მნიშვნელოვანი ინფორმაცია
16
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე, მთვარე მშვილდოსანში გადავა 06:36-ზე
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გაიცანით 14 წლის სურამელი ბიჭი, რომელმაც საკუთარი ზოოპარკი გააშენა - "თვალსა და ხელს შუა გაივსო ჩვენი ვოლიერები... ჩემმა გათვლებმა გაამართლა და დღეში 20-25 ადამიანს ვმასპინძლობ"
12:47 / 26-07-2023
თუ სურამში მოხვდებით, აუცილებლად შეიარეთ 14 წლის რეზოს ზოოპარკში - ოცნებები რომ სრულდება, სურამის მე-2 საჯარო სკოლის მოსწავლემ რევაზ აბჟანდაძემ კარგა ხანია დაიჯერა. უკვე 3 თვეა, რაც ის საკუთარი სახლის ეზოში, გაშენებულ ვოლიერებში მოთავსებულ სამოცდაათამდე ბინადარზე ზრუნავს. მათ შორის არიან იშვიათი ჯიშის ქათმები, ხოხბები, კურდღლები, ზღარბები, წყლისა თუ ხმელეთის კუები.... დიახ, რეზოს საკუთარი ზოოპარკი აქვს.
რევაზ აბჟანდაძე: სურამი ტურისტული ზონაა, ძალიან მიყვარს, იმიტომ რომ აქ დავიბადე, გავიზარდე და სხვაგან ცხოვრებას არც ვაპირებ. აქ რომ ჩამოდიან დამსვენებლები, ნახულობენ სურამის ციხეს, ცენტრში დაისვენებენ, ტბაზე წავლენ, ითევზავებენ, ლესია უკრაინკას მუზეუმს დაათვალიერებენ, ნაძვნარში გაისეირნებენ... სულ მინდოდა კიდევ ისეთი სივრცე შემექმნა, სადაც დამსვენებელი სიამოვნებით მოვიდოდა. ჰოდა მაშინ გავიფიქრე, მოდი გავაკეთოთ ზოოპარკი. იმ დღიდან სულ ამაზე ვოცნებობდი. სახლში იცოდნენ ჩემი ოცნების შესახებ და მთელმა ოჯახმა ერთად დავიწყეთ ზრუნვა, რომ ჩემი ოცნება რეალობად გვექცია... მერე მეგობრებიც შემომიერთდნენ და შედეგი სახეზეა.
ხოხბები მე და მამამ ქარელიდან მოვიყვანეთ. აი, ეს ქოჩორა ქათმები ესპანური პადუანებია, ეს ფუმფულები კი, დინჯად რომ დააბიჯებენ, ფრანგული აბრეშუმებია, დედალ-მამალი ხმელეთის კუ ოსიაურიდან მოვაბრძანეთ.. მოკლედ, ასე თვალსა და ხელს შუა, გაივსო ჩვენი ვოლიერები და ძალიან გახარებული ვარ ამით. ჰო, კიდევ კოკისპანიელი მყავს ლედი და ლაბრადორი - ბუბუ.
- როგორ იწყება შენი დილა?
- ჩემი დილაც და საღამოც ამ ცხოველებსა და ფრინველებზე ზრუნვით იწყება და მთავრდება. ვაჭმევ, ვოლიერებს ვუსუფთავებ, ქვიშას ვუცვლი, ბალახი მომაქვს, საქმეს რა გამოლევს, მაგრამ სულ არ მეზარება, პირიქით, მსიამოვნებს აქ ფუსფუსი. ახლა მინდა ფრანგული “მარანსის” ჯიშის ქათმები შევიძინო, რომლებიც შოკოლადისფერ კვერცხებს დებენ. ნაცრისფერი მარანსი დებს ყველაზე მუქ ყავისფერ კვერცხს, შავი - შედარებით ღიას, დიდი იმედი მაქვს, ორივე მათგანს იხილავთ უახლოეს ხანში ჩემს ვოლიერებში. საერთოდ, სანამ რომელიმე სახეობის ცხოველს ან ფრინველს მოვიყვან, მასზე უამრავ ინფორმაციას ვეცნობი, რომ კომფორტული გარემო შევუქმნა ჩემს ზოოპარკში.
- ხალხმა როგორ გაიგო შენი ზოოპარკის შესახებ?
- აბრები გამოვაკარი სურამში წარწერით - "ცხოველების გამოფენა- ზოოპარკი" და ქვემოთ ჩემი მისამართი, ვიდეორგოლიც ჩავწერე... ჩემმა გათვლებმა გაამართლა - დღეში 20-25 ადამიანს ვმასპინძლობ. უმთავრესად ბავშვიანი დამსვენებლები მოდიან ხოლმე. მოსწონთ აქაურობა. ზოგი ამბობს, პატარა ზოოპარკიაო. შემდეგ წელს უფრო მეტი ცხოველი მეყოლება. ვოლიერებს დავამატებ, თუთიყუშები უნდა შევიძინო, მტრედები, ერთმა კაცმა ვირი გამომიგზავნა, რომელიც უახლოეს დღეებში დაბინავდება ჩემს ზოოპარკში. ალბათ, ლურჯას დავარქმევ. ხალხის ინტერესი იმხელაა, რომ ეს სტიმულს მმატებს, უფრო მეტი რამ მოვიფიქრო და შევძინო ჩემს ზოოპარკს. გუშინ ერთმა ქალმა მითხრა, ჩემმა შვილებმა სოციალურ ქსელში შენი ვიდეო ნახეს და აღარ მომასვენეს, სანამ არ მოინახულეს შენი ზოოპარკიო. იცით, როგორ მესიამოვნა...
- სკოლაში როგორ სწავლობ?
- დიდი სიბეჯითით არ გამოვირჩევი, თუმცა უპასუხისმგებლოც არ ვარ. ისე კი ისტორია, ბიოლოგია და ქართული ენა, ეს 3 საგანი მეადვილება.
- რა უნდა გამოხვიდე, ალბათ ზოოვეტერინარი?
- ცხოველები კი მიყვარს, მაგრამ არანაკლებად მიყვარს ფეხბურთი. 5 წლიდან ვვარჯიშობ. უკვე 9 წელია, რაც ფეხბურთზე დავდივარ.
- მერე, ცნობილი ფეხბურთელი რომ გახდები, ზოოპარკს ვის უტოვებ?
- ოჯახს ჩავაბარებ, როცა სათამაშოდ ვიქნები ხოლმე გამგზავრებული... ჩემი საყვარელი ფეხბურთელია რონალდინიო, ქართველებიდან კი კვარაცხელია, ჩაკვეტაძე და მიქაუტაძე, სამივე ერთნაირად მიყვარს. სანამ საფეხბურთო მოედანზე სათამაშოდ შევხვდები მათ, მანამდე ჩემს ზოოპარკში ვეპატიჟები სამივეს. მარტო მათ კი არა, ყველას გეპატიჟებით ჩემს ზოოპარკში.
ია ლომსაძე
მკითხველის კომენტარები /
34 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთი ოკუპირებულ სოხუმში სანქცირებული ავიაკომპანიების ფრენებს იწყებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ღმერთმა გვიმრავლოს ასეთი საინტერესო ბავშვები საქართველოში!
რა საყვარელი ვინმეა, წარმატებები