"კატეგორიულად მიუღებელია ადამიანის დამუნათება და ე.წ. დაბულინგება განსხვავებული მოსაზრების გამო" - ომბუდსმენი სალომე ქურასბედიანზე
სახალხო დამცველი ლევან იოსელიანი პარლამენტარ სალომე ქურასბედიანის გარშემო ატეხილ აჟიოტაჟს ეხმაურება და ამბობს, რომ მიუღებელია ნებისმიერი ადამიანის დაბულინგება განსხვავებული პოლიტიკური ან ნებისმიერი სხვა მოსაზრების გამო.
"კატეგორიულად მიუღებელია ადამიანის დამუნათება და ე.წ დაბულინგება განსხვავებული პოლიტიკური თუ ნებისმიერი მოსაზრების გამო. მითუმეტეს, როცა საუბარია ქალებზე. ქალებს ისედაც ბევრი სირთულის დაძლევა უწევთ პოლიტიკაში და ბევრ სირთულესთან გამკლავება, ამ პირობებში კიდევ უფრო მიუღებელია ქალი პოლიტიკოსების მიმართ რაიმე ტიპის შეურაცხმყოფელი ან დამამცირებელი გამონათქვამების გაჟღერება" - თქვა ლევან იოსელიანმა "იმედის" ეთერში.
ცნობისთვის ხელისუფლებამ "უცხოური გავლენის გამჭვირვალობის შესახებ“ კანონპროექტზე ვენეციის კომისიის დასკვნის შეფასება მმართველი პარტიის ახალგაზრდა წარმომადგენელს, პარლამენტარ სალომე ქურასბედიანს ანდო, რომლის თაობაზეც საზოგადოებისთვის ბევრი არაფერია ცნობილი. წუხანდელი ბრიფინგის შემდეგ დეპუტატზე უამრავი პოსტი დაიწერა.
წაიკითხეთ ასევე: