"ბევრი მირეკავს და მწერს, კარგად ვარ... გამთენიამდე სახლთან მოაწყვეს ჩასაფრება, სადარბაზო ააჭრელეს წარწერებითა და პლაკატებით" - რატი ამაღლობელი
პოეტი რატი ამაღლობელი წერს, რომ სახლთან ჩასაფრება მოუწყვეს. მისივე ინფორმაციით, მისი საცხოვრებელი კორპუსის სადარბაზო "ააჭრელეს წარწერებითა და პლაკატებით".
"ბევრი მირეკავს, მწერს, მეგობრებო კარგად ვარ, გამთენიამდე სახლთან მოაწყვეს ჩასაფრება, სადარბაზო ააჭრელეს წარწერებითა და პლაკატებით.
ძალიან მალე დამკვეთები შემსრულებლებთან ერთად დადგებიან და საკუთარი ხელით გაწმენდენ კედლებს, სადარბაზოებს. ვარ მტკიცე, როგორც არასდროს. გავიმარჯვებთ სახელოვნად" - წერს ამაღლობელი.
ცნობისთვის, რატი ამაღლობელი ერთ-ერთია იმ ხელოვანებიდან, რომლებიც აქტიურად ჩნდებიან აქციებზე და სიტყვით მიმართავენ პროტესტანტებს.