16
აპრილიდღის ზოგადი ასტროლოგიური პროგნოზი
საცურაო აუზი 21-ე საუკუნეში თანამედროვე კომფორტული სახლის განუყრელი ნაწილია. კერძო სახლი საცურაო აუზის გარეშე თითქმის აღარ შენდება. ამ კომფორტული სივრცეების შექმნის ერთ-ერთი მთავარი წინაპირობა კი გახლავთ პროექტირება. არ აქვს მნიშვნელობა კერძო აუზია თუ კომერციული, ის აუცილებლად არქიტექტორის მიერ შედგენილი პროექტის შესაბამისად უნდა შესრულდეს. პროექტი კი სასურველია საერთო მშენებლობის პროცესშივე შედგეს, რაც, თავის მხრივ, გაძლევთ საშუალებს სამუშაოები შეასრულოთ სწორად და მაქსიმალური სიზუსტის დაცვით.
ამ საკითხზე უფრო დეტალურად მრავალწლიანი გამოცდილების მქონე კომპანია „აკვალაინის“ არქიტექტორი ბექა იმერლიშვილი გვესაუბრება.
რატომ არის მნიშვნელოვანი აუზის პროექტირება?
აუზის პროექტირება და სამუშაოების პროექტის შესაბამისად შესრულება დამატებითი სირთულეებისა და ხარჯების თავიდან ასაცილებლად არის მნიშვნელოვანი.
პირველადი სამუშაოების დაწყებამდე უნდა შეიქმნას საპროექტო ნახაზი. თუ აუზის გაკეთება სახლის მშენებლობის პროცესში ხდება, მაშინ პროექტის შეთანხმება როგორც არქიტექტორთან, ასევე კონსტრუქტორთან უნდა მოხდეს. რათა თავიდან ავირიდოთ ისეთი გართულებები, როგორიცაა ბეტონის რეკონსტრუქციის რღვევა ან სხვადასხვა ტიპის ცვლილებები. ეს კი დამატებით დროსთან, ენერგიასა და ხარჯთანაა დაკავშირებული. თუ ყველაფერი სწორად არ დაიგეგმა, შეიძლება უკვე მოპირკეთებული ზედაპირის ნგრევაც კი მოგვიწიოს. სწორედ ამიტომ არის მნიშვნელოვანი პროფესიონალის მიერ შედგენილი პროექტით ხელმძღვანელობა.
რა საკითხებს მოიცავს აუზი პროექტი?
პროექტში თავიდანვე უნდა იყოს განსაზღვრული საცურაო აუზის ტიპი, სკიმერული იქნება ის, გადადინებით თუ სხვა. ასევე პროექტი უნდა მოიცავდეს სხვა დამატებით ჩანართებსა და მათ რაოდენობას, გადანაწილების სპეციფიკას. აქ იგულისხმება, მაგალითად, დამატებითი სამასაჟო ჯეტები, უკუდინება, სანათები და სხვა. ეს ყველაფერი პირველივე ეტაპზე უნდა განისაზღვროს, რომ შემდეგ მილგაყვანილობისა და აუზის სხეულში ცვლილებები არ მოგვიწიოს.
როგორ ხდება აუზის პროექტის შედგენა?
პროექტზე მუშაობის დაწყებამდე დამკვეთმა იმ ადგილის ნახაზები უნდა მოგვაწოდოს, სადაც აუზის მშენებლობა იგეგმება. ჩვენ ვამუშავებთ მათ მიერ მოწოდებულ ნახაზებს და შესაბამისად ვადგენთ ჰიდრო არქიტექტურულ პროექტს. მათ მიერ მოწოდებულ სამუშაო ნახაზს უნდა მოვარგოთ საცურაო აუზის პროექტი. ეს გულისხმობს, რომ ჩვენ ზუსტად უნდა განვსაზღვროთ, სად და როგორ არის შესაძლებელი მილგაყვანილობის განლაგება, სად მოეწყობა ტექნიკური ოთახი თუ სხვა დამატებითი ტექნიკური პირობები. მხოლოდ ამ ყველაფრის შემდეგ უნდა მოხდეს აუზის ბეტონის ჩასხმა.
აუზის პროექტი მოიცავს მის ვიზუალსაც. რა ტიპის აუზებია ახლა ტრენდული?
უკანასკნელ წლებში ძალიან აქტუალური გახდა აუზის მოზაიკით და ფილით მოპირკეთება. ეს ტრენდი იმდენად აქტუალურია, რომ ხშირად PVC მემბრანებსაც სწორედ ფილის დიზაინით არჩევენ. აქვე აღსანიშნავია, რომ ძალიან დაიხვეწა PVC მემბრანების დიზაინი და უკვე 3D ვერსიებსაც კი გვთავაზობენ ჩვენი მომწოდებლები.
კიბეების თვალსაზრისით აქტუალობას არ კარგავს რომაული კიბეები, რომელიც დამატებითი დიზაინის შექმნის საშუალებას იძლევა. ეს შეიძლება იყოს ჩამოსაჯდომი ან შეზლონგების დასადები. ხშირად, აუზებში აკეთებენ როგორც რომაულ, ისე უჟანგავი ფოლადის კიბეს.
