19 წლის ტიკტოკერის "აფიორა" - ბიჭი ამტკიცებდა, რომ 79 წლის ქალს ხვდებოდა: პოპულარობისთვის შექმნილი ისტორია, რომელიც უამრავმა ადამიანმა დაიჯერა

ახალგაზრდა იტალიელი ბიჭი, ჯუზეპე დ'ანა tiktok-ზე დიდი პოპულარობით სარგებლობს. სოციალური ქსელის მილიონობით მომხმარებელი უკვე რამდენიმე წელია თვალს ადევნებს მის გვერდს. 19 წლის ბიჭის პოპულარობა დიდწილად მისმა სკანდალურმა პირადმა ცხოვრებამ განაპირობა.

ჯუზეპე ამტკიცებდა, რომ 2022 წლის მაისიდან რომანტიკული ურთიერთობა ჰქონდა 79 წლის მილინა გატასთან - ქალი მასზე 57 წლით უფროსია. ამ განცხადებამ აჟიოტაჟი გამოიწვია. წყვილს ყველა აკრიტიკებდა, ზოგი მათ ურთიერთობას „საზიზღარსა“ და „გულისამრევს“ უწოდებდა, ზოგიც კი თვლიდა, რომ ეს ყველაფერი კანონისთვის შეუსაბამო იყო.

მაგრამ "სიურპრიზები" აქ არ დამთავრებულა: რამდენიმე ხნის წინ, ჯუზეპემ განაცხადა, რომ ის და მილინა პირველ შვილს ელოდებოდნენ. ახალმა ამბავმა ინტერნეტი გააოცა. ყველა თვლიდა, რომ ჯუზეპე ერთი ჩვეულებრივი მატყუარა იყო, რომელიც ფულისა და პოპულარობისთვის ყველაფერს აკეთებდა.

ასეც აღმოჩნდა: რამდენიმე თვის წინ, ჯუზეპემ ინტერვიუში გამოავლინა, რომ მთელი ურთიერთობა ონლაინ პოპულარობისთვის შექმნილი ერთი დიდი ტყუილი იყო და დაამატა, რომ სინამდვილეში, მილინა მისი ბებიაა. (წყარო)