6
მაისიდღის ზოგადი ასტროლოგიური პროგნოზი
უკვე დიდი ხანია, რაც TikTok-ი ბოლო დროის ყველაზე პოპულარულ სოციალურ პლატფორმად იქცა. იმ ადამიანებმა, რომლებმაც აპლიკაცია პოპულარული გახადეს, თაყვანისმცემლების არმია შეიძინეს. შედეგად, ყველაზე პოპულარული ტიკტოკერები ახლა მილიონებს გამოიმუშავებენ.
ვნახოთ ვინ გამოიმუშავებს ყველაზე მეტს ტიკტოკის საშუალებით:
1. ჩარლი დამელიო
2023 წლის საბოლოო მონაცემებით, ტიკტოკერებს შორის კვლავ ჩარლი დამელიო ლიდერობს, რომლის ქონებაც 20 მილიონ დოლარს უტოლდება. ჩარლი წარსულში პროფესიონალი მოცეკვავე იყო, ახლა კი თავისი ნიჭის წარმოსაჩენად "ტიკტოკს" იყენებს. ჩარლი რიგით მეორე ადამიანია ტიკტოკზე, ვისაც ყველაზე მეტი გამომწერი ჰყავს. მისი შემოსავლის ყველაზე დიდი ნაწილი სწორედ ამ პლატფორმიდანაა.
ჩარლის ჯამში 151 მილიონზე მეტი გამომწერი ჰყავს და თითოეული პოსტით $100 000-ს გამოიმუშავებს. მან "ტიკტოკზე" ვიდეოების ატვირთვა 2019 წელს დაიწყო და ამ დროისთვის მის ვიდეოებს 11.4 მილიარდი მოწონება აქვს. TikTok-ზე წარმატებული კარიერის შექმნის შემდეგ მან სხვა სოციალურ ქსელებშიც გადაინაცვლა და "იუთუბზეც" შეიძინა თაყვანისმცემლების დიდი არმია. ჩარლის Youtube-ზე 9.25 მილიონი გამომწერი ჰყავს.
2. ედისონ რეი ისტერლინგი
რიგით მეორე ყველაზე მაღალშემოსავლიანი ტიკტოკერი ედისონ რეი ისტერლინგია. ედისონი ტიკტოკზე რიგით მეოთხე ადამიანია, ვისაც ყველაზე მეტი გამომწერი ჰყავს. ედისონის ქონება15 მილიონი დოლარია. ის ამერიკელი მომღერალი და მოცეკვავეა და პლატფორმაზე, ძირითადად, ცეკვის ვიდეოებს ტვირთავს.
რეი ერთი პოსტით დაახლოებით 80 000 დოლარს გამოიმუშავებს. Forbes-ის მიხედვით, 2020 წელს ედისონი "ტიკტოკის" ინფლუენსერებს შორის ყველაზე მეტ თანხას გამოიმუშავებდა. მას დღეის მონაცემებით აპლიკაციაში 88.6 მილიონი გამომწერი ჰყავს და სოციალური მედიის ფართოდ აღიარებული ვარსკვლავია.
3. ქაბანე ლამე
ქაბი გონიერი და ყველასთვის გასაგები იუმორის მქონე ტიკტოკერია. სენეგალში დაბადებულმა კომიკოსმა სოციალური მედიის მომხმარებლების გული ორიგინალური და სასაცილო სკეტჩებით მოიგო. ქაბის" 2024 წლის მონაცემებით, "ტიკტოკზე" ყველაზე მეტი გამომწერი ჰყავს (162.1 მილიონი). ის ერთი პოსტით 92 270 დოლარს გამოიმუშავებს. ლამეს ქონება 15 მილიონია.
4. ბურაქ ოზდემირი
ბურაქ იზდემირი თურქი შეფ-მზარეულია, რომელიც თავისი მშობლიური ქვეყნის რეცეპტებს მსოფლიოს უზიარებს. მისმა მომხიბვლელმა ღიმილმა და კერძების მადისაღმძვრელმა პრეზენტაციამ კი პლატფორმაზე მილიონობით თაყვანისმცემელი შესძინა.
ოზდემირი თავისი ნიჭის წყალობით მილიონერი გახდა და მისი ქონება ახლა 12 მილიონს დოლარს შეადგენს. ტიკტოკზე 73.7 მილიონი გამომწერი ჰყავს და თითოეული პოსტით 66.700 დოლარს გამოიმუშავებს.
5. დიქსი დამელიო
რიგით მეხუთე ყველაზე მაღალშემოსავლიანი "ტიკტოკერი" ჩარლი დამელიოს უფროსი და, დიქსი დამელიოა. 2024 წლის მონაცემებით დიქსის ქონება 10 მილიონი დოლარია და მას შემოსავლების ძირითადი ნაწილი სწორედ ამ სოციალური ქსელიდან აქვს. დიქსი ერთი პოსტით 30 000 დოლარს გამოიმუშავებს.
დიქსი მომღერალია და შესაბამისად, პლატფორმაზეც თავისი ნიჭის საჩვენებლად აქვეყნებს ვიდეოებს. მას ამ დროისთვის "ტიკტოკზე" 57 მილიონი გამომწერი ჰყავს.
6. ბელა პორჩი
რიგით მეექვსე ყველაზე მდიდარი ტიკტოკერი ბელა პორჩია. ბელას ფილიპინელ ინფლუენსერებს შორის ყველაზე მეტი გამომწერი ჰყავს (93.2 მილიონი). ფილიპინელი გოგონას ქონება 9 მილიონს შეადგენს.
7. არიელ რებეკა მარტინი
არიელ რებეკა მარტინი, ასევე ცნობილი როგორც Baby Ariel "ტიკტოკის" ერთ-ერთი ყველაზე პოპულარული და მდიდარი სახეა. 2017 წელს Time Magazine-მა არიელი ყველაზე გავლენიანი ინტერნეტ პერსონად დაასახელა. არიელის ქონება 6 მილიონადაა შეფასებული. ის ტიკტოკზე გამოქვეყნებული თითოეული პოსტით 32 000 დოლარს გამოიმუშავებს.
8. ლორენ გრეი
ლორენ გრეი ამერიკელი მომღერალი და კომპოზიტორია, რომელსაც "ტიკტოკზე" 54.2 მილიონი გამომწერი ჰყავს. ისიც, არიელის მსგავსად, თითო პოსტიდან $32 000-ს გამოიმუშავებს. 2024 წლის მონაცემებით, ლორენის ქონება 5 მილიონს უდრის.
9. კრის კოლინზი
კრის კოლინზი კანადელი სტილისტია, რომელიც "ტიკტოკზე" თავისი კომიკური სკეტჩებით გახდა პოპულარული. მას პლატფორმაზე 50 მილიონი გამომწერი ჰყავს და მისი ქონება 5 მილიონს შეადგენს. კრისი თითოეული პოსტით $17,000 დოლარს გამოიმუშავებს. პროფესიით სტილისტ კოლინზის პოპულარობა "ტიკტოკით" არ შემოიფარგლა და მან "იუთუბზეც" გადაინაცვლა, სადაც ამჟამად 10 მილიონი გამომწერი ჰყავს.
10. ზაკ კინგი
ზაკ კინგი კიდევ ერთი მდიდარი ტიკტოკერია, რომლის ქონებაც 3 მილიონია. ის "ტიკტოკზე" 2016 წლიდან აქვეყნებს ვიდეოებს და ამჟამად 79.4 მილიონი გამომწერი ჰყავს. ზაკი მხოლოდ "ტიკტოკიდან" თითო პოსტით 41 719 დოლარს გამოიმუშავებს.
წყარო: socialstrategy1
მოამზადა: ანა სიბოშვილმა
ეს ტიკტოკერები არიან მძარცველები და აფერისტები ზჩემ შვილიშვილს რომრლმაც 3 ლარი რაღაც თამაშში გადარიცხა მთელი თანხა 1000 ლარამდე მოპარეს ბავშვმა მთელი ზაფხული იმუშავა ამ თანხისთვის უნამუსოები
როცა სხვისი გავლენის ქვეშ ექცევა ადამიანი იქ არა მარტო ინტელექტის არამედ აზროვნების პრობლემაც არის.