6
აპრილიდღის ზოგადი ასტროლოგიური პროგნოზი
გურიაში პიტბულის მიერ დაკბენილ 2 წლის ლაზარეს ოპერაცია ჩაუტარდა.
როგორც გუშინ "იაშვილის სახელობის ბავშვთა ცენტრალური საავადმყოფოს“ სამედიცინო დირექტორმა ივანე ჩხაიძემ განაცხადა, ოპერაცია 12 საათზე მეტ ხანს გაგრძელდა.
"ჩვენ რაც გავაკეთეთ, იყო პირველადი შეფასება, ნეიროქირურგიული ჩარევა. დაზიანებული კანის მოცილება და გასუფთავება. დაზიანების დიდი მოცულობის გამო, ინფექციის გავრცელების რისკი იყო. პირველი ეტაპი წარმატებით დასრულდა. პლასტიკურმა ქირურგმა შეაფასა ბავშვის მდგომარეობა და გადაწყდა პლასტიკური ოპერაციის ჩატარება. ოპერაცია დაწყებულია და დასრულების შემდეგ დაბრუნდება ჩვენთან კლინიკაში“, - აღნიშნა ჩხაიძემ.
გავრცელებული ინფორმაციით, ჩატარდა პლასტიკური ოპერაციაც, ბავშვის მდგომარეობა ახლა სტაბილურია და დღეს პალატაში გადაიყვანენ. როგორც ექიმმა მედიასთან აღნიშნა, ლაზარეს შემთხვევაში კანის გადანერგვა გადაუდებელი აუცილებლობა იყო, რადგან ბავშვის თავის ქალის დეფექტი სიცოცხლესთან შეუთავსებელი იყო.
"როგორც ექიმები ამბობენ, ოპერაციამ მოსალოდნელზე უკეთესად ჩაიარა. სკალპის 2/3 არის გადანერგილი ბავშვის სხეულიდან აღებული მასალით... 48 საათია კრიტიკული და შემდეგ 6 დღე. სიცხეები აქვს, მაგრამ მისი მდგომარეობა დამაკმაყოფილებელია". - განაცხადა დაშავებული ბავშვის ოჯახის ახლობელმა "მთავარ არხთან".
ორ კვირაში ლაზარეს მეორე ოპერაციას გაუკეთებენ, რათა ძვლოვანი დეფექტი სრულად დაიხუროს. შეგახსენებთ, ოზურგეთში ლაზარე და მისი 6 წლის ძმა ძაღლმა 16 დეკემბერს დაკბინა.
- სოციალურ ქსელში გავრცელდა პატარა ლაზარეს ვიდეო კლინიკიდან
ძაღლის დაძინება უმტკივნეულოდ რომელიც მაქსიმუმ თხუთმეტი წელი ცოცხლობს თუ ბავშვი რომელმაც ტრამვით და ოპერაციებით და ძაღლების შიშით უნდა იყოს მთელი ცხოვრება. ძაღლს მოვლა და პატრონობა ჭირდება და არა მარტო ძაღლი კარგიას ძახილი თუ გიყვართ და ყოლიობთ ისე უპატრონეთ სხვა არ დააზარალოს მეც მიყვარს მაგრამ მოვლის თავი რომ არ მაქვს არ ვყოლიობ დილით პარკით რომ გადივარ სამი ძაღლი მორბის რომ გამოგტაცოს ხელიდან ნაგავია შენი ნივთია არ ადარდებთ
მალე გამოჯანმრთელება პატარა.საყვარელი ბავშვიაა😍😍😍