ბოლო ხანს ფეხ­ბურ­თის ქარ­თვე­ლი გულ­შე­მატ­კი­ვა­რი ხში­რად კა­მა­თობს იმა­ზე, უნდა გა­მო­ი­ძა­ხოს თუ არა ვილი სა­ნი­ოლ­მა ქუ­თა­ი­სის "ტორ­პე­დოს" ფეხ­ბურ­თე­ლი გი­ორ­გი არა­ბი­ძე ნაკ­რებ­ში.

"ეროვ­ნულ ნაკ­რებ­ში თა­მა­ში ყვე­ლა ფეხ­ბურ­თე­ლის სურ­ვი­ლია და გა­მო­ნაკ­ლი­სი არც მე ვარ. მხო­ლოდ იმის თქმა შე­მიძ­ლია, რომ ნე­ბის­მი­ერ მო­მენ­ტში მზად ვარ, ნაკ­რებს და­ვეხ­მა­რო. და­ნარ­ჩენს მე არ ვწყვეტ. მნიშ­ვნე­ლო­ბა არ აქვს, რა იწე­რე­ბო­და ზამ­თარ­ში - მე დღეს ქუ­თა­ი­სის "ტორ­პე­დოს“ ფეხ­ბურ­თე­ლი ვარ და ამ კლუ­ბის­თვის მაქ­სი­მა­ლუ­რად და­ვი­ხარ­ჯე­ბი“, - თქვა გი­ორ­გიმ მარ­ტის და­სა­წყის­ში უმ­ნიშ­ვნე­ლო­ვა­ნე­სი მატ­ჩე­ბის წინ ეროვ­ნუ­ლი ნაკ­რე­ბის შეკ­რე­ბის და­წყე­ბამ­დე.

თუმ­ცა ის არც ამ­ჯე­რად გა­მო­ი­ძა­ხეს... გა­დამ­წყვეტ მატ­ჩამ­დე ორი კვი­რით ადრე, სა­ნი­ოლ­მა თა­ვი­სი გა­და­წყვე­ტი­ლე­ბა ასე ახ­სნა:

"არა­ბი­ძე? მო­თა­მა­შე­ე­ბი შე­ვარ­ჩიე გა­მოც­დი­ლე­ბით და შე­თა­მა­შე­ბუ­ლე­ბით. სულ არის კა­მა­თი, ვინ უნდა გა­მო­ვი­ძა­ხოთ და ვინ - არა. არა­ბი­ძე გა­ფარ­თო­ე­ბულ სი­ა­ში მო­ი­აზ­რე­ბო­და, რად­გან კარ­გი სე­ზო­ნი ჰქონ­და. მას ახ­ლაც ვაკ­ვირ­დე­ბო­დი, მაგ­რამ მისი თა­მა­შის ინ­ტენ­სი­ვო­ბით კმა­ყო­ფი­ლი არ ვი­ყა­ვი. ლი­ო­ნელ მესი ერ­თა­დერ­თია, ვი­საც აქვს ფუ­ფუ­ნე­ბა, მა­ღა­ლი ინ­ტენ­სი­ვო­ბის გა­რე­შე ითა­მა­შოს. იმე­დია, გი­ორ­გი ამას გა­მო­ას­წო­რებს“.

ასევე დაგაინტერესებთ

12:21 / 01-04-2024

"მქონდა განცდა, რომ გავიტანდი. ამიტომაც გადავწყვიტე პენალტი დამერტყა..." - ისტორიული მატჩის საუკეთესო მოთამაშის ლაშა დვალის სპორტული გზა და პირადი ცხოვრება

18:33 / 02-04-2024

"არავის ახსოვს ის პენალტი... გვიყვარხარ და გელოდებით ევროპაზე" - როგორ ამხნევებს გიორგი მიქაუტაძეს გულშემატკივარი და როგორია ლიონში დაბადებული ბიჭის გზა სამშობლოსკენ

10:36 / 04-04-2024

"დოხტური უნდა გამევიდესო...“ და საექიმოზე დედაჩემის ხათრით ჩავაბარე" - ეროვნული ნაკრების ექიმის დავით ხარაბაძის გზა მედიცინიდან სპორტამდე და ოცნება მსახიობობაზე

"გი­ორ­გი არა­ბი­ძე პრო­ფე­სი­ო­ნა­ლი და პატ­რი­ო­ტია. ლო­გი­კუ­რია, ეროვ­ნულ ნაკ­რებ­ში არ­გა­მო­ძა­ხე­ბის გამო ის გულ­და­წყვე­ტი­ლია, მაგ­რამ ჩვენ, ვი­საც მას­თან კლუბ­ში ყო­ველ­დღი­უ­რი ურ­თი­ერ­თო­ბა გვაქვს და ვი­ცით მისი ხა­სი­ა­თი, გვეს­მის, რომ ეს მის­თვის და­მა­ტე­ბი­თი მო­ტი­ვა­ცი­აა და მო­ე­დან­ზე იმა­ზე ბევ­რად ძლი­ე­რი გავა, ვიდ­რე მა­ნამ­დე“, - გა­ნა­ცხა­და "ტორ­პე­დოს" მწვრთნელ­მა სტივ კინ­მა სა­ნი­ო­ლის გა­და­წყვე­ტი­ლე­ბის შე­ფა­სე­ბი­სას".

ეროვ­ნუ­ლი ლი­გის მე-6 ტურ­ში "კოლ­ხეთ­თან" ან­გა­რი­შით 3:2 მო­გე­ბუ­ლი მატ­ჩის შემ­დეგ კი კინ­მა დუბ­ლი­სა და ასის­ტის ავ­ტო­რის, გი­ორ­გი არა­ბი­ძის შე­სა­ხებ გა­ნა­ცხა­და:

"დღე­საც რომ პრე­მი­ერ­ლი­გა­ში ვმუ­შა­ობ­დე, გი­ორ­გი არა­ბი­ძე იქ­ნე­ბო­და პირ­ვე­ლი ფეხ­ბურ­თე­ლი, რო­მელ­საც ინ­გლის­ში წა­ვიყ­ვან­დი. ის ლი­დე­რია და ზუს­ტად ეს გა­მო­არ­ჩევს სხვე­ბის­გან - ზე­წო­ლის ქვეშ თა­მა­ში მის­თვის პრობ­ლე­მას არ წარ­მო­ად­გენს, ნე­ბის­მი­ე­რი სირ­თუ­ლის გა­და­ლახ­ვა შე­უძ­ლია. კა­პიტ­ნის სამ­კლა­ვუ­რით გა­მო­ვი­და და სა­მუ­შაო, რო­მე­ლიც დღეს მო­ე­დან­ზე გას­წია, სი­ტყვე­ბით შე­უ­ფა­სე­ბე­ლია".

ქუ­თა­ი­სი "ტორ­პე­დოს“ ლი­დე­რის გუ­შინ­დე­ლი ბრწყინ­ვა­ლე თა­მა­შის შემ­დეგ, სო­ცი­ა­ლურ ქსელ­ში კი­დევ უფრო ბევ­რს წე­რენ ფეხ­ბურ­თის გულ­შე­მატ­კივ­რე­ბი, რომ სა­ქარ­თვე­ლოს ეროვ­ნუ­ლი ნაკ­რე­ბის მწვრთნელ­მა არა­ბი­ძე ახლა მა­ინც უნდა გა­მო­ი­ძა­ხოს, თუმ­ცა არი­ან მო­წი­ნა­აღ­მდე­გე­ე­ბი, რო­მელ­თა აზ­რი­თაც, მას უდის­ციპ­ლი­ნო ფეხ­ბურ­თე­ლის იმი­ჯი აქვს და არ ღირს ევ­რო­პის ჩემ­პი­ო­ნატ­ზე გა­რის­კვა, ნა­წი­ლი კი ფიქ­რობს, რომ არ შე­იძ­ლე­ბა დღე­ვან­დე­ლი ნაკ­რე­ბი­დან ვინ­მეს გაშ­ვე­ბა, რაც არა­ბი­ძის გა­მო­ძა­ხე­ბის შემ­თხვე­ვა­ში მოხ­დე­ბა...

გთა­ვა­ზობთ რამ­დე­ნი­მე კო­მენ­ტარს:

• "ის ხალ­ხი მარ­თლა მა­ო­ცებთ, ვინც წერთ, არა­ბი­ძე ამ­რე­ვია და ნაკ­რებ­ში არ უნდა გა­მო­ი­ძა­ხო­ნო, თით­ქოს თა­ვად გი­ნა­ხავთ მისი არე­უ­ლი. მარ­ტი­ვი კი­თხვა მაქვს თქვენ­თან: თუ ასე­თი ამ­რე­ვია და მო­ურ­ჯუ­ლე­ბე­ლი, "ტორ­პე­დო­ში რო­გორ თა­მა­შობს? "ტორ­პე­დოს" მწვრთნელ­მა, სტივ კინ­მა რო­გორ მო­არ­ჯუ­ლა? თუ ასე­თი გა­მო­უს­წო­რე­ბე­ლია, ამ­დე­ნი წე­ლია "ტორ­პე­დო­ში"რით ვერ არია სი­ტუ­ა­ცია?"
• "ვის ად­გი­ლას უნდა ათა­მა­შოს თქვე­ნი აზ­რით? ამ­რე­ვი არ ვიცი, ამ­ბო­ბენ რომ უდის­ციპ­ლი­ნოა და 26 წლის ასაკ­ში იმი­ტომ ვერ თა­მა­შობს უფრო მა­ღა­ლი დო­ნის გუნ­დებ­ში სა­ო­ცა­რი ნი­ჭის მი­უ­ხე­და­ვად. თო­რემ, სა­ზღვარ­გა­რე­თაც იყო 3-4 წელი".
• "სა­ოც­რად ნი­ჭი­ე­რი რო­მაა, მა­გა­ზე არა­ვინ და­ვობს, 16 წლის რომ იყო, იქი­დან ვგულ­შე­მატ­კივ­რობ, მაგ­რამ მის თა­მაშ­ში ვერ ვხე­დავ ნაკ­რე­ბის­თვის სა­ჭი­რო სქი­ლებს. კაც­მა (იგუ­ლის­ხმე­ბა სა­ნი­ო­ლი - რედ.) აზა­რო­ვი არ გა­მო­ი­ძა­ხა, რად­გან კომ­პლექ­სუ­რად ვე­რაა მინ­დორ­ზე, ფლანგს მთლი­ა­ნად ვერ აკონ­ტრო­ლებ­სო და არა­ბი­ძე, რო­მე­ლიც და­კარ­გულ ბურთს არ მის­დევს, არ მგო­ნია, სჭირ­დე­ბო­დეს. ჩვე­ნი ნაკ­რე­ბი ევ­რო­ზე კლა­სით ვე­რა­ვის მო­უ­გებს (თუ "კვა­რამ" ან "ჩაკ­ვემ" ინ­დი­ვი­დუ­ა­ლუ­რად არ გა­იბრწყი­ნეს, რა­საც მათი ტექ­ნი­კა და ფიზ­მომ­ზა­დე­ბა მის­ცემს სა­შუ­ა­ლე­ბას), წარ­მა­ტე­ბა მხო­ლოდ გუნ­დუ­რო­ბით და თავ­და­დე­ბით მოვა და მანდ მე პი­რა­დად არა­ბი­ძის ად­გილს ვერ ვხე­დავ. მე­ო­რე გო­ლის ეპი­ზოდ­ში მე­ტო­ქის 18 ნო­მე­რი რო­გორც “მის­დევს” არა­ბი­ძეს, ევ­რო­ზე მა­გის ფუ­ფუ­ნე­ბა არ ექ­ნე­ბა".
• "კაი რა, რაის ამ­რე­ვი, ყვე­ლა თა­მაშს ვნა­ხუ­ლობ და მა­გა­ზე მშვი­დი ფეხ­ბურ­თე­ლი ჩემ­პი­ო­ნატ­ში არაა, ერთი შემ­თხვე­ვა არ მი­ნა­ხავს რომ კონ­ფლიქ­ტში შე­სუ­ლი­ყო. არა­და, მაგ ტი­პის ფეხ­ბურ­თე­ლებს ახა­სი­ა­თებთ კონ­ფლიქ­ტე­ბი. ჩემი აზ­რით, მისი ად­რინ­დე­ლი პრობ­ლე­მა უფრო სპორ­ტულ დის­ციპ­ლი­ნას­თან იყო კავ­შირ­ში და ახლა მგო­ნია, რომ ეს სა­კი­თხი და­ლა­გე­ბუ­ლი აქვს".

მოკ­ლედ, მსგავს კო­მენ­ტა­რებს სო­ცი­ა­ლურ ქსელ­ში მრავ­ლად ნა­ხავთ.

რა გა­და­წყვე­ტი­ლე­ბას მი­ი­ღებს ევ­რო­პის ჩემ­პი­ო­ნა­ტის­თვის სა­ნი­ო­ლი, უც­ნო­ბია, მა­ნამ­დე კი უფრო მეტი გა­ვი­გოთ გი­ორ­გი არა­ბი­ძე­ზე:

• "ქარ­თვე­ლი მესი" უკ­რა­ი­ნა­ში

გი­ორ­გი არა­ბი­ძე 1998 წლის 4 მარტს, ვან­ში და­ი­ბა­და. ქუ­თა­ი­სის ტორ­პე­დოს გა­რე­მარ­ბის პირ­ვე­ლი ახალ­გაზ­რდუ­ლი გუნ­დი თბი­ლი­სის "ლო­კო­მო­ტი­ვი“ იყო, სა­დაც 2005-2013 წლებ­ში თა­მა­შობ­და. 2013-დან არა­ბი­ძე მთა­ვარ გუნდში გა­და­იყ­ვა­ნეს, რომ­ლის რი­გებ­შიც 2 წე­ლი­წად­ში 33 ოფი­ცი­ა­ლუ­რი მატ­ჩი ჩა­ა­ტა­რა და გო­ლით თავი 21-ჯერ გა­მო­ი­ჩი­ნა, ეს გუნ­დის­თვის ერთ-ერთი სა­უ­კე­თე­სო შე­დე­გი იყო, მით უფრო, 16-17 წლის ნა­ხე­ვარმცვე­ლის პი­რო­ბა­ზე.

მალე არა­ბი­ძემ წამ­ყვა­ნი ევ­რო­პუ­ლი გუნ­დე­ბის ყუ­რა­დღე­ბა მი­ი­პყრო, მი­სით უკ­რა­ი­ნუ­ლი "შახ­ტა­რი“ და მისი იმ­ჟა­მინ­დე­ლი მწვრთნე­ლი მირ­ჩა ლუ­ჩეს­კუ და­ინ­ტე­რეს­დნენ. 2015 წლი­დან არა­ბი­ძე "შახ­ტარ­ში" გა­და­ვი­და და დუბ­ლებ­ში და­ი­წყო თა­მა­ში, პა­რა­ლე­ლუ­რად ლუ­ჩეს­კუ გი­ორ­გის უკ­რა­ი­ნის პრე­მი­ერ ლი­გა­ში თა­მა­შის სა­შუ­ა­ლე­ბას აძ­ლევ­და. იმ წლებ­ში უკ­რა­ი­ნე­ლი ჟურ­ნა­ლის­ტე­ბი არა­ბი­ძეს "ახალ მე­სის" ან "ქარ­თველ მე­სის" ეძახ­დნენ. 2016 წელს მირ­ჩა ლუ­ჩეს­კუ სან­ქტ-პე­ტერ­ბურ­გის "ზე­ნი­ტში“ გა­და­ვი­და, მის­მა შემ­ცვლელ­მა პა­უ­ლუ ფონ­სე­კამ არა­ბი­ძე მთა­ვა­რი გუნ­დის გა­ნა­ცხად­ში აღარ შე­იყ­ვა­ნა. ამის შემ­დეგ იყო პორ­ტუ­გა­ლი­უ­რი "ნა­სი­ო­ნა­ლი“, რო­მელ­მაც თურ­ქულ "ადა­ნას­პორ­ში“ გა­ა­ნა­თხოვ­რა. სა­ი­და­ნა­აც 2022 წელს ქუ­თა­ი­სის "ტორ­პე­დოს" შე­უ­ერ­თდა.

ეროვ­ნულ ნაკ­რებ­ში გი­ორ­გი არა­ბი­ძის დე­ბი­უ­ტი 2017 წლის 24 მარტს შედ­გა. სა­ქარ­თვე­ლო სერ­ბე­თის წი­ნა­აღ­მდეგ თა­მა­შობ­და. ფეხ­ბურ­თე­ლი შეც­ვლა­ზე შე­ვი­და ოთარ კა­კა­ბა­ძის ნაც­ვლად. პირ­ვე­ლი გოლი 2017 წლის 28 მარტს ლატ­ვი­ელ­თა კარ­ში გა­ი­ტა­ნა.

• პი­რა­დი ცხოვ­რე­ბა

გი­ორ­გი არა­ბი­ძე ოფი­ცი­ა­ლუ­რად და­ო­ჯა­ხე­ბუ­ლი არ არის. სო­ცი­ა­ლურ ქსელ­ში "ინ­სტაგ­რა­მის" პი­რად გვერ­დზე ნა­ხავთ თათა ხუ­ცუ­რა­ულ­თან გა­და­ღე­ბულ ფო­ტოს. გო­გო­ნა გი­ორ­გის შეყ­ვა­რე­ბუ­ლია. "ვა­მა­ყობ შე­ნით, ჩემო სიყ­ვა­რუ­ლო“, - წერს თათა და გი­ორ­გის ვი­დე­ოს აქ­ვეყ­ნებს.

• გი­ორ­გი არა­ბი­ძის ერთ-ერთი ბოლო ინ­ტერ­ვიუ

გა­სულ წელს, "ჯეო თიმ­მა“ ვრცე­ლი გა­და­ცე­მა მო­ამ­ზა­და გი­ორ­გი არა­ბი­ძე­ზე, რო­მელ­შიც ტორ­პე­დოს გა­რე­მარ­ბი, მისი მწვრთნე­ლი და სპორ­ტუ­ლი კო­მენ­ტა­ტო­რე­ბი სა­უბ­რო­ბენ. ინ­ტერ­ვი­უ­დან ამო­ვი­ღეთ რამ­დე­ნი­მე მო­ნაკ­ვე­თი, რო­მელ­შიც გი­ორ­გი თა­ვი­სი ცხოვ­რე­ბის მნიშ­ვნე­ლო­ვან ადა­მი­ა­ნებ­ზე და მო­მენ­ტებ­ზე სა­უბ­რობს.

"ჩემი პრობ­ლე­მა ის არის, რომ შე­იძ­ლე­ბა არაფ­რის გამო უცებ ცუდ ხა­სი­ათ­ზე დავ­დგე. დედა მაქ­სი­მა­ლუ­რად ცდი­ლობს, რომ პო­ზი­ტი­უ­რი გან­წყო­ბა შე­მიქ­მნას და კარგ ხა­სი­ათ­ზე ვიყო, რად­გან ამის გა­რე­შე ვე­რა­ფერს გა­ა­კე­თებ.“

"თა­მა­ში რომ შე­მეძ­ლო, ეგ ყო­ველ­თვის ვი­ცო­დი, მაგ­რამ იყო რა­ღაც ფაქ­ტო­რე­ბი, რაც ხელს მიშ­ლი­და. იყო ჩემი თა­ვიც, რაც ხელს მიშ­ლი­და. მთა­ვა­რი ის არის, რომ სა­კუ­თარ თავ­ში ვი­პო­ვე ის, რომ ეს ყვე­ლა­ფე­რი გვერ­დზე გავ­წიო და საქ­მე ვა­კე­თო ისე, რო­გორც უნდა ვა­კე­თო.“

"მა­მას ძა­ლი­ან დიდი როლი ჰქონ­და ჩემს ცხოვ­რე­ბა­ში, სა­დამ­დეც მო­ვე­დი და რო­გორც, ყვე­ლა­ზე მე­ტად მისი დამ­სა­ხუ­რე­ბაა. მა­შინ სა­ქარ­თვე­ლო­ში არ ვთა­მა­შობ­დი, ჯერ დე­ბი­უ­ტიც არ მქონ­და, რო­დე­საც თა­მა­შის წინა დღეს მი­თხრეს, რომ მამა გარ­და­იც­ვა­ლა. მა­გის მერე და­ი­წყო ჩემი რეგ­რე­სი, ჩა­მო­ვე­დი, წა­ვე­დი, შემ­დეგ ოპე­რა­ცია გა­ვი­კე­თე, ერთი ტრავ­მა, მე­ო­რე. მაგ­რამ ვი­პო­ვე ჩემს თავ­ში ძალა, რომ უნდა გა­ვაგ­რძე­ლო, რო­გორც მას გა­უ­ხარ­დე­ბო­და და იმ ადა­მი­ა­ნებს გა­უ­ხარ­დე­ბა, რომ­ლე­ბიც დღეს ჩემს გვერ­დით არი­ან“.

"ყვე­ლა ადა­მი­ან­შია, რაც გებ­რძვის და ცუ­დის­კენ გი­ბიძ­გებს. ჩემს ცხოვ­რე­ბა­ში ყვე­ლა­ზე და­სა­მახ­სოვ­რე­ბე­ლი პე­რი­ო­დი იყო ეროვ­ნუ­ლი ნაკ­რე­ბი. სა­ერ­თოდ ყვე­ლა ფეხ­ბურ­თე­ლის­თვის მნიშ­ვნე­ლო­ვა­ნია. ყური მო­მიკ­რავს, რომ ვი­თომ მა­შინ­დელ მწვრთნელ ვა­ის­თან მქონ­და პრობ­ლე­მა, მაგ­რამ მსგავ­სი არა­ფე­რი არ ყო­ფი­ლა. უბ­რა­ლოდ, ტრავ­მე­ბი მქონ­და და იმ მო­მენ­ტში არ ვიმ­სა­ხუ­რებ­დი ნაკ­რებ­ში გა­მო­ძა­ხე­ბას. “

"ერ­თა­დერ­თი, რაც ვა­ის­თან და­კავ­ში­რე­ბით მოხ­და, ლატ­ვი­ას­თან უნდა გვე­თა­მა­შა, წინა დღეს გა­ვი­გე, რომ ძი­რი­თად შე­მად­გენ­ლო­ბა­ში ვი­ყა­ვი და მე­ო­რე დღეს გა­სახ­დელ­ში ჩემი ფორ­მა არ დამ­ხვდა. რა­ტომ ამო­მი­ღეს ძი­რი­თა­დი შე­მად­გენ­ლო­ბი­დან, არ ვიცი. ვუ­თხა­რი, რომ ასე მოქ­ცე­ვას არ ვიმ­სა­ხუ­რებ­დი. არ ვიცი, და­ძა­ბუ­ლო­ბას თუ და­ვარ­ქმევთ იმას, რომ ვა­ისს კი­თხვა და­ვუს­ვი და პა­სუ­ხი ვერ მი­ვი­ღე. სულ ეგ იყო ჩვე­ნი სა­უ­ბა­რი“...

• ნაკ­რებ­ში დაბ­რუ­ნე­ბა­ზე...

"კარგ ფორ­მა­ში ვარ, თავს ჯან­მრთე­ლად ვგრძნობ, ვიმ­სა­ხუ­რებ თუ არა, ჩემი გა­და­სა­წყვე­ტი არ არის. ყვე­ლა ფეხ­ბურ­თე­ლის­თვის ეროვ­ნუ­ლი ნაკ­რე­ბი პირ­ვე­ლია და ყვე­ლას უხა­რია გა­მო­ძა­ხე­ბა და თუნ­დაც ერთი წუთი თა­მა­ში. შე­იძ­ლე­ბა ბრა­ზი­ლი­ე­ლის­თვის იმ­დენს არ ნიშ­ნავს, რამ­დენ­საც ქარ­თვე­ლის­თვის. ეროვ­ნუ­ლი ნაკ­რე­ბის უკან დგას, პირ­ველ რიგ­ში, შენი ქვე­ყა­ნა და ვალ­დე­ბუ­ლი ხარ ფეხ­ბურთში შენს ქვე­ყა­ნას და­ეხ­მა­რო. ყვე­ლა ფეხ­ბურ­თე­ლი იმი­ტომ თა­მა­შობს, რომ შემ­დეგ ეროვ­ნუ­ლი ნაკ­რებ­ში ითა­მა­შოს. ვარ თუ არა მზად? - ამას სხვე­ბი წყვე­ტენ, მაგ­რამ თავს ვგრძნობ კარ­გად".

იხი­ლეთ ასე­ვე:

• "არა­ვის ახ­სოვს ის პე­ნალ­ტი... გვიყ­ვარ­ხარ და გე­ლო­დე­ბით ევ­რო­პა­ზე" - რო­გორ ამ­ხნე­ვებს გი­ორ­გი მი­ქა­უ­ტა­ძეს გულ­შე­მატ­კი­ვა­რი და რო­გო­რია ლი­ონ­ში და­ბა­დე­ბუ­ლი ბი­ჭის გზა სამ­შობ­ლოს­კენ