მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"იაფად ვიყიდე მანქანა, მთლიანად გამოვშიგნე და..." - როგორ გამოიყურება მამუკა ღლონტის სახლი-მანქანა, ავეჯითა და ტექნიკით: ცნობილი პროდიუსერი ახალ "ახირებაზე"
15:34 / 06-01-2024
ტელეპროდიუსერ მამუკა ღლონტის უნარების შესახებ არაერთხელ დაგვიწერია. ცნობილია, რომ ის საცხოვრებლად ზღვისპირეთში, კაპროვანში გადასახლდა, სადაც საკუთარ ეზოში, თავისი პროექტით და ხელით არაერთი საცხოვრებელი კოტეჯი ააშენა. ტურისტულ ბიზნესში ჩაერთო და წლის განმავლობაში უამრავ ტურისტს მასპინძლობს.
დაგვიწერია იმაზეც, რომ წელიწადში ერთხელ, აქტიური მუშაობის შემდეგ სამოგზაუროდ ევროპაში მოტოციკლით მიდის. ამ მოგზაურობაში მეუღლეც თან ახლავს ხოლმე. ამჯერად, გადაწყვიტეს, სამოგზაუროდ უკვე სახლი-მანქანით გაემგზავრონ. მნიშვნელოვანია, რომ მამუკა ღლონტმა ასეთი სახლი-მაქანა თავად შექმნა. ბოლო დეტალებიღა დარჩა და ყველაფერი მზად იქნება.
AMBEBI.GE მამუკა ღლონტს ესაუბრა:
- ყოველთვის ვმოგზაურობ მოტოციკლით, შარშან მსუბუქი მანქანით ვიმოგზაურე, რომელშიც ელექტრო სკუტერი და ელექტრო ველოსიპედი მქონდა. გზებზე სახლი-მანქანებით მოგზაურებს ხშირად ვხვდებით ხოლმე, ამიტომ, მე და ჩემს მეუღლესაც მოგვივიდა იდეა, რომ რაღაც ასეთი გვეცადა. ოღონდ, ჯერ არ ვიცით, ამ ტიპის მოგზაურობა მოგვეწონება თუ არა, რადგან რადიკალურად განსხვავებული არჩევანია.
მოკლედ, ამ თემაზე გავეცანი მასალებს, ინფორმაციებს, დიდხანს ვიმუშავე და მივხვდი, რომ მინდოდა ისეთი მანქანა (არა დიდი), რომლითაც შევძლებდი ნებისმიერ ქალაქში, ნებისმიერ ადგილას (მაღაზია, კაფე, მუზეუმი) დაპარკინგებას - ცენტრში გადაადგილებას... საბოლოოდ როცა ჩამოვყალიბდი, რა მინდოდა, ინტერნეტმა იმის რეკლამა შემომთავაზა, რასაც ვეძებდი. საერთოდ ხომ ასეა, ინტერნეტში აქტიურად რასაც ეძებ, კითხულობ, უყურებ, მერე თვითონ გთავაზობს იმავე შინაარსის რეკლამას. მოკლედ, "ფეისბუქმა“ სახლი-მანქანის რეკლამა "ამოაგდო“.
ეს იყო "მერსედეს-ბენცის“ სპრინტერი, საკმაოდ ძველი, 2005 წლის, რომელიც პატრონს გადაკეთებული ჰქონდა. მოკლედ, საკმაოდ იაფად (3.700 დოლარად) შევიძინე. ძალიან კარგი მანქანა აღმოჩნდა. ამ თანხის მარტო ელექტრობა აქვს. მანქანას სახურავზე აქვს მზის "ბატარეა", რომელიც შიგნით 220 ვოლტს იძლევა. მისი პატრონი საცხოვრებლად უცხოეთში წავიდა და ამიტომ გაყიდა... მანქანა შეძენის შემდეგ მთლიანად გამოვშიგნე და ყველაფერი ჩემს გემოზე გავაკეთე. ახლაც მაგაზე ვმუშაობ...
- როგორ გამოიყურება მისი სალონი?
- არის დიდი საწოლი (2 მეტრი /მეტრ 70-ზე), მაცივარი, ხელსაბანი, პორტატული გაზქურა, ტუალეტი, დამატებით აკუმულატორი, რომელიც 220 ვოლტს იძლევა, რომელშიც ყველაფრის ჩართვა შემიძლია. ახლა ვფიქრობ, ეკრანი როგორ გავაკეთო. დასაკეცი მაგიდები, სკამები დასრულების პროცესშია. რაღაცები გამოწერილი მაქვს, ჩამოსვლას ველოდები და ამ „სახლში“ ასე ვსაქმიანობ.
- რა არის ამ სახლი-მანქანების უპირატესობა?
- ამ ზომის მანქანა, როგორიც ვიყიდე, კომფორტის ზღვარზეა, კიდევ უფრო პატარაც შეიძლება იყოს და დიდებიც არის, ცხადია, ბევრნაირი. ეს, როგორც ვთქვი, კომფორტის ზღვარზეა და დასაპარკინგებლად სტანდარტია. შიგნით არცთუ ისე დიდი ადგილია. მანქანა სიგრძეში 6 მეტრამდეა, სიგანეში 180 სმ.
მის სალონში შემიძლია ჩვეულებრივად დავისვენო, თუ დავიღლები, დავიძინო. ამის საპარკინგო ადგილი ევროპაში ავტობანზე რომ მიდიხარ, ყველგანაა და მაღალ დონეზეა გამართული, თავის ტუალეტით. ჩემი "სახლით“ შემიძლია, პირობითად გავჩერდე მადრიდის ცენტრში, იქ, სადაც პარკინგია.
როდესაც გარედან ჩანს, რომ სახლი-მანქანაა, პოლიცია უფლებას არ გაძლევს, ჩვეულებრივ პარკინგზე გააჩერო. ამიტომ ახლა მსოფლიოში ყველა ისეთ მანქანას ყიდულობს, როგორიც ჩემია, რომელიც გარედან არ ჩანს, რომ სახლი-მანქანაა. მოკლედ, ვნახოთ მოგზაურობისას რამდენად მომეწონება...
თუ არ მომეწონა, არც ეგაა პრობლემა, სოფელში ვცხოვრობ და სატვირთო მანქანა ისედაც მინდოდა, რომლითაც სხვადასხვა ტვირთის გადასაზიდად გამოვიყენებ. ისე ავაწყე, რომ დაშლაც არ მომიწევს. ასე რომ, ტვირთის გადაზიდვასაც შევძლებ.
- მოგზაურობამ წლების განმავლობაში რა ემოცია და გამოცდილება მოიტანა?
- მე და ჩემი მეუღლე წლის განმავლობაში, გადაბმულად ვმუშაობთ და ერთი წელი რომ შესრულდება, ფაქტობრივად, ენერგიისგან დაცლილები ისე ვართ ხოლმე, როგორც აკუმულატორი იცლება. მოგზაურობა კი ისე გვტენის და გვტუმბავს, რომ ისევ ენერგიით აღსავსეები ვხდებით. თუკი რამე გასართობი და განსატვირთი არსებობს, მოგზაურობა ყველაზე მაგარი რამეა.
ახლა, ჩემი ვარაუდით, მანქანას ადრეულ ზაფხულს, გაზაფხულის ბოლოს ელის გამოცდა. სადმე ახლოს, თურქეთში, რომელიმე საზღვაო კურორტზე გავალთ და შევხედავთ, თუ მოგვეწონა, მეორედაც წავალთ და უკვე დიდი ხნით. თუ არ მოგვეწონა, მოგზაურობის რომელიმე სხვა ფორმას ავირჩევთ...
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ძალიან კომფორტულია, ვისაც დაკვირვებული თვალი აქვა ჭერზეც აქვს ფანჯარა.ღმერთმა მშვიდობაში მოახმაროს მის ცოლთან ერთად მრავალი წელი.
მამუკ, შენ, ძმაო, მისამართი შეგშლია - მაგარი ინჟინერი ყოფილხარ, უნიჭიერესი კაცი!!! რა საქმე გაქვს ტელევიზიასთან!? გადადი მაგ საქმეზე (სახლ-მანქანები) და შენც კარგად იქნები და ხალხიც!
წარმატებები!!!