"გულით არ ამბობ, შენი თვალები სხვა მხარესაა მიმართული" - კადიროვი შეხვდა პატიმარს, რომელიც მისმა შვილმა სცემა და ჰკითხა, მიიღო თუ არა ისლამი

რამზან კადიროვი "ტელეგრამზე" თავისი ვაჟის მიერ ნაცემ პატიმართან შეხვედრის ვიდეოს აქვეყნებს. ვიდეოში ის 19 წლის ვოლგოგრადელ ბიჭს ხვდება, ნიკიტა ჯურაველს, რომელსაც ბრალი ყურანის დაწვაში ედება.

<iframe width="650" height="367" src="https://www.youtube.com/embed/3GhKgRQmTbU" title="Разговор Кадырова с Никитой Журавелем" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

16-წამიან კლიპში ნაჩვენებია, როგორ ამბობს ჟურაველი: "ისლამის შესასწავლად, ყოველ შემთხვევაში, საცდელად მაინც". კადიროვი მას ეკითხება, მიიღო თუ არა ისლამი, რაზეც ჟურაველი დადებით პასუხს აძლევს, კადიროვი კი პასუხობს: "ამას გულით არ ამბობ. შენი თვალები სხვა მხარესაა მიმართული."

პოსტში კადიროვი ჟურაველს უკრაინის საიდუმლო სამსახურის აგენტს უწოდებს. მისი თქმით, ჟურაველი ამ ტიპის საუბრებისთვისაა გაწვრთნილი და ამიტომ იმეორებდა ერთსა და იმავე ფრაზას ისლამის მიღებასთან დაკავშირებით. კადიროვი განაგრძობს, რომ ჟურაველმა ყურანი "უცოდინრობის გამო კი არ დაწვა, არამედ განზრახ, რომ მუსლიმებისთვის შეურაცხყოფა მიეყენებინა და რუსეთში არსებული რელიგიური კონფესიები ერთმანეთთან დაეპირისპირებინა."

წყარო: meduza.io

მოამზადა: ანა სიბოშვილმა