ეკატერინბურგში 6 წლის ბავშვი გარდაცვლილი იპოვეს. დაკარგული ბიჭუნას ძებნა 26 ივნისს დაიწყეს, საბოლოოდ კი დალერ ბაბიევის ცხედარს, რომელიც დიდ ჩანთაში იყო მოთავსებული, ეკატერინბურგის ჩკალოვსკის რაიონში, ავტოფარეხების კომპლექსის ტერიტორიაზე მიაგნეს.
ბავშვი აღმზრდელ ოჯახში იზრდებოდა. გამომძიებლების ინფორმაციით, ბიჭი რამდენიმე თვის წინ გარდაიცვალა, რაც მეურვემ მინდობით აღზრის სამსახურის თანამშრომლებს დაუმალა, რომლებსაც, თავის მხრივ, "არ მიუღიათ აუცილებელი ზომები მეურვის ოჯახში არასრულწლოვნის ცხოვრების პირობების დასადგენად“.
მომხდარ ფაქტზე მეურვეობის სამსახურის თანამშრომლების მიმართ აღძრულია სისხლის სამართლის საქმე შესაძლო გაუფრთხილებლობის ფაქტზე. ბავშვის გარდაცვალების მიზეზს კი სასამართლო ექსპერტიზა დაადგენს.
თავდაპირველად გავრცელდა ინფორმაცია, რომ ბიჭი სახლიდან გაურკვეველი მიმართულებით 26 ივნისს დილით გავიდა. სამძებრო სამუშაოებში მონაწილეობა 1000-ზე მეტმა პოლიციელმა და მოხალისემ მიიღო. 27 ივნისს საგამოძიებო კომიტეტმა სისხლის სამართლის საქმე აღძრა არასრულწლოვნის მკვლელობის ფაქტზე (რუსეთის ფედერაციის სისხლის სამართლის კოდექსის 105-ე მუხლის მე-2 ნაწილის „გ“ პუნქტი). ამ მუხლით გათვალისწინებული მაქსიმალური სასჯელი არის 20 წლამდე ან უვადო პატიმრობა.
33 წლის ქალმა, რომელიც ბიჭის მეურვე იყო, ბავშვის დაკარგვის თაობაზე პოლიციაში 26 ივნისს განაცხადა, ამბობდა, რომ ბავშვი გაიქცა და ეს არ იყო პირველი შემთხვევა. ის ასევე ამტკიცებდა, რომ ბიჭს ფსიქიკური პრობლემები ჰქონდა. ახლა ვერონიკა ნაუმოვა დაკავებულია. საგამოძიებო კომიტეტის პრესრელიზიდან ირკვევა, რომ იგი მკვლელობაშია ეჭვმიტანილი.
- მკვლელობა თუ უბედური შემთხვევა?
დაკავების შემდეგ, დაკითხვისას მეურვემ განაცხადა, რომ ბიჭი დაიხრჩო, როდესაც დასთან ერთად აბაზანაში იყო და ბანაობდა, - წერს რუსული მედია. ასევე, მედიის ინფორმაციით, თუ დამტკიცდა, რომ ბავშვი ნამდვილად უბედური შემთხვევის შედეგად დაიღუპა, ქალი მხოლოდ დანაშაულის დამალვისთვის დაისჯება. არსებობს ვერსია, რომ სხვა ბავშვებმა, რომლებიც ნაუმოვას მეურვეობის ქვეშ იმყოფებოდნენ, შესაძლოა, არც იცოდნენ ბიჭის გარდაცვალების ამბავი.
"ვერონიკამ ცოტა ხნის წინ მათ უთხრა, რომ დალერი მასწავლებელს გაექცა, ვერ იპოვეს, მაგრამ სთხოვა, არავისთვის ეთქვათ, რადგან ეშინოდა, რომ სხვა ბავშვებს წაართმევდნენ“, - წერს E1.RU იმ სკოლის დირექტორზე დაყრდნობით, სადაც ქალი მუშაობდა.
ნაუმოვა სულ ექვს ბავშვს ზრდიდა - აქედან სამი მინდობით აღზრდით იყო მასთან.
ბავშვია ხალხნო რა მნიშვნელობაა რუსია თუ ქართველი.
ვის რაში აინტერესებს რუსეთში ვინ იპოვეს და ვინ ნახეს ,რას გვატენით ამ რუსულ ინფოებს