საუდის არაბეთში სიკვდილით დასაჯეს ამერიკის მოქალაქე, რომელსაც მამის მკვლელობა ედებოდა ბრალად

ოთხშაბათს, საუდის არაბეთში სიკვდილით დასაჯეს ამერიკის მოქალაქე, რომელიც მამის მკვლელობაში ყო ბრალდებული.

დამნაშავის სახელი ბიშოი შარიფ ნაჯი ნასიფია. შინაგან საქმეთა სამინისტროს განცხადებით, მან საკუთარი მამა ჯერ სცემა, შემდეგ კი დაახრჩო და ცხედარი დაასახიჩრა. არსებული ინფორმაციით, მან დაკავებამდე კიდევ ერთი ადამიანის მოკვლა სცადა.

განცხადებაში მისი სიკვდილთ დასჯის მეთოდი დაზუსტებული არ არის. თუმცა, როგორც წესი, საუდის არაბეთში სიკვდილმისჯილებს თავს კვეთენ.

Amnesty International-ის სტატისტიკის მიხედვით, საუდის არაბეთი ჩინეთისა და ირანის შემდეგ მსოფლიოს წამყვან „ჯალათებს“ შორისაა. 2022 წლის მარტში ქვეყანაში სიკვდილით 81 ადამიანი დასაჯეს, რაც მის თანამედროვე ისტორიაში ყველაზე მასობრივი სიკვდილით დასჯა იყო.