6
აპრილიდღის ზოგადი ასტროლოგიური პროგნოზი
რუსეთი სამოქალაქო დაპირისპირების ზღვარზეა. მოვლენები მას შემდეგ გამწვავდა, რაც კერძო სამხედრო კომპანია "ვაგნერის" დამფუძნებელმა, ევგენი პრიგოჟინმა რუსეთის თავდაცვის სამინისტრო მისი სამხედრო ქვედანაყოფის ბანაკებზე სარაკეტო თავდასხმაში დაადაანაშაულა.
პრიგოჟინმა შურისძიება დააანონსა, რის შემდეგაც მოსკოვში ყველა მნიშვნელოვანი ობიექტები, სახელმწიფო დაწესებულებები და სატრანსპორტო ინფრასტრუქტურა გაძლიერებულ დაცვის კონტროლზე გადავიდა. ქუჩებში გამოვიდნენ "ომონისა" და "სობრის" სპეცდანიშნულების რაზმები. ასევე "ვაგნერის” ლიდერის ევგენი პრიგოჟინის განცხადებების შემდეგ, ჯავშანტექნიკა გამოჩნდა როსტოვის ქუჩებში და ადგილზე გეგმა “ციხესიმაგრე” გამოცხადდა.
ცოტა ხნის წინ ცნობილი გახდა, რომ "ვაგნერის" კონტროლის ქვეშაა როსტოვი და ვოროჟინი.
მიმდინარე მოვლენების ფონზე ცოტა ხნის წინ განცხადება გაავრცელა საქართველოს ყოფილმა პრემიერ-მინისტრმა, გიორგი გახარიამ და მთავრობას მოუწოდა მოიწვიოს უსაფრთხოების საბჭო და დაიცვას ქვეყნის ინტერესები. (წაიკითხეთ: "მოვუწოდებ საქართველოს მთავრობას, მოიწვიოს უსაფრთხოების საბჭო... დროებით ჩაიკეტოს საზღვრები რუსეთთან. საფრთხე რეალურია!" - გიორგი გახარია)
თავდაცვის ყოფილი მინისტრი თინა ხიდაშელი აღნიშნულთან დაკავშირებით სოციალურ ქსელში პოსტს აქვეყნებს და საქართველოს მთავრობას ქმედითი ნაბიჯებისკენ მოუწოდებს:
"საქართველოს მთავრობამ რაო? ან თავდაცვამ? ან სუსმა? უსაფრთხოების საბჭო? საზღვრები?ფრენები?არ ვიმჩნევთ თუ ჩანს სიცოცხლის ნიშანი ინგოროყვაზე?" - წერს ხიდაშელი.
ანალოგიურ აზრზეა ექსპერტების ნაწილიც. ხათუნა ლაგაზიძე თვლის, რომ საჭიროა საზღვრების დაცვა და სასწრაფოდ უშიშროების საბჭოს მოწვევა:
ექსპერტი ხათუნა ლაგაზიძე: სასწრაფოდ მოიწვიეთ უშიშროების საბჭოს სხდომა: საზღვრები დასაცავია, გვერდით ჩრდილო კავკასიაა კადიროვით და პოტენციური უამრავი დამშეული და დაუნდობელი რუსი ლტოლვილი.
სამხედრო ექსპერტი, გიორგი თავდგირიძე: სად არის ოფიციალური პოზიცია?სამხრეთ რუსეთში, საქართველოს საზღვრებთან ახლოს, გაურკვეველი სამხედრო მიზნების მქონე 25 ათასიანი დაჯგუფება, ცენტრალური ხელისუფლების კონტროლიდან გამოვიდა, არის საბრძოლო შეტაკებები. ჩამოგდებულია რუსეთის თავდაცვის სამინისტროს ორი ვერტმფრენი. მთავარი შეკითხვა: რას ვშვებით ჩვენ? რა ღონისძიებებია დაგეგმილი და გატარებული? რას ვეუბნებით საქართველოს მოსახლეობას და როგორ ვუზრუნველყოფთ მათ უსაფრთხოებას?
წაიკითხეთ ასევე:
- "პრიგოჟინმა როსტოვზე კონტროლი დაამყარა, ჯერი ვორონეჟზეა" - პუტინის ძველი მეგობარი მოსკოვს უახლოვდება: რა სცენარით შეიძლება განვითარდეს მოვლენები?
- "ვინც მოღალატეობის გზად დაადგა პასუხს აგებს!" - პუტინმა რუსეთის ჯარს შეიარაღებული ამბოხის ორგანიზატორების ნეიტრალიზაციის ბრძანება მისცა
განმიმარტეთ რას ნიშნავს ექსპერტი!
ალბათ გახსოვთ,როგორ გვაშინებდნენ,რომ დუდაევს ყავს სამოცი თვითმფრინავი და როცა აფრინდებიან რა გვეშველება.
საქართველო არანაირ ომს არ დაიწყებს,არც მეორე,მესამე და სხვა ფრონტებს არ გახსნის არასდროს.ვიღაც ფულს აკეთებს და უნდა სულ ტელევიზიაში ან პრესის ფურცლებზე გამოჩნდეს,რომ თავისი არსებობა გაამართლოს.უბრალოდ სირცხვილია საიდან მოდიან ეს ტიპები.