ჯასტინ ტრუდოს თვითმფრინავი დაზიანდა - რა მოხდა კანადის პრემიერის იამაიკაში მოგზაურობის დროს
კანადის პრემიერ-მინისტრ ჯასტინ ტრუდოს თვითმფრინავი ტრუდოს იამაიკაში მოგზაურობის დროს დაზიანდა. ეს ბოლო ოთხი თვის განმავლობაში მეორე ინციდენტია რომელიც კანადის პრემიერის თვითმფირნავს უკავშირდება.
კანადის შეიარაღებულ ძალებში განაცხადეს, რომ ისინი იძულებულნი გახდნენ გაეგზავნათ მეორე თვითმფრინავი სარემონტო ჯგუფთან ერთად პრობლემის მოსაგვარებლად.
ტრუდო კარიბის ზღვის კუნძულზე ოჯახთან ერთად დასასვენებლად იმყოფებოდა.
აღსანიშნავია რომ 2023 წლის სექტემბერში ჯასტინ ტრუდოს ინდოეთიდან გამგზავრება თვითმფრინავის მექანიკური შეფერხების გამო ორი დღით გადაიდო.
პრემიერ-მინისტრი, რომელსაც უსაფრთხოების მიზნით სამხედრო თვითმფრინავით მგზავრობა მოეთხოვება, იამაიკაში 26 დეკემბერს გაფრინდა.
CBS News-ის ცნობით, პრობლემა 2 იანვარს გამოვლინდა. ერთი დღის შემდეგ მეორე თვითმფრინავმა გადაიყვანა ტექნიკური ჯგუფი ტრუდოს თვითმფრინავის შესაკეთებლად.. კანადის პრემიერი CC-144 Challenger-ით გადაადგილდება, რომელიც კანადის შეიარაღებული ალების მიერ შედარებით ახალი შენაძენია.
- ავტორი: ანრი კურტანიძე