მნიშვნელოვანი ინფორმაცია
18
მარტიდღის ზოგადი ასტროლოგიური პროგნოზი
ოთხშაბათი, მთვარის მეოცე დღე დაიწყება 01:03-ზე, მთვარე მორიელშია
დღეს დაწყებული ნებისმიერი საქმე წარმატებას მოგიტანთ. კარგი დღეა მიზანდასახული და მიზანსწრაფული ადამიანებისთვის, ორატორთა და ლიდერთათვის. გარშემო მყოფებთან საქმეების გარჩევას არ გირჩევთ. კარგი დღეა სამსახურის, საქმიანობის შესაცვლელად. უმჯობესია, შინ დარჩეთ, სულიერ განათლებს მიხედოთ, წმინდა ტექსტები იკითხოთ. მოერიდეთ ფიზიკურ გადაღლას. ქორწინება და ნიშნობა სხვა დღისთვის გადადეთ. მოერიდეთ ალკოჰოლისა და სიგარეტის მიღებას. არ გადატვირთოთ კუჭი. ნუ მიირთმევთ ხორციან კერძებს. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
World Travel Awards-ზე აჭარა ევროპის ყველა სეზონის ტურისტულ მიმართულებად დასახელდა
14:03 / 02-10-2023
ბათუმში, World Travel Awards-ის დაჯილდოების ღონისძიებაზე აჭარამ სპეციალური პრიზი მიიღო. ის ევროპის ყველა სეზონის ტურისტულ მიმართულებად დასახელდა. ტურიზმის ოსკარი მოიპოვა ბათუმის ბოტანიკურმა ბაღმაც. ევროპის წამყვანი ბოტანიკური ბაღის ნომინაციაში მან კონკურენცია მადრიდის, ედინბურგის, ბერლინის და სხვა ცნობილი ევროპული ქვეყნების ბოტანიკურ ბაღებს გაუწია. რაც შეეხება ბათუმს, ევროპის სწრაფად მზარდი ტურისტული მიმართულების ჯილდო ბათუმმა წელს ისევ მოიპოვა. World Travel Awards-ის პრესტიჟული ჯილდო ევროპის წამყვანი საზღვაო ტურისტული მიმართულებისთვის მიიღო ლისაბონმა, ევროპის წამყვანი სათავგადასავლო ტურისტული მიმართულებისთვის ჰუესკამ, ესპანეთი და ევროპის წამყვანი ტურისტული ატრაქციისთვის პასიდოშ დუ პაიავამ, სამხრეთ კორეა. ღონისძიებაზე ასევე დაჯილდოვდნენ საუკეთესო სასტუმროები, ტურისტული სააგენტოები, ავიაკომპანიები და ტურისტული ატრაქციები ევროპის სხვადასხვა ქვეყნებიდან. მათ შორის საქართველოდან World Travel Awards-ის ჯილდო მიიღო კოლხეთის ეროვნულმა პარკმა, სასტუმროებმა და სხვადასხვა კომპანიებმა.
ტურიზმის ოსკარის სახელით ცნობილ ღონისძიებას „World Travel Awards“-ის საიუბილეო, ევროპის გალა ცერემონიას საქართველომ წელს პირველად უმასპინძლა. ღონისძიება ულამაზესი ქართული შოუ პროგრამით გაიხსნა, რომელშიც ქართული კულტურა, ხელოვნება, ტრადიციები, ისტორია და სტუმართმასპინძლობა იყო წარმოჩენილი. ღონისძიების ფარგლებში ბათუმს 24 ქვეყნის ტურიზმის ინდუსტრიის, მედიისა და ტურიზმის სამთავრობო უწყებების 300-მდე წარმომადგენელი სტუმრობდა, მათ შორის პორტუგალიიდან, ხორვატიიდან, გერმანიიდან, დიდი ბრიტანეთიდან აშშ-დან, ნორვეგიიდან, შვეიცარიიდან, გიბრალტარიდან და ნიდერლანდებიდან. აღსანიშნავია, რომ „World Travel Awards“-ს წელს 30 წელი შეუსრულდა, საიუბილეო გალა ცერემონიას კი ბათუმში საერთაშორისო მედიის წარმომადგენლები და უცხოელი ბლოგერები დაესწრნენ, მათ შორის Euronews-ის, Wanderlust-ის, Emerging Europe-სა და EarthPix-ის ხელმძღვანელი პირები.
"World Travel Awards” დაჯილდოება 1993 წლიდან სტუმართმასპინძლობის ინდუსტრიის ყველა სექტორში საუკეთესო მიმართულებებისა და კომპანიების გამოვლენისა და დაჯილდოების მიზნით იმართება. ჯამში, დაჯილდოებაზე ასობით ნომინაცია და ათასობით ნომინანტი კონტინენტებისა და ქვეყნების მიხედვით სხვადასხვა კატეგორიებშია გადანაწილებული. მათ შორისაა წამყვანი სასტუმროები, ტურისტული სააგენტოები, ტურისტული ატრაქციები, მიმართულებები, ტუროპერატორები, ასევე საზღვაო, საგზაო, საჰაერო ტრანსპორტის კომპანიები.
NS
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ტრამპის სატარიფო ქაოსი - გაძვირდება თუ არა საქართველოში ამერიკიდან ავტომობილების შემოყვანა?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
