"ბოლო ზარი უნდა ჰქონოდათ ახლა... მაისობის დღესასწაულიდან ბრუნდებოდნენ, როცა ეს ტრაგედია მოხდა" - მდინარე ნაკრაში ახალგაზრდებს ამ დრომდე ეძებენ

სვანეთში, მდინარე ნაკრაში მაშველები სამ ახალგაზრდას ამ დრომდე ეძებენ. ამის შესახებ ambebi.ge-ს საგანგებო სიტუაციების მართვის სამსახურში განუცხადეს.

არსებული ინფორმაციით, ავტომობილი, სადაც ახალგაზრდები იმყოფებოდნენ, მდინარეში გადავარდა. შემთხვევა გუშინ მოხდა.

• ახალგაზრდები, რომლებსაც ამ დრომდე ეძებენ, არიან ეკა და გიორგი ვიბლიანები, ასევე საბა გვარმიანი.

ნაპოვნია მხოლოდ ავტომობილი. სამძებრო სამუშაოებში მთელი სოფელია ჩართული. "ტვ პირველის" ინფორმაციით, ტრაგედია იმ დროს მოხდა, როცა მოსწავლეები მაისობის დღესასწაულიდან ბრუნდებოდნენ, წვიმიანი ამინდის გამო კი, ავტომობილი მოცურდა, რის შემდეგაც მდინარეში გადავარდნენ.

"ორი ბიჭი და ერთი გოგო იყვნენ. ბოლო ზარი უნდა ჰქონოდათ ახლა, 18-ში. მთელი სოფელი და მთელი სამაშველო ეძებდნენ მთელი ღამე", - ამბობს ადგილობრივი.

წაიკითხეთ ასევე:

• "წარმოუდგენელი ტრაგედია დატრიალდა სვანეთში...” - ვინ არიან ახალგაზრდები, რომლებიც ავტომობილით მდინარეში გადავარდნენ