მნიშვნელოვანი ინფორმაცია
16
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე, მთვარე მშვილდოსანში გადავა 06:36-ზე
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
კონკურსის "გახდი ბესტსელერის ავტორი 2023" გამარჯვებული წიგნები
16:46 / 16-10-2023
კონკურსის „გახდი ბესტსელერის ავტორი 2023“ გამარჯვებული წიგნები უკვე წიგნის მაღაზიის თაროებზეა. მკითხველს, რომელიც სულმოუთქმელად ელოდება თავის რჩეულ წიგნებს, მათი შეძენისა და წაკითხვის შესაძლებლობა უკვე აქვს. ლამაზი, ფერადი და საინტერესოა წიგნების ყდებიც, რომლებიც შეუმჩნეველი ნამდვილად არავის დარჩება.
ანა ბალიაშვილი, რუსუდან ტყემალაძე, მათე ბაღაშვილი - სწორედ ის სამი ადამიანია, რომლებიც კონკურსში მკითხველისა და ჟიურის რჩეულები გახდნენ. თავად ავტორები წიგნებს მკითხველს 17 ოქტომბერს წარუდგენენ.
„მე ანი ბალიაშვილი ვარ. ადამიანი, რომელიც ბავშვობიდან წერს იმას, რასაც ხედავს და უფრო მეტად კი ალბათ იმას, რასაც უნდა, რომ ხედავდეს. ხშირად მქონია მცდელობები, რომ საკუთარი მცირე შემოქმედება ფართო საზოგადოებისთვის გამეცნო, თუმცა ამაში ყოველთვის მიშლიდა ხელს რაღაც... მართალია, ეს „რაღაც“ კვლავ ჩემთანაა, თუმცა ამჯერად ვჯობნი და გიზიარებთ იმას, რაც ჩემთვის ყველაზე ძვირფასია-ჩემს გრძნობებსა და ემოციებს,“ - ასე ახასიათებს ანი საკუთარ თავსა და რომანს, რომელსაც „ფსკერზე“ ჰქვია.
რუსუდან ტყემალაძის რომანი „არქიტექტორი“, რომელიც ჟიურის რჩეული მხატვრული რომანი გახდა, ტრაგი-კომედიური დრამისა და რეალიზმის ჟანრშია წარმოდგენილი. ნაწარმოები აღსავსეა შავი და თეთრი იუმორით.
„ამბების თხრობა ბავშვობიდან ჩემი საყვარელი საქმეა, თუმცა უშუალოდ წერა მოზარდობის ასაკში, სკოლაში დავიწყე. შემოქმედება ჩემი ცხოვრების განუყოფელი ნაწილია. ამბავი იქნება, შენობა, პერსონაჟი თუ გარემო, - შექმნა რაიმე არაფრისგან ყველაზე სასიამოვნო და აზარტული პროცესია ჩემთვის,“ - აღნიშნავს რუსუდან ტყემალაძე.
22 წლის მათე ბაღაშვილი კონკურსის კიდევ ერთი გამარჯვებულია. ავტორი საკუთარ თავს საკმაოდ საინტერესოდ და სახალისოდ ახასიათებს - „სამუნივერსიტეტგამოცვლილი, ამჟამად მასობრივი კომუნიკაციების სტუდენტი და თბილისის ღვთისგან მივიწყებული და ამავე ღვთის პირიდან გადავარდნილი გარეუბნის - ლილოს დასახლების - მკვიდრი.“
აღსანიშნავია, რომ წელს კონკურსი „გახდი ბესტსელერის ავტორი“ მეექვსედ გაიმართა. გასული წლების განმავლობაში მასში მონაწილეობა არაერთი ავტორის ლიტერატურულ კარიერაში გარდამტეხი აღმოჩნდა. „გახდი ბესტსელერის ავტორის“ მიერ აღმოჩენილ ავტორთა წიგნები დღესაც გამომცემლობის ბესტსელერთა სიაშია. მათი საშუალებით მნიშვნელოვნად გაიზარდა თანამედროვე ქართული ლიტერატურის პოპულარობა ახალგაზრდა თაობაში.
R
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდა "ტიტანიკის“ ჩაძირვის ღამეს სინამდვილეში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
