რობერტ დე ნიროს შვილიშვილი 19 წლის ასაკში გარდაიცვალა: რა გახდა ლეანდრო დე ნიროს გარდაცვალების მიზეზი
ლეგენდარული მსახიობის, რობერტ დე ნიროს შვილიშვილი ლეანდრო დე ნირო როდრიგესი 19 წლის ასაკში გარდაიცვალა. ეს მსახიობმა Variety-სთვის მიცემულ განცხადებაში დაადასტურა:
"გულდაწყვეტილი ვარ ჩემი საყვარელი შვილიშვილის, ლეოს გარდაცვალების გამო. ჩვენ დიდად ვაფასებთ ყველას სამძიმარს და გთხოვთ, გლოვისთვის პირადი სივრცე მოგვცეთ“ - ამბობს რობერტ დე ნირო.
ლეანდრო დე ნირო მეგობარმა საკუთარ ბინაში გარდაცვლილი იპოვა. მედიის ცნობით, მის სხეულთან ახლოს ნარკოტიკებისა და პარაფინის კვალია აღმოჩენილი. გარდაცვალების სავარაუდო მიზეზად ნარკოტიკული ინტოქსიკაცია სახელდება.
მოგვიანებით ლეანდროს დედამ, დრენა დე ნირომ პოსტი გაავრცელა, რომელშიც გარდაცვალების მიზეზი დაასახელა.
"მინდა იმ ადამიანს მივმართო, ვინც ლეოს ფენტანილის შემცველი ნარკოტიკი მიჰყიდა: იმედი მაქვს, ყოველდღე იფიქრებ ჩემზე და ჩემს ოჯახზე, შენ თითოეული ჩვენგანი მოკალი“, - წერს დრენა დე ნირო.