მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა ქონებას ფლობს მორაგბე პარლამენტარი? - დავით კაჭარავას სპორტულ-პოლიტიკური და პირადი ცხოვრება
12:16 / 24-04-2024
გუშინ, "უცხოური გავლენის გამჭვირვალობის შესახებ" კანონპროექტის წინააღმდეგ გამოსული ახალგაზრდების პროტესტზე ინციდენტი მოხდა. იმ დროს, როდესაც აქტივისტები მსვლელობით ევროკავშირის საელჩოსკენ მიდიოდნენ, გზად დეპუტატი დავით კაჭარავა შეხვდათ, რომელიც ავტომობილით გადაადგილდებოდა.
როგორ მოხვდა სპორტსმენი პოლიტიკაში, როგორია მისი ქონებრივი დეკლარაცია და პირადი ცხოვრება, ქვევით მოგიყვებით. კაჭარავა ერთ-ერთია იმ პოლიტიკოსებს შორის, რომლითაც ხშირად ინტერესდება ქართული მედია, უფრო მეტად პირადი ცხოვრების და არა, პოლიტიკური მოღვაწეობის გამო.
სპორტიდან პოლიტიკაში
მორაგბე დავით კაჭარავა სპორტიდან პოლიტიკაში კიდევ ერთ სპორტსმენ, კალათბურთელ ვიქტორ სანიკიძესთან ერთად მოხვდა. "ქართულმა ოცნებამ“ ეს ორი სპორტსმენი 2020 წლის საპარლამენტო არჩევნებზე, საარჩევნო სიის პირველ ოცეულში შეიყვანა.
კაჭარავას საპარლამენტო მოღვაწეობა განსაკუთრებული არ ყოფილა, თუ არ ჩავთვლით, გუშინდელ ინციდენტს, როდესაც საზოგადოების ყურადღების ცენტრში მოექცა. თუმცა იქამდე იყო კიდევ ერთი შემთხვევა, როდესაც მისი დაცვა კოლეგებს მოუწიათ.
მიზეზი მაშინაც ე.წ. აგენტების შესახებ კანონი იყო, რომელიც შარშან "ქართულმა ოცნებამ“ უკან გაიწვია. სკანდალი დავით კაჭარავას გამოქვეყნებულ პოსტს მოჰყვა, რომელშიც წერდა: " მიმიფურთხებია ყველა იმ ადამიანისთვის, ვინც ჩემი 20 წელიწადი 2 დღეში გაყიდა და იფიქრა, რომ მე სამშობლო რუსეთში გავცვალე! ისე რომ კითხვაც არ დამისვა!“ დეპუტატი კოლეგებიდან ბექა ოდიშარიამ და თეა წულუკიანმა დაიცვეს. მათ საზოგადოებას სპორტსმენის ღვაწლი შეახსენეს.
პირადი ცხოვრება
დავით კაჭარავა პირველი მეუღლე ანკა დუნდუა გახლდათ, რომელთანაც ერთი ვაჟი ჰყავს. დაშორებიდან რამდენიმე წლის შემდეგ, დეპუტატი ტანმოვარჯიშე ქეთი ხატიაშვილთან ერთად გამოჩნდა. უკვე წლებია, ის და ქეთი ხატიაშვილი ერთად ცხოვრობენ. წყვილს 14 მარტს საერთო შვილი ილია კაჭარავა შეეძინა.
ქეთის პირველი ქორწინებიდან გოგონა ჰყავს. თუმცა როგორც დეკლარაციიდან გავარკვიეთ, ისინი ოფიციალურ ქორწინებაში ჯერ არ არიან.
რა ქონებას ფლობს პარლამენტარი
დეპუტატმა ქონებრივი დეკლარაცია ბოლოს 2024 წლის 8 თებერვალს შეავსო. ამიტომ დოკუმენტში ვერ მოხვდა მისი მეორე შვილი ილია კაჭარავა, რომელიც მარტში დაიბადა.
დეკლარაციის მიხედვით, პირველი ვაჟი ნიკოლოზ კაჭარავა 2009 წელს შეეძინა.
2011 წელს 58 ათას დოლარად დაბა წყნეთში ბინა შეიძინა, რომლის თანამესაკუთრეც გიორგი კაჭარავაა.
დეპუტატი ფლობს ასევე არასაცხოვრებელ ფართს თბილისში, ზანდუკელის ქუჩაზე, რომელიც 2018 წელს 1000 დოლარად შეიძინა და 130 კვ. მ. ბინას ასევე ზანდუკელის ქუჩაზე, რომელშიც 137 900 დოლარი გადაიხადა. პოლიტიკოსი გადაადგილდება მსუბუქი ავტომანქანა Dodge Challenger-ით, მასში 2017 წელს 14 000 დოლარი გადაიხადა.
დეკლარაციის შევსების დროს კაჭარავას "საქართველოს ბანკის" მიმდინარე ანგარიშზე ჰქონდა 193 ლარი, იპოთეკურ ბარათზე 8597,58 დოლარი, საკრედიტოზე კი 2125,49 ლარი.
დავით კაჭარავა ორი შპს-ს "ჯენტლმენისა“ და "თბილალპროფ საქართველოს“ მეწილეა, თუმცა შემოსავლის გრაფა ცარიელია.
დეპუტატის 2023 კალენდარული წლის ხელფასმა 49 590,72 ლარი შეადგინა.
მან 2023 წელს ბინა გაყიდა და შემოსავლის სახით 55 000 დოლარი მიიღო.
რაც შეეხება სხვა შემოსავალს, კაჭარავას ბინის გაქირავებით 2023-2024 წლებში 2250 დოლარი აქვს მიღებული.
2020 წელს პოლიტიკოსმა ორივე შპს-ს თანამფლობელებს, მართვის უფლება უვადოდ გადასცა.
.
2018 წელს კაჭარავამ 97 479 დოლარის იპოთეკური სესხი აიღო. დეკლარაციაში სესხის გადასახდელად გასავალი 15 000 დოლარი უფიქსირდება.
გასულ წელს, დეპუტატმა შვილის სწავლაში 9000 ლარი გადაიხადა.
წაიკითხეთ ასევე:
მკითხველის კომენტარები /
64 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ტვინს და სინდისს ფულით ვერ იყიდი. ყველაფერი დანარჩენისათვის კი არსებობს "ქართული ოცნება" (და მისი ფილიალი)
კაჭარავას ინტელექტზე დიდი წარმოდგენისა არ ვარ, მაგრამ, არც რუსეთუმეა და არც არაფერი განსაკუთრებული ქონების პატრონი არ ყოფილა. ჰოდა, შეეშვან და დაანებონ თავი.