მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მინისტრის საათი" პარლამენტში: ხმაური, ურთიერთბრალდებები და "სისხლიანი 9 წლის" შეხსენება - "ერთ ხელში ხელკეტი ეჭირათ და იმით აუპატიურებდნენ ჩვენი ქვეყნის მოქალაქეებს, მეორეში - ცოცხი"
16:01 / 16-06-2023
პარლამენტის პლენარულ სხდომაზე, სადაც საგარეო საქმეთა მინისტრს ილია დარჩიაშვილს "მინისტრის საათის“ ფორმატში უსმენენ, დეპუტატები ერთმანეთს სიტყვიერად დაუპირისპირდნენ.
დაპირისპირება გამოიწვია უმრავლესობის წევრის ალუდა ღუდუშაურის კითხვამ მინისტრისადმი, განემარტა სხვაობა მოქმედ ხელისუფლებასა და წინა ხელისუფლებას შორის, რომელიც, მისივე შეფასებით, "მოსახლეობას პატივს "ყავარჯნიანი კაცით“ ყრიდა“.
"მე მაინტერესებს, რა კეთდებოდა მათ დროს და დღეს რა კეთდება ჩვენი ხელისუფლების დროს, ნამდვილი ღირებულებებისთვის და არა ისე, ფსევდო ღირებულებებისთვის, რასაც ხელს აწერდნენ და რასაც ყავარჯნიანი ადამიანით ცდილობდნენ. ეს არის ევროპული ღირებულება? მაინტერესებს... თქვენ დღეს ამ მაღალი ტრიბუნიდან რომ გვითხრათ და უთხრათ ჩვენს საზოგადოებას, რას ვაკეთებთ ჩვენ და რას აკეთებდნენ ეს ადამიანები? მანტია აქვთ მოსხმული, რომ თითქოს ესენი არიან ევროპული ღირებულებების მატარებლები, მაგრამ სინამდვილეში, ერთ ხელში ხელკეტი ეჭირათ და იმით აუპატიურებდნენ ჩვენი ქვეყნის მოქალაქეებს, მეორე ხელში ცოცხი და ამით პატივს ყრიდნენ ჩვენი ქვეყნის მოქალაქეებს. მაინტერესებს, ეს არის ევროპული ღირებულება?” - განაცხადა ღუდუშაურმა.
მისმა გამოსვლამ ფრაქცია "ნაციონალური მოძრაობის“ თავმჯდომარის თინა ბოკუჩავას პროტესტი გამოიწვია, რომელმაც პარლამენტის თავმჯდომარეს მიმართა და უთხრა, რომ ისიც ამ "სამარცხვინო განცხადებების“ თანამონაწილეა იმით, რომ დეპუტატს ავტომატურ რეჟიმში დროს უგრძელებს და საუბრის გაგრძელების საშუალებას აძლევს.
"თქვენ რომ დამატებით 30 წამს ავტომატურ რეჟიმში უგრძელებთ, თქვენც თანამონაწილე ხართ ამ სამარცხვინო განცხადებების და იმ სამარცხვინო პოლიტიკის, რომელსაც თქვენ ატარებთ“, - განაცხადა ბოკუჩავამ.
შალვა პაპუაშვილის განცხადებით, პარლამენტში ცენზურა დაუშვებელია, მან ბოკუჩავას მოუწოდა, დეპუტატის გამოსვლების შინაარსში არ ჩარეულიყო.
"შინაარსში რატომ ერევით, მე არც თქვენი განცხადების შინაარსში ვერევი, არც სხვისი განცხადების შინაარსში, ცენზურა აკრძალულია საქართველოს პარლამენტში. თქვენ გინდათ, რომ ცენზურა დააწესოთ, ცენზურა აკრძალულია ქალბატონო თინა, ამიტომ ნუ ერევით შინაარსში, არ შეიძლება!“- განაცხადა პაპუაშვილმა.
დეპუტატი მიხეილ სარჯველაძის თქმით, კი საამაყოები არიან ადამიანები, რომლებიც არიან სადარაჯოზე და არ დაუშვებენ "ყავარჯნიანი ადამიანების" დაბრუნებას.
"ბატონო მინისტრო, ეთანხმებით თუ არა ღარიბაშვილს, რომ უკრაინის ნატოსკენ სწრაფვა არის რუსეთის ომის მიზეზი? - კი თუ არა?" - ამ კითხვით მიმართა თინა ბოკუჩავამ ილია დარჩიაშვილს.
"მიგაჩნიათ თუ არა თქვენ, როგორც საგარეო საქმეთა მინისტრს, რომ მკვეთრი აცდენა ევროკავშირის საგარეო პოლიტიკურ კურსთან, ხელს უწყობს ამ ქვეყნისთვის კანდიდატის სტატუსის მინიჭებას? სჭირდება თუ არა ევროკავშირს მის რიგებში რუსეთის მეხუთე კოლონის წარმომადგენლები, რომლებიც დაბლოკავენ მის საგარეო პოლიტიკურ გადაწყვეტილებას?" - ეს კითხვები კი "ლელოს" ერთ-ერთმა ლიდერმა სალომე სამადაშვილმა დასვა.
სამადაშვილი ასევე დაინტერესდა, იზიარებს თუ არა საგარეო უწყების ხელმძღვანელი მთავრობის მეთაურის პოზიციას, რომ უკრაინაში რუსეთის ომი, ოფიციალური კიევის ნატო-ში გაწევრიანების სწრაფვით იყო პროვოცირებული და თუ ასე მიიჩნევს, რა მიზნით მიდის ნატო-ს სამიტზე.
"მე მაინტერესებს მოვისმინო თქვენგან პასუხი შეკითხვაზე, ითხოვს თუ არა ევროკავშირი საქართველოსგან ერთსქესიანთა ქორწინების დაკანონებას, ან სქესის გადაკეთების დაკანონებას, იმისთვის, რომ ჩვენ ქვეყანას მიენიჭოს კანდიდატის სტატუსი - კი თუ არა? ან რაიმე სხვა მოთხოვნა თუ არის, რომელიც არის შეუთავსებელი ჩვენს ღირებულებებთან, როგორც ამაზე ხშირად აპელირებენ იმ პოლიტიკური პარტიის წარმომადგენლები, რომლის ხელისუფლებასაც თქვენ წარმოადგენთ. თუ შეიძლება, რომ განუმარტოთ საზოგადოებას', - განაცხადა სამადაშვილმა.
"თუ საქართველომ ვერ მიიღო კანდიდატის სტატუსი, იღებთ თუ არა თქვენ, როგორც საგარეო საქმეთა მინისტრი, თქვენს გუნდთან ერთად პასუხისმგებლობას?" - ასე მიმართა "სტრატეგია აღმაშენებლის“ ლიდერმა გიორგი ვაშაძემ საგარეო საქმეთა მინისტრს ილია დარჩიაშვილს.
"ველით, რომ ევროკომისია სამართლიანად და დამსახურების პრინციპის საფუძველზე შეაფასებს საქართველოს პროგრესს 12 პრიორიტეტის შესრულების კუთხით და შემოდგომაზე გაფართოების პაკეტის შეფასებისას გასცემს რეკომენდაციას ქვეყნისთვის კანდიდატის სტატუსის მინიჭების შესახებ", - განაცხადა ილია დარჩიაშვილმა პარლამენტში სიტყვით გამოსვლისას.
მინისტრმა ასევე ისაუბრა, 2022 წლის 23 ივნისს, ევროპული საბჭოს მიერ მიღებულ გადაწყვეტილებაზე, რომლის შედეგადაც საქართველოს მიენიჭა ევროპული პერსპექტივა და რის საფუძველზეც საქართველომ სამეზობლო პოლიტიკიდან გაფართოების ქვეყნების რიგებში გადაინაცვლა. გარდა ამისა, მან ვრცლად ისაუბრა ევროკომისიის მიერ კანდიდატის სტატუსის მოსანიჭებლად განსაზღვრული 12 პრიორიტეტის შესრულების პროცესსა და ამ მიმართულებით გადადგმულ ნაბიჯებზე. ამ კონტექსტში, მინისტრმა განმარტა, რომ საგარეო საქმეთა სამინისტროს ინიციატივით და კოორდინაციით, 2022 წელს შეიქმნა უწყებათშორისი სამუშაო ჯგუფი ინტეგრაციის პროცესში ჩართული ექსპერტების მონაწილეობით -საქართველოს პარლამენტის სპიკერის კაბინეტის, დარგობრივი სამინისტროების, მთავრობის ადმინისტრაციის წარმომადგენლების შემადგენლობით, რომელიც რეგულარულად მართავს სამუშაო შეხვედრებს ევროპულ ინსტიტუციებში, ასევე წევრი ქვეყნების დედაქალაქებში საკანონმდებლო და აღმასრულებელ ორგანოებში.
„საქართველოსთვის კანდიდატის სტატუსის მინიჭება, რომელსაც ჩვენი ქვეყანა შარშანაც იმსახურებდა და ის მაშინაც სრულად აკმაყოფილებდა ამ გადაწყვეტილების მისაღებად აუცილებელ წინაპირობებს, იქნება კიდევ ერთი ისტორიული გადაწყვეტილება, რომელიც ფორმალურად გაამყარებს ჩვენი ქვეყნის პოზიციონირებას ევროკავშირში გაწევრიანების გზაზე, ხელს შეუწყობს დეპოლარიზაციას ქვეყნის შიგნით და იქნება მნიშვნელოვანი განმსაზღვრელი ფაქტორი მშვიდობისა და სტაბილურობის განმტკიცების კუთხით,“ - განაცხადა ილია დარჩიაშვილმა და დასძინა, რომ საქართველო ბოლო ათწლეულის განმავლობაში იყო და დღესაც ინარჩუნებს წამყვანი რეფორმატორი ქვეყნის სტატუსს ევროკავშირის აღმოსავლეთ სამეზობლო რეგიონში და მნიშვნელოვნად წინაა ევროკავშირის მოთხოვნებთან როგორც საკანონმდებლო, ასევე ინსტიტუციური დაახლოების ხარისხით.
მისი თქმით, საქართველო განაგრძობს თანმიმდევრულ სვლას ევროკავშირში გაწევრიანების გზაზე და დგამს ნაბიჯებს როგორც ევროკავშირის კანონმდებლობასთან მაქსიმალური ჰარმონიზაციის და ინსტიტუციური ინტეგრაციის მაღალი დონის მისაღწევად.
00:00 / 00:00
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამ ხუი ინ ვეი ბინებს კურცხალი ცრემლი არ გადმოვარდნიათ რუსი რომ არაერთგზის შემოგვეჭრა და უკრაინას ჩივიან ? აფერისტებია , აფერსაც შობიან ქვეყნიზა, მისდა უნდათ ყოლიფერი ! ფაქტი გინდათ ? მიშამ ამათმა, ხლისტე ვივამედელმა, გაგანია ომისას ცოლშვილი არტეკში გააგზავნა და დედამისს ას მილიონიანი უნივერსიტეტი ლარად გაუფორმა , ბიძამისის საძმაკაცოს კი ენგურიჰესი გადაუფორმა-კონტრიბუციად ზედ ახალგორი და ზემო აფხაზეთი დაუმატა, თუ გაიმარჯვეთ თქვე არამზადა ნაძირალებო, ტანკები რად უდგას თბილისიდან 40 კმ-ში რუსს?! ხლისტემ, , იქამდეც და მას მერეც ათასი სისაძაგლე ჩაიდინა და ახლა ბარტყებსა ყრის ჰარამხანაში!
Რა მუქთა მჭამელა ზიხარ ალუდა პარლამენტში... Სადაა სამართალი