სელინ დიონი არ ნებდება - მომღერალმა "ინსტაგრამზე" შვილებთან ერთად გადაღებული ფოტო ატვირთა და თავისი დაავადების შესახებ ისაუბრა
სელინ დიონი არ ნებდება. 55 წლის მომღერალი "ინსტაგრამზე" გამოჩნდა და მოუხრელი ადამიანის სინდრომის საერთაშორისო დღეს თაყვანისმცემლებს გამამხნევებელი ტექსტი მიუძღვნა.
ჯანდაცვის ეროვნული ინსტიტუტის თანახმად, Stiff Person Syndrome - მოუხრელი ადამიანის სინდრომი იშვიათი, პროგრესირებადი ნევროლოგიური დაავადებაა, რომელიც მილიონში ერთ ადამიანს ემართება. ის გავლენას ახდენს ადამიანის სხეულის ფორმაზე, ხოლო როდესაც პროგრესირდება, ადამიანი კარგავს სიარულისა და მეტყველების უნარს.
სელინ დიონმა პოსტში თავის სამ ვაჟთან ერთად გადაღებული ფოტო ატვირთა და თაყვანისმცემლებსა და ოჯახს მის გვერდში ყოფნისთვის მადლობა გადაუხადა: "დღევანდელი დღე მოუხრელი ადამიანის სინდრომის შესახებ ცნობიერების ამაღლების საერთაშორისო დღეა. ამ ავტოიმუნური დაავადების დაძლევის მცდელობა ჩემს ცხოვრებაში ერთ-ერთი ყველაზე რთული გამოცდილება იყო, მაგრამ მიზნად დავისახე, რომ ერთ დღესაც სცენას დავუბრუნდები და რაც შეიძლება ნორმალური ცხოვრებით გავაგრძელებ ცხოვრებას. ჩემი შვილების, ოჯახის, გუნდისა და ყველა თქვენგანისგან მიღებული სიყვარულისა და მხარდაჭერისთვის უაღრესად მადლიერი ვარ",- წერს კანადელი მომღერალი.
"მინდა ყველა იმ ადამიანის მიმართ გამოვხატო ჩემი მხარდაჭერა, ვინც ამ დაავადების გამო დაზარალდა. მინდა იცოდეთ, რომ გაუმკლავდებით! ჩვენ ყველას შეგვიძლია ამის დაძლევა!"
წყარო: nypost
მოამზადა: ანა სიბოშვილმა