მწერალი ბორის აკუნინი რუსეთში "ტერორისტებისა და ექსტრემისტების“ რეესტრში შეიყვანეს და "უცხოეთის აგენტად“ გამოაცხადეს

რუსეთში, ცნობილი მწერალი, ქვეყნის ერთ-ერთი ყველაზე პოპულარული რომანისტი ბორის აკუნინი "უცხოეთის აგენტად“ გამოაცხადეს. რუსეთის იუსტიციის სამინისტრომ მისი სახელი და გვარი "ტერორისტებისა და ექსტრემისტების“ რეესტრში დაამატა.

67 წლის მწერალი ცნობილია პრეზიდენტ ვლადიმერ პუტინის კრიტიკით. მან რუსეთი 2014 წელს, ყირიმის ოკუპაციის შემდეგ დატოვა. ომამდე აკუნინის დეტექტიური რომანები ბესტსელერი იყო რუსეთში, თუმცა ამჟამად მისი წიგნები აკრძალულია.

იუსტიციის სამინისტროს განცხადებაში ნათქვამია, რომ აკუნინი, რომლის ნამდვილი სახელი და გვარია გრიგოლ ჩხარტიშვილი - "ეწინააღმდეგებოდა უკრაინაში სპეცოპერაციას". სამინისტრომ განაცხადა, რომ აკუნინმა გაავრცელა ცრუ ინფორმაცია, რომელიც მიზნად ისახავდა "რუსეთისა და მისი არმიის ცუდად წარმოჩენას და საზოგადოების მოტყუებას“. მას ასევე ადანაშაულებენ უკრაინელი სამხედროების დასახმარებლად თანხების შეგროვებაში. აკუნინმა სამინისტროს განცხადება უპასუხოდ არ დატოვა და გამოაცხადა, - ტერორისტებმა გამომაცხადეს ტერორისტადო.

• თარგმნა ანასტასია შალიკაშვილმა