"აქ იცით, რა გააკეთა მსაჯმა?" - რატომ მიიღო გიორგი ლორიამ წითელი ბარათი ისტორიული მატჩისას: ზურა ხიზანიშვილის განმარტება
26 მარტის გამარჯვებით მიღებული ემოციებიდან საზოგადოება ჯერ კიდევ ვერ გამოვიდა. სოციალური ქსელში ამ დრომდე ყველაზე დიდი დრო ეროვნული ნაკრების ისტორიულ მატჩს, კურიოზებს, დასამახსოვრებელ მომენტებსა და გამარჯვებით გამოწვეული სიხარულის გაზიარებას ეთმობა.
გვახსოვს ალბათ, რომ საბერძნეთი-საქართველოს ტაიმის მიწურულს შეხლა-შემოხლა იყო სამწვრთნელო შტაბთან და მსაჯმა წითელი ბარათი მისცა ჩვენი გუნდის სათადარიგო მეკარეს გიორგი ლორიას.
- მას შემდეგ ყველა კითხულობდა, რა იყო მსაჯის გადაწყვეტილების მიზეზი. ამ თემაზე კომენტარი ნაკრების მთავარი მწვრთნელის თანაშემწემ ზურა ხიზანიშვილმა გააკეთა.
"არაფერ შუაში არ იყო ლორია, მე მგონი ერთ ფეხბურთელში აერია. სასწაული რა იყო, იცით? ლორია მიდის მსაჯთან და ეუბნება, ამიხსენი, რატომ მომეცი წითელი ბარათიო, ის ისეთი გაღიზიანებული იყო, უთხრა " რეპორტს" დაგიწერო. ამ დროს მსაჯმა თუ ცუდი დახასიათება დაგიწერა, თუ ახლა ერთ თამაშში მოგცეს წითელი ბარათი, მერე შეიძლება 3-4 თამაშში მოგცენ. ამიტომ ამ დროს მსაჯთან კამათს აზრი არ აქვს.
აქ იცით, რა გააკეთა მსაჯმა? - ძალიან დაძაბულობა იყო სტადიონზე, 60 ათასი ადამიანი გაღიზიანებული იყო, დააწყნარა ხალხი. იქითაც გაგვიგდო სტაფის წევრი და - აქეთაც. ლორიას მერე გუგეშაშვილი ეუბნება მსაჯს, რატომ გააგდე ლორიაო და იმიტომ გავაგდე, რომ შენ ყოფილიყავი მეორე მეკარეო (იცინის)" - თქვა ხიზანიშვილმა "იმედის" ეთერში.
წაიკითხეთ ასევე: