საქართველოსა და ევროკავშირის ჰიმნი - პარლამენტთან აქცია “კი ევროპას! არა რუსულ კანონს!“ დაიწყო (ფოტოები)
საქართველოს პარლამენტთან სამოქალაქო ორგანიზაციების ორგანიზებით, "უცხოური გავლენის გამჭვირვალობის შესახებ“ კანონპროექტის წინააღმდეგ აქცია მიმდინარეობს.
აქციაზე საქართველოსა და ევროკავშირის ჰიმნები გაჟღერდა. რუსთაველის გამზირზე საავტომობილო მოძრაობა ამ დროისთვის შეზღუდულია.
აქციის მონაწილეებს ადგილზე კანონპროექტის წინააღმდეგ სხვადასხვა შინაარსის ბანერები აქვთ მოტანილი.
პარლამენტთან აქცია - "არა რუსულ კანონს“ "უცხოური გამჭვირვალობის შესახებ“ კანონპროექტის განხილვის პარალელურად, დილიდან მიმდინარეობდა.
შეგახსენებთ, რომ პარლამენტმა „უცხოური გავლენის გამჭვირვალობის შესახებ" კანონპროექტის განხილვა დღეს დაიწყო. ფრაქცია „ქართული ოცნების“ მიერ წარდგენილ პროექტს დღეს იურიდიულ საკითხთა კომიტეტი, პირველი მოსმენით განიხილავს.
