მნიშვნელოვანი ინფორმაცია
16
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე, მთვარე მშვილდოსანში გადავა 06:36-ზე
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
85 წლის ქალმა გათავისუფლების შემდეგ "ჰამასელებს" ხელი ჩამოართვა და მადლობა გადაუხადა - უცნაური ტყვეობის ამბავი: რას ჰყვება იოჩევედ ლიფშიცი ღაზას გვირაბში გატარებულ დღეებზე?
16:05 / 24-10-2023
85 წლის იოჩევედ ლიფშიცი, ერთ-ერთია, რომელიც "ჰამასის" მებრძოლებმა ტყვეობიდან გაათავისუფლეს. თელ-ავივის საავადმყოფოში გამართულ პრესკონფერენციაზე ქალმა ისაუბრა იმაზე, თუ რა განიცადა ტყვეობაში ყოფნისას.
ქალის თქმით, "ჯოჯოხეთი გამოიარა", როცა ტყვედ ჩავარდნის შემდეგ ჰამასის მებრძოლებმა მოტოციკლეტით გაიტაცეს. ამბობს, რომ ერთ მომენტში ჯოხებით სცემეს და აიძულეს ფეხით ევლო.
იოჩევედი იხსენებს, რომ განსხვავებული ვითარება იყო გვირაბში, სადაც ტყვეები მიიყვანეს.
"ისინი კეთილგანწყობილი გვექცეოდნენ, მოგვაწოდეს ყველაფერი, რაც გვჭირდებოდა" - უპასუხა ქალმა რეპორტიორს, რომელმაც ჰკითხა, თუ რატომ ჩამოართვა ხელი ჰამასის მებრძოლს გათავისუფლების შემდეგ.
"ჩვენ ვჭამდით იმავე საკვებს, რასაც ისინი - პური და ყველი, კიტრი. ეს იყო მთელი დღის საჭმელი" - თქვა ლიფშიცმა.
როგორც ჰყვება, გვირაბში ყოველ ორ-სამ დღეში ერთხელ ექიმი მოდიოდა მისი და სხვა მძევლების სანახავად და წამლებს აძლევდათ. მისი თქმით, ადამიანი, რომლებმაც ტყვეები მიიღეს "ძალიან მეგობრულები და თავაზიანები" იყვნენ, ისინი წინასწარ მოემზადნენ მძევლების მისაღებად.
"ისინი თითქოს მზად იყვნენ ამისათვის, დიდი ხნის განმავლობაში ემზადებოდნენ, ჰქონდათ ყველაფერი, რაც სჭირდებოდათ მამაკაცებისთვის და ქალებისთვის, შამპუნის ჩათვლით,” - განუცხადა მან ჟურნალისტებს.
მიწისქვეშა გვირაბები „უზარმაზარ ობობას ქსელს“ შეადარა, რომელსაც "ჰამასი" მართავს. ქალმა გააკრიტიკა ისრაელის სამხედროები იმის გამო, რომ ისინი არ აღიქვამდნენ სერიოზულად "ჰამასის" საფრთხეს თავდასხმის წინ.
ლიფშიცი ერთ-ერთია იმ ორი ქალიდან, რომელიც ჰამასმა გუშინ ღამით გაათავისუფლა.
ამ დროისთვის ტყვეობიდან გათავისუფლებულია ოთხი ადამიანი - 79 წლის ნურიტ კუპერი, 85 წლის იოჩევედ ლიფშიცი და აშშ-ს ორი მოქალაქე, მძევლები ჯუდიტ რაანანი და მისი ქალიშვილი ნატალი.
ორშაბათის დილის მდგომარეობით ისრაელის მონაცემებით, ჰამასს ღაზაში 222 ადამიანი ჰყავს.
იოჩევედ ლიფშიცის ქალიშვილმა, რომელიც დედას ესტუმრა ისრაელის საავადმყოფოში, მედიასთან განაცხადა რომ დედამისი "როგორც ჩანს, კარგად არის".
"დედაჩემის ხელახლა ნახვა წარმოუდგენელია. მე ვამაყობ მისით, ის საოცარი ადამიანია“, - თქვა შერონ ლიფშიცმა ინტერვიუში.
შერონი განმარტავს დედის გათავისუფლების ვიდეოს, რომელიც "ჰამასმა" გაავრცელა, სადაც ჩანს, რომ ხანშიშესული ქალი ხელს ართმევს ერთ-ერთ მებრძოლს.
"გათავისუფლების შემდეგ ის უკან მიბრუნდა, ხელი ჩამოართვა მას და მადლობა გადაუხადა, აბსოლუტურად წარმოუდგენელი იყო ჩემთვის. ეს ძალიან ჰგავს მას“, - ამბობს გათავისუფლებული მძევლის ქალიშვილი.
"იქ ჯერ კიდევ 200-ზე მეტი ჰამასის მძევალია. ჩვენ არ უნდა ვისაუბროთ მხოლოდ საკუთარ ბედნიერებაზე, არამედ უნდა ვიმუშაოთ ყველას გასათავისუფლებლად“, - დასძინა ქალმა.
მის ოჯახს ჯერ კიდევ არ აქვს ინფორმაცია მამის შესახებ, რომელიც ასევე მძევლად აიყვანეს.
"ის არ იყო დედასთან ერთად, ამიტომ მან არ იცის, სად არის", - ამბობს შვილი.
შერონ ლიფშიცმა თქვა, რომ მამამისი პალესტინელების უფლებებზე მუშაობდა და "მას სურდა მშვიდობა ჩვენს მეზობლებთან". ის დარწმუნებული იყო, რომ "ჩვენ უნდა გვეპოვა გზა ერთად ცხოვრებისთვის და მარადიული ომის იდეის წინააღმდეგ".
"ის კარგად ლაპარაკობს არაბულად, ამიტომ შეუძლია მათთან ურთიერთობა. ის ბევრ ადამიანს იცნობს ღაზაში. მინდა მჯეროდეს, რომ მას ყველაფერი კარგად ექნება“, - ამბობს ქალი.
ერთ-ერთი ვერსიით, ჰამასის პოლიტიკურმა ფრთამ შესაძლოა, არც იცოდა 7 ოქტომბერს ისრაელებზე მომზადებული ფართომასშტაბიანი თავდასხმის შესახებ.
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთი ოკუპირებულ სოხუმში სანქცირებული ავიაკომპანიების ფრენებს იწყებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამ ქალს სტოკჰოლმის სინდრომი არ შეყრია, კარგად ექცეოდნენ და ამისთვის გადაუხადა მადლობა
აგერ, დაწერეს კიდეც, სტოკჰოლმის სინდრომი შეეყარა ამ გამოყრუებულ დედაბერს.