"ასე ემართებათ თავში ავარდნილ ქალებს" - ქმრის მიერ მოკლულ ქალზე ქვემო ახალშენის საჯარო სკოლის დირექტორის სახელით დაწერილი კომენტარი, რომლის გამოც თავის მართლება მოუწია

გუშინ, შუახევის მუნიციპალიტეტში საზარელი მკვლელობა მოხდა. კაცმა ცოლი სასტიკად მოკლა. ამ საკითხს სოციალურ ქსელში გამოეხმაურა ქვემო ახალშენის საჯარო სკოლის დირექტორი ფერიდე შაინიძე და ასეთი შინაარსის კომენტარი დაწერა: "ასე ემართებათ თავში ავარდნილ ქალებს, ლოქო ნაჭუჭიდან რომ გამოძვრება შემდეგ ასე იქცევიან, რომ სიკვდილამდე მიდის საქმე".

• აღნიშნულ კომენტარს ნეგატიური გამოხმაურებები მოჰყვა. "ტვ 25" ფერიდე შაინიძეს დაუკავშირდა. მან ჟურნალისტებს უთხრა, რომ კომენტარის ადრესატი არა მოკლული ქალი, არამედ მისი ოჯახის წევრი იყო, თუმცა მოგვიანებით, საკუთარი ნათქვამი უარყო და განაცხადა, რომ "ფეისბუქი" გაუტეხეს.

"სსიპ ხელვაჩაურის მუნიციპალიტეტის სოფელ ქვემო ახალშენის საჯარო სკოლის დირექცია (სკოლის დირექტორი ფერიდე შაინიძე) ღრმა მწუხარებას გამოვხატავ ტრაგიკულად დაღუპული მელანოს გამო და აქვე გაცნობებთ, რომ ჩემი პირადი ფეისბუქით Feride Shainidze რომელიც გამიტეხეს და ისარგებლეს ბოროტულად, რომელიც ჩემი ოჯახის მიმართ იყო დაწერილი. საზოგადოებას ბოდიშს ვუხდი ჩემი სახელით დაწერილი სტატუსის გამო", - წერს დირექტორი სკოლის ოფიციალურ გვერდზე "ფეისბუქში".

ასევე იხილეთ:

• "ემიგრაციიდან დაბრუნებულმა კაცმა ცოლი მოტყუებით ტყეში წაიყვანა და ყელი გამოჭრა" - შუახევში მომხდარი უმძიმესი დანაშაულის დეტალები