29
მარტიდღის ზოგადი ასტროლოგიური პროგნოზი
"ქართული ოცნების” წარმომადგენლებმა რუსეთის დიქტატურად აღიარების შესახებ ევროსაბჭოს რეზოლუციას მხარი არ დაუჭირეს. ამის შესახებ ინფორმაციას "რადიო თავისუფლების"პროექტი "ეხო კავკაზა” ავრცელებს.
ცნობისთვის, ევროპის საბჭოს საპარლამენტო ასამბლეის მიერ 13 ოქტომბერს მიღებული რეზოლუცია რუსეთის პრეზიდენტ ვლადიმირ პუტინს "არალეგიტიმურად“ აცხადებს, თუ ის თანამდებობაზე 2024 წლის არჩევნების შემდეგაც დარჩება.
საქართველოდან აღნიშნულ რეზოლუციას მხოლოდ პარტია "მოქალაქეების” დეპუტატმა ქეთევან თურაზაშვილმა დაუჭირა მხარი.
ასამბლეაში "ქართული ოცნების“ დელეგაციის ხელმძღვანელის, ირაკლი ჩიქოვანის თქმით, მმართველი პარტიის წარმომადგენელთა ნაწილი დამკვირვებლების როლში პოლონეთში იმყოფებიან, ხოლო მას "სხვა საქმეები“ ჰქონდა.
"ჯერ ერთი, თქვენთან ჩვენი საქმიანობის პრიორიტეტების შეთანხმებას არ ვაპირებ. მეორე რიგში, საზოგადოებას ავუხსენი და ვთქვი, რომ ადრე, სხვადასხვა წლებში, სხვადასხვა შემადგენლობით ვმონაწილეობდით [ევროპის საბჭოს საპარლამენტო ასამბლეის] სესიებში, ამიტომ ამიტომ აქ არანაირი ქვეტექსტი არ არსებობს. თუ რუსეთის ფედერაციასთან განვიხილავთ რამეს, ან რამეზე ვსაუბრობთ, ეს მხოლოდ ერთი ამოცანიდან გამომდინარეობს - ჩვენი ტერიტორიული მთლიანობის აღდგენა და ოკუპირებულ ტერიტორიებზე ჩვენი თანამოქალაქეების მდგომარეობა“, - განაცხადა ჩიქოვანმა.
ამავდროულად, კითხვაზე არის თუ არა რუსეთში დიქტატურა "ქართული ოცნების” დელეგაციის ხელმძღვანელმა აღნიშნა, რომ რუსეთში "არის პრობლემები, რომლებიც დემოკრატიის სრულფასოვან მოქმედებასთან არის დაკავშირებული“.
ცნობისთვის, “ქართული ოცნების” დელეგაცია 2022 წელს ევროსაბჭოს რუსეთის ტერორისტულ სახელმწიფოდ აღიარების შესახებ რეზოლუციასაც არ შეუერთდა.
პუტინი დიქტატორი ევროკავშირის მიდგომით არის, რადგან მათი მოთხოვნები არ შეასრულა? დიქტატორის რომელი კრიტერიუმით განსაზღვრეს, რომ დიქტატორია? ეგრე, აზიის და აფრიკის ქვეყნების უმეტესობას დიქტატორები მართავენ და ისინი რატომ არ ახსენდებათ? აშშ-ში, ან ბრიტანეთში დიქტატურა არ არის, საუკუნეების მანძილზე ორი პარტია რომ მართავს? რა, სისტემაა ეგრე მოწყობილი და "დემოკრატიულად" მონათლეს? ვინ გადაწყვიტა, რომ ეგ დემოკრატიაა? პოლიტიკაში ვერავინ გაჭაჭანდება, თუ მაგ ორ პარტიას არ მიეკედლა. საქართველოს ახლა ნამდვილად არაფერში სჭირდება რუსეთთან შჯახება და ევროპელების ახირების უაზროდ ატაცება. ეგ პროცედურა სუფთა პროვოკაციაა და მეტი არაფერი.
მიშას დიქტატურაზე არ იყოო რეზოლუცია მისაღებიო!? ჩვენ ურეზოლუციოდაც კარგად ვიცით, რომ ასი წელია დიქტატურაა, ხან პროლეტარიატის, ხანაც კომპარტიის და სტალინის, ხანაც ედინნაია რასიასი და პუტინის , აი ჩვენი მიშასა და ნაცმოსავით! ჩვენ დიქტატურებს ისე ვექცევით, როგორც წესია, აი თვენ ევროპა კი უძვრებით ერთსაც და ამ მეორესაც !