"წარმატებები, შენს გვერდით ვართ, ქოჩო!" - "ლევანტე" გიორგი ქოჩორაშვილის მხარდამჭერ პოსტს აქვეყნებს
ესპანური კლუბ "ლევანტეს" ოფიციალური "ფეისბუქგვერდი" პოსტს აქვეყნებს, რომელშიც საქართველოს ნაკრებისა და "ლევანტეს" ფეხბურთელ გიორგი ქოჩორაშვილს დღევანდელ ისტორიულ მატჩში გამარჯვებას უსურვებს.
"ეს დღეს ხდება
გიორგის დებიუტი #EURo2024-ზე საქართველოს ნაკრებთან ერთად.
წარმატებები, შენს გვერდით ვართ, ქოჩო!"
შეგახსენებთ, დღეს 18 ივნისს, რამდენიმე საათში ეროვნული საფეხბურთო ნაკრები კონტინენტის პირველობისთვის არენაზე პირველად გავა და ისტორიაში პირველ მატჩს ჩაატარებს. ჩვენი მეტოქე თურქეთის ნაკრებია. მატჩი დორტმუნდში გაიმართება, სადაც ევროპის ჩემპიონატის ფარგლებში, პირველად გაჟღერდება საქართველოს ჰიმნი. გერმანიის ერთ-ერთ უდიდეს სტადიონზე, რომელიც 80 ათასს გულშემატკივარს იტევს, ჩვენს ეროვნულ ნაკრებს 10 ათასი ქართველი გულშემატკივარი უქომაგებს.
იხილეთ ასევე: