მნიშვნელოვანი ინფორმაცია
18
მარტიდღის ზოგადი ასტროლოგიური პროგნოზი
ოთხშაბათი, მთვარის მეოცე დღე დაიწყება 01:03-ზე, მთვარე მორიელშია
დღეს დაწყებული ნებისმიერი საქმე წარმატებას მოგიტანთ. კარგი დღეა მიზანდასახული და მიზანსწრაფული ადამიანებისთვის, ორატორთა და ლიდერთათვის. გარშემო მყოფებთან საქმეების გარჩევას არ გირჩევთ. კარგი დღეა სამსახურის, საქმიანობის შესაცვლელად. უმჯობესია, შინ დარჩეთ, სულიერ განათლებს მიხედოთ, წმინდა ტექსტები იკითხოთ. მოერიდეთ ფიზიკურ გადაღლას. ქორწინება და ნიშნობა სხვა დღისთვის გადადეთ. მოერიდეთ ალკოჰოლისა და სიგარეტის მიღებას. არ გადატვირთოთ კუჭი. ნუ მიირთმევთ ხორციან კერძებს. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
შეიარაღებული თავდასხმა დრეიკის სახლზე - დაჭრილია რეპერის დაცვის წევრი: რა მოხდა ტორონტოში და რას აცხადებენ სამართალდამცველები
11:16 / 08-05-2024
ტორონტოს პოლიციის განცხადებით, კანადელი რეპერის, დრეიკის სახლთან სროლა იყო, რის შედეგადაც რეპერის დაცვის წევრი დაჭრეს. ოფიციალური ინფორმაციით, დაცვის თანამშრომელი ახლა საავადმყოფოში იმყოფება და მისი მდგომარეობა საკმაოდ მძიმეა.
როგორც პოლიცია ამბობს, ამოღებული ვიდეოჩანაწერების მიხედვით, თავდამსხმელებმა დრეიკის დაცვას მანქანიდან გაუხსნეს ცეცხლი, შემდეგ კი შემთხვევის ადგილიდან გაიქცნენ. უცნობია, იყო თუ არა თავდამსხმელთა სამიზნე თვითონ დრეიკი.
ამჟამად დრეიკი თავის კონკურენტ კენდრიკ ლამართანაა დაპირისპირებული, თუმცა ეს დაპირისპირება არ გასცდენია სიტყვიერ შეურაცხყოფას. პოლიცია აცხადებს, რომ თავდასხმის მოტივზე საუბარი ჯერ კიდევ ადრეა.
"ჩვენ დრეიკის გუნდთან მუდმივ კონტაქტში ვართ და მათთან აქტიურად ვთანამშრომლობთ",- განაცხადა ჟურნალისტებთან ინსპექტორმა პოლ კრაუჩიკმა. მისივე თქმით, დაშავებული დაცვის თანამშრომელი საავადმყოფოშია და მისი მდგომარეობა მძიმეა. კანადური მედიის ინფორმაციით, დაცვის წევრს რამდენიმე ჭრილობა ჰქონდა მიყენებული, მათ შორის ერთი გულმკერდის არეში.
მომხდარს ტორონტოს მერი, ოლივია ჩოუც გამოეხმაურა, რომელმაც დეტალებზე საუბრისგან თავი შეიკავა:"ვიმედოვნებ, რომ პოლიცია დამნაშავეებს დაიჭერს",- განაცხადა მან.
კანადელი რეპერის სახლი, რომელიც ტორონტოს მდიდრულ უბანში მდებარეობს, კენდრიკ ლამარის ახალი სიმღერის, Not Like Us-ის ვიდეოშიც გვხვდება. ლამარის სიმღერა ამჟამად აშშ-სა და გლობალურ მუსიკალურ ჩარტებში ლიდერობს.
Not Like Us-ში ლამარი დრეიკს არასრულწლოვან გოგონებთან ურთიერთობასა და უკანონო შვილის ყოლაში ადანაშაულებს. დრეიკის სახლის ფოტო კი იმაზე უნდა მიანიშნებდეს, რომ რეპერი თავის ჭერქვეშ არაერთ სექსუალურ მოძალადეს იფარებს.
დრეიკი ყველა ბრალდებას უარყოფს და მათ საძაგელ სიცრუეს უწოდებს.
წყარო: bbc
მოამზადა: ანა სიბოშვილმა
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ტრამპის სატარიფო ქაოსი - გაძვირდება თუ არა საქართველოში ამერიკიდან ავტომობილების შემოყვანა?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
