შვეიცარიელი ნემოს ტრიუმფი "ევროვიზიაზე" - საქართველო კი მხოლოდ 21-ე ადგილს დასჯერდა

შვედეთის ქალაქ მალამოში "ევროვიზია 2024"-ის გამარჯვებული გამოვლინდა - კონკურსში გაიმარჯვა შვეიცარიის წარმომადგენელმა ნემომ, სიმღერით The Code, რომელმაც, ჯამში 591 ქულა მიიღო. შესაბამისად, მომავალი ევროვიზიის მასპინძელიც ეს ქვეყანა იქნება.

შვეიცარიამ მონაწილე ქვეყნების დიდი ნაწილის ჟიურისგან მიიღო მაღალი შეფასებები, მათ შორის საქართველოდან ჟიურის ყველაზე მაღალი შეფასება – 12 ქულა შვეიცარიას ერგო.

საქართველოს წარმომადგენელი ნუცა ბუზალაძე კი ჯამში 34 ქულით 21-ე ადგილზე გავიდა.

საქართველომ ჟიურის ქულები შემდეგი ქვეყნებიდან მიიღო: 7 ქულა - აზერბაიჯანისგან, 2 ქულა - მალტისგან, 2 ქულა - ისრაელისგან, 1 ქულა - ნორვეგიისგან, 3 ქულა კი სომხეთისგან.

მაყურებლისგან კი 19 ქულა მიიღო.

"ევროვიზია 2024"-ის ფინალში ჯამში 26 ქვეყანა წარდგა.

კონკურსის წესების მიხედვით, ნახევარფინალიდან ფინალში გადასვლას მხოლოდ მაყურებელი წყვეტდა და ჟიური არ მონაწილეობდა ხმის მიცემაში.

ფინალურ შოუზე კი, ხალხთან ერთად, ჟიურიც მონაწილეობდა ხმის მიცემაში.