მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კვარაცხელიას "ნაპოლი" "ბარსელონას" წინააღმდეგ - უკიდურესად ფრთხილი თამაში და ნულოვანი ფრე პირველი ტაიმის შემდეგ
00:50 / 22-02-2024
ჩემპიონთა ლიგის მერვედფინალური ტურის პირველ მატჩში "ნაპოლი" "ბარსელონას" მასპინძლობს და პირველი ტაიმის შემდეგ ანგარიშია 0:0.
გუნდები შემდეგი სასტარტო შემადგენლობებით გავიდნენ მოედანზე:
"ნაპოლი" - მერეტი, დი ლორენცო, რაჰმანი, ჟუან ჟეზუსი, ოლივეირა, კაიუსტე, ლობოტკა, ანგისა, კვარაცხელია, პოლიტანო, ოსიმენი.
"ბარსელონა" - ტერ შტეგენი, კუნდე, არაუხო, მარტინესი, კანსელო, დე იონგი, კრისტენსენი, გიუნდოგანი, იამალი, პედრი, ლევანდოვსკი.
მატჩის წინ ცნობილი გახდა, რომ "ნაპოლის" მფლობელმა აურელიო დე ლაურენტისმა "ბარსას" პრეზიდენტ ჟოან ლაპორტას სადილზე რესტორან "პალაცო პეტრუჩიში" უმასპინძლა.
სადილზე დე ლაურენტისის შვილი ედოარდო, "ნაპოლის" ყოფილი ფეხბურთელი მარეკ ჰამშიკი და კატალონიური კლუბის სპორტული დირექტორი დეკოც იყვნენ.
კითხვაზე, ვინაა ფავორიტი, აურელიო დე ლაურენტისმა უპასუხა - კარგი თამაში.
როგორც მოგეხსენებათ, იტალიური "ნაპოლის" მთავარი მწვრთნელი ამ სეზონში კიდევ ერთხელ - მესამედ შეიცვალა. ნეაპოლელებმა ვალტერ მაცარის კარისკენ მიუთითეს, მის შემცვლელად კი 55 წლის სპეციალისტი, ფრანჩესკო კალცონა მოიყვანეს, რომელიც გუნდს სეზონის ბოლომდე უხელმძღვანელებს. მისი თავკაცობით "ნაპოლი" პირველად სწორედ "ბარსელონას" წინააღმდეგ გავიდა მოედანზე.
"რისი შეცვლა მოვასწარი? ბევრი ვერაფრის, მაგრამ განახლების პროცესის დაჩქარება მინდა. 4-3-3 ტაქტიკის მიმდევარი ვარ, თუმცა ეს იმას არ ნიშნავს, რომ სხვა სქემას არ გამოვიყენებთ. ბიჭებს ვუთხარი, რომ მეტად შეცდომების დაშვების უფლება არ გვაქვს. "ბარსელონამ" რთული პერიოდი გამოიარა, თუმცა ძლიერი გუნდია. ჩვენ კი "ნაპოლი" ვართ და არავისი არ უნდა გვეშინოდეს", - განაცხადა მან მატჩის წინ.
პირველი ტაიმის მიხედვით, ნამდვილად ვერ შესრულდა დე ლაურენტისის დანაპირები, რომ ფავორიტი კარგი თამაში იქნებოდა. თამაში საკმაოდ უღიმღამოდ წარიმართა, ორივე გუნდი უკიდურესად ფრთხილობდა.
მატჩი "ბარსელონას" უპირატესობით დაიწყო და მე-8 წუთზე კატალონიელებს ბურთის გატანის რეალური შანსი ჰქონდათ, თუმცა მერეტის კარგმა თამაშმა "ნაპოლი" გოლს გადაარჩინა. ნეაპოლელები საკმაოდ არადამაჯერებლად გამოიყურებოდნენ. ვერაფერს ახერხებდა ხვიჩა კვარაცხელიაც, რომელსაც კატალონიელები მჭიდროდ მეურვეობდნენ, 21-ე წუთზე მერეტმა კიდევ იმარჯვა და ზედიზედ 2 უმწვავესი შეტევისას ბურთი ორჯერ მოიგერია.
35-ე წუთიდან "ნაპოლი" შედარებით გააქტიურდა, მისი შეტევებიც მწვავე გახდა. შეიძლება ითქვას, რომ ნეაპოლელებმა შეძლეს უპირატესობის მოპოვება ტაიმის ბოლომდე, თუმცა ანგარიშის გახსნა ვერ მოახერხდა და პირველი ტაიმი ნულოვანი ფრით დასრულდა.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ხვიჩუკამ ვერაფერი გააკეთა ამ თამაშში,მოუკვდეს ჯუღელი....