"სელფებს" ყაზბეგში გადავიღებ... ძალიან მაგარ ხასიათზე ვარ" - რა უპასუხა ალუდა ღუდუშაურმა აშშ-ის დაანონსებულ სანქციებზე დასმულ კითხვას
"ძალიან მაგარ ხასიათზე ვარ" - ასე უპასუხა უმრავლესობის დეპუტატმა ალუდა ღუდუშაურმა ჟურნალისტების კითხვას, როგორ ხასიათზეა ამერიკის მიერ სანქციების დაანონსების შემდეგ.
როგორც დეპუტატმა აღნიშნა, არ სურდა ამ თემაზე დამატებითი კომენტარის გაკეთება.
ჟურნალისტის ნათქვამზე, რომ სანქციების შემთხვევაში "სელფებს" ამერიკაში ვეღარ გადაიღებდა, ღუდუშაურმა ასე უპასუხა: "ყაზბეგში გადავიღებ".
ცნობისთვის, აშშ-ის სახელმწიფო მდივნის, ენტონი ბლინკენის განცხადებით, სახელმწიფო დეპარტამენტი ახორციელებს საქართველოსთვის სავიზო შეზღუდვის ახალ პოლიტიკას, რომელიც გავრცელდება იმ პირებზე, რომლებიც პასუხისმგებლები ან თანამონაწილეები არიან საქართველოში დემოკრატიისთვის ძირის გამოთხრაში, ასევე მათი ოჯახის წევრებზე. ეს მოიცავს პირებს, რომლებიც პასუხისმგებლები არიან საქართველოში სამოქალაქო საზოგადოებისა და მშვიდობიანი შეკრების თავისუფლების აღკვეთაზე ძალადობის ან დაშინების კამპანიის გზით.
წაიკითხეთ ასევე: