ჩაკვეტაძე,ზურიკო დავითაშვილი და სხვები - როგორ გამოიყურებიან ქართული თანამედროვე ფეხბურთის წარმატებული სახეები ადამიანებთან ერთად, ვინც მათი კარიერის შექმნაში ერთ-ერთი საკვანძო წვლილი შეიტანეს:
ცნობისთვის, ევროპის ჩემპიონატზე, ჯგუფური ეტაპის მესამე მატჩში საქართველომ პორტუგალიის ნაკრები 2:0 დაამარცხა. ამ შედეგით საქართველოს ნაკრებმა 4 ქულა მოიპოვა და მერვედფინალში გავიდა. მატჩის პირველი გოლი შეხვედრის დაწყებიდან მეორე წუთზე ხვიჩა კვარაცხელიამ გაიტანა, ხოლო მეორე გოლი, მეორე ტაიმში, პენალტით გიორგი მიქაუტაძემ გაიტანა.
30 ივნისს, მერვედფინალში საქართველო ესპანეთს დაუპირისპირდება.
იხილეთ ასევე: