16
მარტიდღის ზოგადი ასტროლოგიური პროგნოზი
ადამიანების დიდ ნაწილს რომ ძალიან უყვართ შეთქმულების თეორიები, ეს გასაკვირი არავისთვის არის, სოციალური ქსელების ეპოქაში კი კიდევ უფრო გაზრდილია საზოგადოების ფანტაზია ამა თუ იმ თემასთან დაკავშირებით.
წარმოიდგინეთ, რა ხდება მაშინ, როცა საქმე ეხება მსოფლიოში ყველაზე პოპულარული სამეფო ოჯახის, უინძორების წევრს და მის "გაუჩინარებას".
უელსის პრინცესა ქეით მიდლტონი 2023 წლის დეკემბრის შემდეგ საზოგადოების წინაშე არ გამოჩენილა. ონლაინ სივრცეში კი ახლა აქტიურად იკვლევენ ქეითის "გაქრობის“ საქმეს.
ქეითის ადგილსამყოფლის შესახებ სპეკულაციები დღითიდღე უფრო მძაფრდება. ვრცელდება არაერთი თეორია პრინცესას შესახებ. ერთი ვერსიით, მან მეფე ჩარლზს თირკმელი გადაუნერგა და ახლა ძალიან ცუდად არის, კიდევ ერთი თეორიის თანახმად, პრინცესამ წონაში მოიმატა და სპეციალური გასახდომი პროგრამისთვის მაიამიში წავიდა.
გიჟურ თეორიებს დასასრული არ უჩანს, ზოგიერთი იმასაც წერს, რომ პრინცესა ნიღბით გამოჩნდება და მომღერლად მოგვევლინება. ზოგი წერს, რომ ქეითი გლაზგოში შენიშნეს და ის ცდილობდა, სახე დაეფარა, რათა ვერავის ეცნო.
რეალურად, ის, რომ ქეით მიდლტონი საზოგადოების წინაშე არ გამოჩენილა და არც მისი ახალი ფოტოები ვრცელდება, გასაკვირი არ არის. პრინცესამ იანვრის შუა რიცხვებში მუცლის ღრუს ოპერაცია გაიკეთა. ბუკინგემის სასახლეში განაცხადეს, რომ "ამჟამინდელი სამედიცინო რჩევების საფუძველზე, ნაკლებად სავარაუდოა, რომ ის დაუბრუნდეს საჯარო მოვალეობებს აღდგომამდე“.
მიუხედავად ამ ინფორმაციისა, საზოგადოების დიდ ნაწილს არ სჯერა ოფიციალური ინფორმაციის და ზოგიერთი თვლის, რომ მიდლტონს გაცილებით სერიოზული პრობლემები აქვს. მედიის ცნობით, ფანების დასამშვიდებლად, შესაძლოა, პრინცესას მოუწიოს სრულად გამოჯანმრთელებამდე გამოჩენა.
იხილეთ ასევე:
მომეშვა გულზე.