დევიდ კამერონი "დაპრანკეს" - ბრიტანელ მინისტრს პოროშენკოს სახელით ვიდეოზარით დაურეკეს: "ის ძალიან ჰგავდა პეტროს"
ბრიტანეთის საგარეო საქმეთა მინისტრი დევიდ კამერონი უხეში ხუმრობის მსხვერპლი გახდა - როგორც სამინისტროში აცხადებენ, ცოტა ხნის წინ, კამერონი ვიდეო ბმულით ესაუბრა ადამიანს, რომელიც თავს უკრაინის ყოფილ პრეზიდენტად, პეტრო პოროშენკოდ ასაღებდა. მათივე თქმით, მამაკაცი ძალიან ჰგავდა პოროშენკოს, თუმცა მას შემდეგ, რაც მან "სხვა ადამიანების" საკონტაქტო ინფორმაცია მოითხოვა, საუბარი შეწყდა.
- საგარეო საქმეთა სამინისტრო იუწყება, რომ საუბარი "ბოლო დღეებში" შედგა, მაგრამ არ აკონკრეტებენ, თუ ვის შეეძლო რეალურად დაერეკა, რაზე ისაუბრეს ან როგორ მოახერხეს თავდამსხმელებმა სამინისტროს წარმომადგენლებთან კონტაქტის დამყარება.
წარსულში რუსი სატელეფონო თაღლითები ალექსეი სტოლიაროვი და ვლადიმერ კუზნეცოვი, რომლებიც ცნობილია მეტსახელებით ლექსუსი და ვოვანი, არაერთხელ ესაუბრნენ ბრიტანელ ოფიციალურ პირებს. 2018 წელს მათ დაურეკეს ბორის ჯონსონს, რომელიც მაშინ ბრიტანეთის საგარეო საქმეთა მინისტრი იყო და თავი სომხეთის პრემიერ-მინისტრად, ნიკოლ ფაშინიანად გაასაღეს. 2022 წლის მარტში ბრიტანეთის მაშინდელ თავდაცვის მდივან ბენ უოლესს უკრანის პრემიერ-მინისტრის სახელით დაუკავშირდნენ.
ჯერ არ გავრცელებულა ინფორმაცია, მონაწილეობდნენ თუ არა ვოვანი და ლექსუსი დევიდ კამერონის ინციდენტში.