თავდაცვის მინისტრის ვაჟი ცნობილ სპორტსმენზე დაინიშნა - ვინ არის დათუჩა ბურჭულაძის რჩეული: წყვილის ფოტოები ნიშნობის ცერემონიიდან

თავდაცვის მინისტრის ჯუანშერ ბურჭულაძის ვაჟი დაინიშნა. გრანდიოზული ნიშნობა მეგობრების წრეში შედგა. დათუჩა ბურჭულაძის რჩეული ქართული ჩოგბურთის ამომავალი ვარსკვლავი წალენჯიხელი ზოზია ქარდავაა. წყვილმა ფოტოები ინსტაგრამის საკუთარ გვერდზე გამოაქვეყნა.

წალენჯიხა საქართველოს კიდევ ერთ ვარსკვლავს უზრდის - ასე ეხმაურება სპორტული მედია ზოზია ქარდავას სპორტულ მიღწევებს და იმედს გამოთქვამს რომ ხვიჩა კვარაცხელიასავით ასახელებს საკუთარ სამშობლოს. ზოზიას ინსტაგრამის გვერდი ხვიჩა კვარაცხელიას აქვს გამოწერილი, როგორც ჩანს ფეხბურთელი თანაქალაქელის წარმატებას გულშემატკივრობს.

რაც შეეხება ბურჭულაძეების მრავალშვილიან ოჯახს, თავდაცვის მინისტრი რვა შვილის მამაა. პოლიტიკოსის მეუღლე პიანისტია. წყვილმა ადრეულ ასაკში იქორწინა და პოლიტიკაში მოსული ბურჭულაძე უკვე მრავალშვილიანი მამა გახლდათ.