29
მარტიდღის ზოგადი ასტროლოგიური პროგნოზი
ევროკომისიის ყოფილი პრეზიდენტი, ჟან-კლოდ იუნკერი მიიჩნევს, რომ უკრაინა ჯერ კიდევ არ აკმაყოფილებს ევროკავშირში გაწევრიანების კრიტერიუმებს.
„ჩვენ არ უნდა მივცეთ ცრუ დაპირებები უკრაინაში ტანჯვაში ჩაფლულ ხალხს. მე ძალიან გაბრაზებული ვარ ევროპაში ზოგიერთის გამო, რომლებიც ცდილობენ დაარწმუნონ უკრაინელები, რომ ისინი დაუყოვნებლივ გახდებიან ევროკავშირის წევრები. ეს არცერთისთვის არ იქნება კარგი - არც ევროკავშირისთვის და არც უკრაინისთვის“, - განაცხადა იუნკერმა.
მისი თქმით, ყველამ, ვისაც რაიმე კავშირი ჰქონია უკრაინასთან, იცის, რომ „ეს არის კორუმპირებული ქვეყანა საზოგადოების ყველა დონეზე“.
„მიუხედავად მცდელობისა, ის არ არის მზად გაწევრიანებისთვის, მას სჭირდება ფართომასშტაბიანი შიდა რეფორმები. ჩვენ გვქონდა ცუდი გამოცდილება ზოგიერთ ეგრეთ წოდებულ ახალ წევრებთან, მაგალითად, კანონის უზენაესობასთან დაკავშირებით. ეს აღარ უნდა განმეორდეს", - განაცხადა იუნკერმა.
ამასთან, მისი თქმით, მოლდოვისა და უკრაინის ევროპული პერსპექტივა უნდა შენარჩუნდეს, მაგრამ „არ უნდა იყოს დაკავშირებული იმის იმედთან, რომ ამის მიღწევა ერთ ღამეში, მხოლოდ ღილაკზე თითის დაჭერითაა შესაძლებელი“.
„თუ ეს ქვეყნები პროგრესს მიაღწევენ, იქნება ეს უკრაინაში თუ დასავლეთ ბალკანეთში, მათ აუცილებლად უნდა შეეძლოთ მონაწილეობა მიიღონ ევროინტეგრაციის ცალკეულ ეტაპებში. ჩვენ უნდა ვიმუშაოთ, რათა შესაძლებელი გახდეს ნაწილობრივი გაწევრიანება,“ - განაცხადა იუნკერმა.
საქართველო ბევრად უფრო წარმატებულია ამ მხრივ,ვიდრე უკრაინა. მართალია ბატონი იუნკერი,უკრაინაში ყველას და ყველაფრის"ყიდვა" Შეიძლება. Თუმცა ეს არ ნიშნავს საქართველოს მზადყოფნას,დამერწმუნეთ ევროპულ ქვეყნებᲗან ᲨედარებიᲗ საქართველოს ბევრი ᲗეᲗრი ლაქა აქვს.
აი სიმართლე