"გამოგვიგზავნე სიგნალი" - რატომ ატეხეს განგაში "ყინულის ბლოგერის" გამომწერებმა და რა არის ცნობილი გოგონაზე, რომელიც ყინვაში წყალში ბანაობით გახდა ცნობილი

ცნობილი რუსი ბლოგერი, ანა გალკინა, საზოგადოების ყურადღების ცენტრში მას შემდეგ მოექცა, როდესაც ყინულიან წყალში საცურაო კოსტიუმით ჩავიდა. ერთგულმა მაყურებლებმა გოგონას სხეულზე დაჟეჟილობები შენიშნეს, რის შემდეგაც გადაწყვიტეს, რომ ქალს საფრთხე ემუქრება და განგაში ატეხეს.

ვინ არის ანა გალკინა

ანა ცნობილი ტიკტოკერია რუსეთიდან, რომელიც სოციალურ ქსელში ცნობილი გახდა თავისი ვიდეოების წყალობით, სადაც სიცივის მიუხედავად ყინულიან წყალში ბანაობს. ამჟამად ჰყავს 2,5 მილიონი გამომწერი, მისი ერთ-ერთი ყველაზე ვირუსული ვიდეო კი 108 მილიონზე მეტმა ადამიანმა ნახა. კადრებში ჩანს, რომ გაყინულ წყალში მდგარი ბლოგერი მშვიდი სახით მაყურებელს პიცის ფორმის ყინულის ნაჭერს სთავაზობს.

ვიდეოების შინაარსით თუ ვიმსჯელებთ, ანას არ ეშინია დაბალი ტემპერატურის - ტიკტოკერი სიცივეში მიირთმევს სხვადასხვა სახეობის მწნილებს, იხეხავს კბილებს და უკრავს მუსიკალური ინსტრუმენტებითა და გეომეტრიული ფიგურებით.

მაყურებლების დიდ ნაწილს ძალიან აწუხებს გოგონას ჯანმრთელობის მდგომარეობა, მას უწინასწარმეტყველებენ ჰიპოთერმიას და თირკმელების პრობლემებს. ამის მიუხედავად, ბლოგერი აგრძელებს მსგავსი შინაარსის ვიდეოების გადაღებას და ახალი სიგიჟეების მოფიქრებას აუდიტორიის ყურადღების მისაპყრობად.

ბოლო ვიდეოების ქვეშ, შეშფოთებული კომენტარების სერიამ იმატა. სოციალური ქსელის მომხმარებლები ეჭვობენ, რომ ანა ვიდეოებს საკუთარი ნებით არ იღებს და დახმარება სჭირდება. პირველად ეჭვები მაყურებლებს ჯერ კიდევ 2021 წლის დეკემბერში გაუჩნდათ.

2024 წლის 1 იანვარს გამოქვეყნებულ ვიდეოში კი ანას სახეზე ცემის კვალი ეტყობა...

ვიდეოს ქვეშ, მომხმარებლები სთხოვენ, რომ დაწეროს რაიმე სახის სიგნალი, თუ მას საფრთხე ემუქრება და დახმარება სჭირდება. მაგალითად, ერთ-ერთ ვიდეოზე მომხმარებელმა დაუწერეს, რომ თუ ის მართლაც ძალადობის მსხვერპლია, გარკვეული ფერის ტანსაცმელი ჩაეცვა, რათა, გულშემატკივრებისთვის ერთგვარი სიგნალი გაეგზავნა.

რამდენიმე მსგავსი კომენტარის შემდეგ ხალხმა შენიშნა, რომ შემდეგ ვიდეოებში ანა ზუსტად იმ ფერის საცურაო კოსტიუმში იყო ჩაცმული.

Tiktok-ის მომხმარებლებმა გალკინას შესთავაზეს ასევე სხვა იდეები, რათა გოგონას მხრიდან უბედურების სიგნალი ამოეცნოთ. ვიღაცამ სთხოვა ვიდეოს გადაღება ყინულში ტელეფონის შესახებ, ცხრა დღის შემდეგ კი ბლოგერის ანგარიშზე გამოჩნდა მსგავსი სიუჟეტის ვიდეო.

ანა გალკინას იდუმალი დაჟეჟილობებისა და ნიშნების ისტორიამ ზოგიერთ კომენტატორს გაახსენა იუთუბერ ქეით იუფის საქმე, რომელიც უცნაურად გაუჩინარდა ინტერნეტიდან ორი წლის წინ. გოგონა ვიდეოებს იღებდა, სადაც კამერასთან ერთად ჭამდა სხვადასხვა ზღვის პროდუქტებს, მაგრამ სახეზე ნიღაბი ეკეთა, სანამ გამომწერებმა მის სხეულზე სისხლჩაქცევები და თითების საეჭვო მოძრაობა არ შენიშნეს. მაყურებელს ეჩვენებოდა, რომ ბლოგერი ტყვეობაში იყო და ამით დახმარების სიგნალებს უგზავნიდა. იყო თუ არა ეს აჟიოტაჟი, თუ გოგონას მართლაც პრობლემები შეექმნა, ჯერ კიდევ საიდუმლო რჩება.

თუმცა, სოციალური ქსელის ყველა მომხმარებელს არ სჯერა, რომ ანას საფრთხე ემუქრება.

ზოგიერთმა მაყურებელმა გადაწყვიტა, რომ ვიდეოები კომენტარებიდან ყველა სიგნალით მხოლოდ დამთხვევა იყო და ის ამით მხოლოდ აუდიტორიას ზრდის. ზოგიერთი მათგამი ვარაუდობს, რომ ტიკტოკერი უბრალოდ დასცინის გულშემატკივრებს.

ფაქტია, რომ ნებისმიერი აჟიოტაჟი მაინც აძლიერებს ინტერესს გამოცდილი ტიკტოკერის მიმართ.