14
მარტიდღის ზოგადი ასტროლოგიური პროგნოზი
ექსპრემიერი გიორგი გახარია ეხმაურება კულტურის მინისტრ თეა წულუკიანის განცხადებას რეჟისორ ნანა ჯანელიძიძის ფილმის, "იარე, ლიზას" თაობაზე.
გუშინ წულუკიანმა სოციალურ ქსელში გამქვეყნებულ პოსტში აღნიშნა, რომ ნანა ჯანელიძემ ფილმის დაფინანსება უკონკურსოდ და "ჩაწყობით" მოიპოვა, მაშინ როდესაც მთავრობის სათავეში გიორგი გახარია იყო.
"სააკაშვილს და წულუკიანს თურმე ერთნაირად, ისე რომ არ უნახავთ, არ მსწონებიათ ნანა ჯანელიძის ახალი ფილმი ომზე. იმ არანორმალურზე საუბარს აზრი არ აქვს ჩემს თეას კი გუშინ დაუწერია, ნანა ჯანელიძემ ფილმზე დაფინანსება ჩაწყობით მოიპოვაო. თეა ძვირფასო, შენ, ის ბრძენი კაცი, ისეთი ტემპით მიექანებით ჩრდილოეთისკენ, რომ ჩვენ და აფხაზებს, ჩვენი იდენტობის, ჩვენი კულტურის, ხშირად რთული, მაგრამ ჩვენი საერთო წარსული დაცვა რუსებისგან მოგვიწევს ერთად დაცვა, მხარდამხარ. კითხვა ის არის, თქვენ სად იქნებით მაშინ, ჩვენი, აფხაზების და ქართველების გვერდით, თუ რუსებთან? წარმატებები!
რაც შეეხება ფილმს, მე მართლაც მიმიძღვის მცირედი წვლილი ამ ფილმის მხარდაჭერაში. ეს ფილმი უნდა ნახოს ყველამ თბილისშიც და სოხუმშიც. რადგან ეს არის ფილმი იმაზე, რომ მიუხედავად ბევრი შეცდომისა და წარსულისა, ქართველები და აფხაზები არასდროს, არასდროს არ ვესროდით ერთმანეთს." - წერს გახარია.
ცნობისთვის, რეჟისორ ნანა ჯანელიძის ფილმის - "იარე, ლიზას" ჩვენებას, რომელიც 27 სექტემბერს კინოთეატრ "ამირანში" გაიმართა, საზოგადოების ნაწილის პროტესტი მოჰყვა. სოციალურ ქსელში ვრცელდება ვიდეო, სადაც ჩანს, როგორ ტოვებენ დარბაზს და აკრიტიკებენ ფილმის შინაარსსა თუ რეჟისორს მაყურებლები. მაყურებელთა ნაწილის პოზიციით, ფილმში გადმოცემული ფაქტები რეალობას არ ასახავს. მათივე შეფასებით, სცენარში, რომელიც ჟურნალისტ ლია ტოკლიკიშვილს ეკუთვნის, ქართველები დამნაშავეებად, ხოლო აფხაზები უცოდველებად არიან წარმოჩენილი. განსაკუთრებული გაღიზიანება ფილმის მთავარი გმირის მიერ ენგურს იქით ხმამაღლა დაძახილმა "ბოდიშმა" გამოიწვია. ქართველი ჟურნალისტი ბოდიშს უხდის აფხაზებს.
ასევე იხილეთ:
- "ფილმის მთავარი იდეა სწორედ ეს არის: გვერდზე გადავდოთ ჩვენი ეგო, გავიაზროთ ჩვენ ჩვენი ტკივილები... ერთად დავიწყოთ ფიქრი, როგორ შევხვდეთ აფხაზებს" - რას წერს სკანდალად ქცეული ფილმის რეჟისორი?
- "ეს ფილმი ჩაწყობით დაფინანსდა პრემიერ გახარიასგან" - აურზაური ნანა ჯანელიძის ფილმის ირგვლივ: რა მოხდა ჩვენებაზე და რას წერს თეა წულუკიანი?
ეგ „ბოდიში“ გახარიამ მოიპარა მაგ ფილმიდან თუ პირიქით გახარიას მოპარა ფილმის რეჟისორმა? განსხვავება მხოლოდ ისაა, რომ გახარია „ბოდიშით“ იწყებდა ხოლმე, ხოლო რეჟისორმა ფილმი „ბოდიშით“ დაამთავრა.
იმ პირებს რომლებსაც აქვთ ბიზნესი ან სწავლობდნენ ან რაიმე ურთიერთობა ჰქონდათ რუსეთში უნდა აეკრძალოთ რაიმე პოლიტიკური თანამდებობის დაკავება საქართველოში...................