5, 6, 7 ივლისს მოზარდმაყურებელთა თეატრი სპექტაკლ "ბრმა ძაღლების" პრემიერას წარმოგიდგენთ
თეატრალური სეზონის ბოლო პრემიერა მოზარდ მაყურებელთა თეატრში. ერთ მოქმედებიანი სპექტაკლი „ ბრმა ძაღლები“ რეჟისორისა და ადაფტირებული ტექსტის ავტორ გიორგი ჩალაძისთვის რიგით მეორე ნამუშევარია მოზარდში. „NO EXIT “ ის შემდეგ მაყურებელს არანაკლებ საინტერესო პრემიერა ელის 5, 6, 7 ივლისს 19 საათზე.
სპექტაკლის ძირითადი ქარგა დავით კლდიაშვილის პიესა ,,უბედურებაზეა“ აგებული, თუმცა მასში ამავე ავტორის კიდევ რამოდენიმე ნაწარმოებიდან ჩართული გმირებიც მოქმედებენ...
პიესის მოქმედება სოციალურად დაბალი ფენის სამეზობლო გარემოში ვითარდება. როცა ამ მიკროსამყაროს ერთ-ერთი წარმომადგენელი ცუდად ხდება,ყველა მის დახმარებას და გადარჩენას ცდილობს. ამ მცდელობას მოქმედი გმირები უცნაურ გარდატეხვასა და გადაწყვეტილებების მიღებამდე მიჰყავს.
თანამედროვე სამყაროში დგას მიმღებლობისა და სოლიდარობის პრობლემა,რომლის არსებობაც უმეტეს შემთხვევაში ზედაპირული და პლაკატურია, თითქოს პრობლემა არსებობს და არც არსებობს... - სწორედ ეს ხდის ადამიანების არსებობას გროტესკულს და საზოგადოება კოლაფსამდე მიჰყავს. ადამიანები უღრან ტყეში დაკარგულ, გზააბნეულ ბრმებს ჰგვანან, რომლებიც აქეთ-იქით უმისამართოდ დაეხეტებიან...
სპექტაკლი მხატვარი- ანა დოლიძე, კომპოზიტორი და მუსიკალური გაფორმება ია გოგიშვილის. რეჟისორის თანაშემწე ხათუნა საძაგლიშვილი.
მონაწილეობენ: თამარ მამულაშვილი, სოფიო ფერაძე, ზურაბ ავსაჯანიშვილი, ვახტანგ ახალაძე, გიორგი გოგიშვილი, ვახტანგ ნოზაძე, დევი რეხვიაშვილი, დავით როსტომაშვილი, გიორგი შავგულიძე, დავით ხახიძე
R