15
მარტიდღის ზოგადი ასტროლოგიური პროგნოზი
ყველამ ვიცით, რომ ყოველ 4 წელიწადში თებერვალში 29 დღე გვაქვს, რომელიც ნაკიანი წლის სახელითაა ცნობილი. უკვე 50 წელია, რაც საათს პერიოდულად, ნაკიანი წლის მსგავსად, "ნახტომი წამები" ემატება. ეს იმიტომ ხდება, რომ დროის ატომურ და ასტრონომიულ სკალებს შორის მცირედი უზუსტობა გათანაბრდეს. ეს იმიტომ , რომ სიჩქარე, რომლითაც დედამიწა თავისი ღერძის გარშემო ბრუნავს, ოდნავ მერყეობს, რაც ნიშნავს, რომ ერთი სრული ბრუნი ყოველთვის არაა ზუსტად ერთი დღე.
- ახლა, ამერიკელი მეცნიერი ამ ნახტომი წამის ამოღებას ითხოვს. პროფესორი დანკან ანიუ ამბობს, რომ დედამიწის სწრაფად ბრუნვის გამო, 2029 წელს ნახტომი წამი წალიწადს პირიქით უნდა გამოვაკლოთ, თუმცა გვაფრთხილებს, რომ ამან შესაძლოა სმარტფონებისთვის და კომპიუტერებისთვის უპრეცედენტო პრობლემები გამოიწვიოს.
კოორდინირებული უნივერსალური დრო მთელ მსოფლიოში დახვეწილი, ულტრა ზუსტი "ატომური საათებით" განისაზღვრება. თუმცა, ეს ატომური საათები "მზის დროს" ზუსტად არ ემთხვევა. პლანეტის ბრუნვის დრო ხშირად მთვარის მიზიდულობის გამო იცვლება, რაც დროის ამ ორი სისტემის ერთმანეთისგან დაცილებას იწვევს.
1972 წლიდან მოყოლებული, ნახტომი წამი სულ 27-ჯერ დაემატა ჩვენს დროს, მათგან უკანასკნელი კი 2016 წელს განხორციელდა. თუმცა გავრცელებული ინფორმაციით, დედამიწის ბრუნვა 2020 წლიდან ჩქარდება, ამიტომ მომავალში შესაძლა, ნახტომი წამის ამოღება გახდეს საჭირო, და არა დამატება, რათა საათების დრო მზისას დაემთხვეს.
პრობლემა იმაშია, რომ შესაძლოა, ნახტომი წამების გამო მსოფლიოს გარშემო დაბნეულობა შეიქნას, განსაკუთრებით მაშინ, როცა საქმე თანამედროვე ტექნოლოგიურ სისტემებს ეხება. თუ კომპიუტერულმა ქსელმა ამ ცვლილების შესახებ არ იცის, ის ყველაფერთან დაკარგავს სინქრონს. მაგალითად, თუ ონლაინ მაღაზიის კომპიუტერი და თქვენი ბანკის კომპიუტერი სხვადასხვა დროზეა, შეკვეთის ღილაკზე დაწკაპუნებით ორი ქმედება ორ სხვადასხვა დროს დაფიქსირდება.
"ერთი წამი თითქოს არც ისე ბევრია, მაგრამ დღევანდელ ურთიერთდაკავშირებულ სამყაროში დროის უზუსტობამ შესაძლოა დიდი პრობლემები გამოიწვიოს",- თქვა პროფესორმა ანიუმ.
"ბევრ სისტემას ახლა პროგრამული უზრუნველყოფა აქვს, რომელსაც შეუძლია წამის დამატება, მაგრამ ცოტა მათგანი თუ იძლევა წამის გამოკლების საშუალებას. ამიტომ, მოსალოდნელია, რომ უარყოფითი ნახტომი წამში ბევრ სირთულეს შექმნის."
თავის ახალ კვლევაში პროფესორი ამტკიცებს, რომ გლობალური დათბობის გამო მაღალ განედებზე ყინულის დნობა ის დამატებითი ფაქტორია, რომელიც დედამიწის ბრუნვას ანელებს. როდესაც ყინული დნება, წყალი მთელ ოკეანეში ჩაედინება, რაც კუთხური აჩქარების მიმართ დედამიწის წინააღმდეგობას ზრდის და თავის მხრივ, პლანეტას ანელებს. ამრიგად, როცა დედამიწის ბრუნვა მთლიანობაში აჩქარებულია, გლობალური დათბობა მას ანელებს, რაც ნახტომი წამის საჭიროებას აქრობს. როგორც პროფესორი იუწყება, რომ არა ყინულის დნობით გამოწვეული ბრუნვის შენელება, ნახტომი წამის ამოღება სამი წლით ადრე იქნებოდა საჭირო (ანუ 2026 წელს).
წყარო: dailymail
მოამზადა: ანა სიბოშვილმა
ნახეთ ასევე:
ხედავთ რა ძვირფასია წამი?
თქვენ კი 15 და 20 წელს ისე მიუსჯით ვითამც არაფერი, აბა თქვენ გისჯიდნენ, ყურებში გაიკეთებდით თითს, მასე არაა, ააა?
სანამ ცაგარელი არ იტყვის იგივეს, ვერ დავიჯერებ რომ ერთი წამის ამოღებაა საჭირო.