მნიშვნელოვანი ინფორმაცია
6
აპრილიდღის ზოგადი ასტროლოგიური პროგნოზი
კვირა, მთვარის მეცხრე დღე დაიწყება 12:10-ზე, მთვარე ლომში იქნება 08:37-დან
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა მოგზაურობის, შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადაადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ვხედავ, რომ ქართველი ხალხის ნება არის ევროპასთან ყოფნა და არა რუსეთთან" - კაია კალასი
09:23 / 21-11-2023
ვხედავ, რომ ქართველი ხალხის ნება არის ევროპასთან ყოფნა და არა რუსეთთან - კრიტერიუმების შესრულება საქართველოსა და საქართველოს ლიდერების პოლიტიკური ნებაა, რომ ევროპულ გზაზე სვლა გააგრძელონ, - ამის შესახებ ესტონეთის პრემიერ-მინისტრმა, კაია კალასმა "ამერიკის ხმასთან“ ინტერვიუში განაცხადა, რა დროსაც საქართველოსთვის ევროკავშირის კანდიდატი ქვეყნის სტატუსის მიღებაზე საუბრობდა.
მისივე თქმით, დღეს მსოფლიოში ბრძოლა მიმდინარეობს იმისთვის, თუ რა ღირებულებებით გაგრძელდება მსოფლიოში მმართველობა - თავისუფლებით თუ ავტოკრატიით.
"ევროკომისია გამოვიდა ამ წინადადებით და საქართველოსთვის ეს ნიშნავს იმას, რომ თუ საქართველო კრიტერიუმებს აკმაყოფილებს, მაშინ შეგვიძლია შემდეგ საფეხურზე გადავიდეთ. რა თქმა უნდა, ამ კრიტერიუმების შესრულება საქართველოსა და საქართველოს ლიდერების პოლიტიკური ნებაა, რომ გააგრძელონ ევროპულ გზაზე სვლა. როცა ახალ ამბებს ვუყურებ, ვხედავ, რომ ხალხის ნება არის ევროპასთან ყოფნა და არა - რუსეთთან.
ყველა ეს „რუხი ზონა“ კონფლიქტის წყაროა და რუსეთს ნამდვილად არ სურს ამ ქვეყნების [ხელიდან] გაშვება. სწორედ ამაში მდგომარეობს ამ ბრძოლის არსი. იცით, ეს არ ეხება დამატებით ტერიტორიებს იმდენად, რამდენადაც დემოკრატიისა და ღირებულებების გაფართოებას, იმ ღირებულებების, რომელთა თავიდან აცილებას რუსეთი ნამდვილად ცდილობს,“ - აცხადებს კალასი.
მან ასევე უკრაინის დახმარებაზე ისაუბრა და განაცხადა, რომ „უკრაინისგან ყურადღების გადატანა არ უნდა დავუშვათ“.
„ამერიკა უკრაინის მხარდაჭერას ხელმძღვანელობს და ვფიქრობ, ეს ლიდერობა ძალიან მნიშვნელოვანია. რა თქმა უნდა, ჩვენ ყველანი დემოკრატიული ქვეყნები ვართ და საკუთარი გამოწვევებიც გვაქვს. ახლა კი ახლო აღმოსავლეთის კრიზისი მიმდინარეობს, რომელმაც ყურადღების დიდი ნაწილი მიიპყრო და გადაიტანა იმისგან, რაც უკრაინაში ხდება. ჩვენ ნამდვილად არ უნდა დავუშვათ უკრაინისგან ყურადღების გადატანა. ევროკავშირის ლიდერებმა განაცხადეს, რომ ჩვენ შეგვიძლია რამდენიმე საქმის ერთდროულად კეთება. მე წავიკითხე პრეზიდენტ ბაიდენის სიტყვაც, რომელიც ხაზს უსვამს იმავეს და ამბობს, რომ ჩვენ შეგვიძლია ერთდროულად დავუჭიროთ მხარი ისრაელსა და უკრაინას,“ - აღნიშნა პრემიერმა.
კალასმა ასევე უპასუხა კითხვას, არის თუ არა იმის ალბათობა, რომ პუტინი ჰააგაში ბრალდებულის სკამზე ვნახოთ, რაზეც უპასუხა, რომ მისი გასამართლება დაუსწრებლადაც შეიძლება.
„ჩვენ დიდი ყურადღება არ უნდა გავამახვილოთ იმაზე, პუტინს სასამართლოში მიიყვანენ, თუ - არა. მისი გასამართლება დაუსწრებლადაც შეიძლება. გზავნილი, რომელიც ამ პროცესს უნდა ჰქონდეს, ისაა, რომ ის პასუხისგებაში მიეცა და მათ შორის აგრესიის დანაშაულისთვისაც; რომ ის პასუხს აგებს სუვერენულ ქვეყანაზე თავდასხმის გადაწყვეტილების მიღებისთვის. აგრესიის დანაშაულის გარეშე, არც ის ომის დანაშაულები მოხდებოდა, რომელთა გამოც მშვიდობიანი მოსახლეობა იტანჯება. იცით, მსოფლიოში ყოველი ასეთი დიდი კრიზისი ასევე არის საერთაშორისო სამართლის შემდგომი განვითარების შესაძლებლობაც,“ - განაცხადა ესტონეთის პრემიერ-მინისტრმა.
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ქართველი ხალხის ნება ჭეშმარიტი დამოუკიდებლობაა "უფროსი ძმების" გარეშე. ქართველი ხალხის ნებაა ქვეყანაში მშვიდობა და სამართლის უზენაესობა. ქართველი ხალხის ნებაა დაბალანსებული პოლიტიკური გარემო და პოზიცია ოპოზიციის მხრიდან უკეთეს სამომავლო პროგრამებზე მუშაობა, რომლებიც საქართველოს მოსახლეობის კეთილდღეობაზე იქნება გათვლილი.
ქართველი ხალხის ნებას გაიგებთ მხოლოდ ერთ შემთხვევაში! საყოველთაო რეფერენდუმი. რაც არ გნებავთ არავითარ შემთხვევაში,რატოომ? შედეგი იქნება თქვენთვის დამღუპველი.