მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გვირაბის ვირთხები" და ქუჩებში ბრძოლა - რა სახის და რა შეიარაღების გამოყენებით შეიძლება გაუწიოს "ჰამასმა“ წინააღმდეგობა "ცახალის“ მრავალრიცხოვან საბრძოლო ტექნიკას
15:56 / 11-10-2023
- ირაკლი ალადაშვილის ბლოგი
ისრაელი ღაზის სექტორის 64 კმ-იანი ღობის გარშემო უზარმაზარი, თითქმის 300 ათასიანი ცოცხალი ძალის თავმოყრას ამთავრებს თავისი ტანკებით, ჯავშანმანქანებითა და საარტილერიო-სარაკეტო დანადგარებით, რომლებიც მალე მზად იქნებიან სახმელეთო ოპერაცია წამოიწყონ და სხვადასხვა მიმართულებებიდან შეუტიონ ღაზის სექტორში თავმოყრილ "ჰამასისა“ და "ისლამური ჯიჰადის“ მებრძოლებს, სწორედ მათ, ვინც რამდენიმე დღის წინ ფართომასშტაბიანი სამხედრო-დივერსიული სახის შეჭრა განახორციელეს ისრაელის სამხრეთ ნაწილში და თავისი დაუნდობელი მოქმედებებით ათასზე მეტი მშვიდობიანი მოსახლე მოკლეს, სამი ათასამდე კი დაჭრეს...
თუმცა რამდენად წარმატებული იქნება ისრაელის, თუნდაც ასეთი მძლავრი სახმელეთო დაჯგუფების შეტევა ღაზის სექტორის დასახლებული პუნქტების შიგნით და ხომ არ აღმოჩნდება "ცახალი“ ქუჩის ბრძოლებში წამგებიან მდგომარეობაში, რადგან ბოლომდე ვერ გამოიყენებს თავის სრულ უპირატესობას მძიმე ჯავშანტენიკის სახით?
ის, ვინც დაგეგმა 7 ოქტომბრის კომბინირებული თავდსხმა ისრაელის დასახლებულ პუნქტებზე, იმასაც ძალიან კარგად გათვლიდა, რომ გამძვინვარებული ისრაელი შურისძიებას მოისურვებდა და მარტო საპასუხო საჰაერო დარტყმებს, თუნდაც ასე მასიურსა და გამანადგურებელს, არ დასჯერდებოდა.
ამიტომაც შეიძლება იმის წინასწარ თქმა, რომ "ჰამასი“ და სხვა ადგილობრივი შეიარაღებული ფორმირებები უკვე ელოდებიან ისრაელის "მერკავის“ ტანკებისა და "ნამერის“ მძიმე ჯავშანტრანსპორტიორების გამოჩენას ღაზის სექტორის ქალაქების ქუჩებში და მათ ეტყობა სიურპიზებიც მოუმზადეს...
რა სახის და რა შეიარაღების გამოყენებით შეიძლება გაუწიოს "ჰამასმა“ წინააღმდეგობა "ცახალის“ მრავალრიცხოვან და კარგად შეჯავნულ მძიმე საბრძოლო ტექნიკას?
სანამ ისრაელის ტანკები და ჯავშანმანქანები ჯერ თავს იყრიან სასაზღვრო ღობის გასწვრივ, "ჰამასმა“ უკვე რამდენჯერმე წარმატებით გამოიყენა რუსული წარმოების მართვადი ტანკსაწინაარმდეგო სარაკეტო კომპლექსი "კორნეტი“ და მისი ირანული კლონები.
ლაზერის სხივით დამიზნებადი "კორნეტის“ რაკეტა მაქსიმალურ 5,5 კმ-ზე მიფრინავს და მიზანში მოხვედრისას რაკეტის ტანდემური კუმულაციურქობინიანი საბრძოლო ნაწილი ჯერ ტანკის დინამიკური დაცვის ელემენტს აფეთქებს, შემდეგ კი არღვევს 1 200 მმ სისქის მონოლითურ ჯავშანს.
მიუხედვად იმისა, რომ ისრაელის ბოლო მოდიფიკაციის ძირითადი საბრძოლო ტანკები "მერკავა-4მ“-ები მაღალი დაცულობით გამოირჩევიან, "ჰამასმა“ მაინც მოახერხა რამდენიმე მათგანის აფეთქება შორი მანძილიდან, სწორედ "კორნეტების“ საშუალებით.
ისრაელის "მერკავებზე“ რატომღაც არ იყო გააქტიურებული აქტიური თავდაცვის სისტემა "ტროფი“, რომლის მთავარი ფუნქციაცაა ტანკისკენ მფრენი რაკეტის განეიტრალება რამდენიმე მეტრში, შემხვედრი აფეთქების ნამსხვრევებით... განაგრძეთ კითხვა
წაიკითხეთ ასევე:
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სამძიმარი ისრაელის ხალხს რა თქმა უნდა, მაგრამ მარტო მე მიკვირს, რომ ისრაელს ასე სუსტად ქონდა დაცული ეს 64 კილომეტრი საზღვრის და 6 საათის განმავლობაში მოტოციკლეტებით და კიდევ რით აღარ შემოდიოდნენ ჰამასის ბოევიკები ისრაელის სოფლებში!? ერთ საათში გადაუვლიდა ამათ უახლოესი სამხედრო აეროდრომიდან აფრენილი შვეულმფრენების ან თვითფრინავების ესკადრილია, მაგრამ რაღაც გვიან ჩაერთო ყველა ამ საქმეში! ესე იგი მისცეს საშუალება, რომ მეტი დაეხოცათ პრეცენდენტის შესაქმნელად! შეიძლება ვცდებოდე, მაგრამ ჰამასის უბორნიის კარებსაც კი კოსმოსიდან აკვირდებიან და ამდენმა დორბლიანმა ბოევიკმა, როგორ ქნა ეს საქმე მაშინ?
რამდენიმე ჩუსტიანი მებრძოლი პროპელერიანი პარაპლანით მაღალი ძაბვის სადენებს გამოედო და მიიწვა.