მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ბავშვობიდან სასტიკად, ჯოხით სცემდა შვილებს" - რა უძღოდა წინ გარდაბანში მომხდარ უმძიმეს დანაშაულს, რატომ მოკლა 21 წლის ბიჭმა მამა?
13:13 / 13-06-2023
გარდაბნის მუნიციპალიტეტის სოფელ ახალსოფელში მომხდარი მკვლელობა საზოგადოებისთვის ცნობილია. უმძიმესი ფაქტი 11 მაისს მოხდა, კონფლიქტის დროს 21 წლის ბიჭმა დანით 50 წლის მამა მოკლა. ბრალდებული ძალოვნებმა იგი იმავე დღეს დააკავეს და მას მამის განზრახ მკვლელობაში დასდეს ბრალი. ამ დრომდე საქმეზე გამოძიება მიმდინარეობს და წინასასამართლო სხდომა თვის ბოლოს გაიმართება. საქმეზე დანიშნულია ექსპერტიზები, გამოკითხული არიან ოჯახის წევრები, მეზობლები, ნათესავები და აქტიურად მიმდინარეობს საგამოძიებო მოქმედებები.
გამოძიებამ მთავარ კითხვას უნდა გასცეს პასუხი: რა მოხდა კობახიძეების სახლში და რატომ მოკლა შვილმა მამა? 21 წლის ბიჭი ახლა გისოსებს მიღმა იმყოფება უმძიმესი ბრალდებით და სასამართლო პროცესების დაწყებას ელოდება. როგორც ცნობილია, მკვლელობას წინ უსწრებდა კონფლიქტი. მისთვის წაყენებული ბრალი საკმაოდ მძიმეა და ბრალის დამტკიცების შემთხვევაში, 20 წლამდე ან უვადო პატიმრობა ემუქრება. თუმცა ბრალდებულის ადვოკატი ზურაბ როსტიაშვილი დარწმუნებულია, რომ დაკავებულის გამართლებას შეძლებს. როგორც ირკვევა, სოფელ ახალსოფელში, კობახიძეების ოჯახში კონფლიქტების შესახებ ადგილობრივებმა იცოდნენ, მოკლულ მამაკაცს პათოლოგიური სიმთვრალე ჰქონდა და ამის გამო სახლში კონფლიქტები ხშირად ხდებოდა. თურმე, მეზობლებსაც უწევდათ ჩარევა და გაშველება. ადვოკატი ზურაბ როსტიაშვილი ირწმუნება, რომ ბრალდებული იმ დღეს მამისგან თავს იცავდა.
ზურაბ როსტიაშვილი:
- ბრალდებულ კახა კობახიძეს პროკურატურამ ბრალი ოჯახის წევრის, მამის მკვლელობისთვის წაუყენა, რაც 20 წლამდე ან უვადო პატიმრობას ითვალისწინებს, მაგრამ მთელმა სოფელმა იცის, რომ კახა არის უდანაშაულო. ამ ფაქტის ჩადენიდან რამდენიმე დღეში გახდა 21 წლის, ჰყავს 17 წლის ძმა, ნოდარ კობახიძე. ისინი 5 წლიდან მამის ტერორის ქვეშ იზრდებოდნენ. მამამისი ბავშვობიდან ჯოხით სცემდა სასტიკად შვილებს. 5 წლის იყო კახა, ისე სცემა მამამ, ძლივს გამოსტაცეს ხელიდან. ბავშვს მთელი სხეული ჩაულურჯდა. პრობლემა იყო სიმთვრალე, რომ დათვრებოდა ყველანაირად აგრესიული ხდებოდა. მიზეზი არ სჭირდებოდა ჩხუბის დასაწყებად. სცემდა ცოლს, სახლში ამტვრევდა ნივთებს, ხშირად ხმარობდა დანას და გაუთავებლად იყო კობახიძეების სახლში დავიდარაბა.
ქუჩაში სხვებთანაც ჰქონდა კონფლიქტები და ეს ყველამ იცის. სიმთვრალეში იყო ძალიან აგრესიული, სიფხიზლეში კი - რადიკალურად განსხვავებული. გარდაცვალებამდე ერთი თვით ადრე გაბრაზებულმა წალდით სახლში სამზარეულოს ავეჯი დაჩეხა. მისი ყოველი დალევა ოჯახისთვის იყო ტრაგედია, რადგან აწიოკებულები იყვნენ, ხან რომელ მეზობელს აფარებდნენ თავს, ხან რომელს. 2 თვის ფეხმძიმე იყო მისი ცოლი, პირველად ფიზიკურად რომ გაუსწორდა, რადგან გაიღვიძა და საწოლთან არ დახვდა ჩუსტები. ასეთ ტერორში გაიზარდნენ შვილები. უმძიმესი ცხოვრება გამოიარა მისმა ცოლმა. რომ წამოიზარდნენ შვილები, უკვე კახას უწევდა მთვრალი მამის დაწყნარება და ის ამშვიდებდა ხოლმე. შვილები რომ მუშაობდნენ, ისიც კი არ მოსწონდა, თურმე, ეუბნებოდა, სხვისი მონა არ უნდა იყოთო. თვითონ ნასამართლევი იყო, 7 წელი და 7 თვე მოიხადა ციხეში, ბრალად ედებოდა მკვლელობა და ყაჩაღობა. 11 წელი ჰქონდა მისჯილი, მაგრამ აქედან 8 წელი მოიხადა სასჯელაღსრულების დაწესებულებაში. უმძიმესი ცხოვრება გამოიარა მისმა მეუღლემ, რომელიც შიშით ელოდებოდა მის ყოველ დალევას და როგორც კი ის მთვრალი გამოჩნდებოდა, რომ არ ეცემა ცოლი, ხან ერთ მეზობელთან იმალებოდა, ხან - მეორესთან.
- რატომ არ შორდებოდა მოძალადე ქმარს, თუ ასეთ გაუსაძლის პირობებში ცხოვრობდა?
- ვერ შორდებოდა, რადგან ის მოკვლით ემუქრებოდა, - თუ წახვალ სახლიდან, იცოდე, სისხლის გუბეებს დავაყენებ, მოგკლავ შვილებიანად, სადაც უნდა წახვიდე, მაინც მოგაგნებო. ასე აშინებდა და მასაც ეშინოდა. ამიტომ უძლებდა ამ მძიმე ცხოვრებას და მის ცემა-ტყეპას. მთელმა სოფელმა იცოდა მისი ხასიათი და მკვლელობის დღის ჩაწერილ მათ ინტერვიუებს თუ მოისმენთ, ყველა ამბობს, მოაკვლევინა თავიო... ბოლოს 2018 წელს ქურდობისთვის დაიჭირეს და მაშინ 2 წელი იჯდა. მისი დაკავება და ციხეში გაშვება ოჯახისთვის იყო შვება, რადგან ეს ორი წელი მშვიდად ცხოვრობდნენ. გააგრძელეთ კითხვა
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საწყალი ოჯახი ვერ შორდებოდა იმიტომ რომ მოკვლით ემუქრებოდაო.
ქალს არ ჰქონდა ზურგი პოლიციისგან !
ეს ბიჭი კი მსხვერპლია .
რომ გაცილებოდა დედა ადრევე და პოლიციას დაეცვა ამ ლოთისგან ახალგაზრდა ადამიანი მკვლელი არ გახდებოდა.
პოლიცია უნდა იდვეს თავის სიმაღლეზე.
არ უნდა უწევდეს ადამიანს მკვლელობა თავის დასაცავად!
ხალხს უნდა ჰქონდეს პოლიციის იმედი.
სახელმწიფო "იმ შუაშია", რომ უამრავი სტრუქტურაა უფუნქციო ან ფორმალურადაა ჩამოყალიბებული ბიუჯეტურ დაფინანსებაზე. რომ იცოდეთ მოქალაქეებმა თქვენი უფლებები არ იკითხავდით ამას :სახელმწიფო რა შუაშიაო! თვითეული მოქალაქის სიცოცხლე და მისი ხარისხი სახელმწიფოს ზრუნვის პრეროგატივაა,ეს იგივეა ვიღაცას ფულს აბარებდე მთელი ცხოვრება და არაფერს სთხოვდე სანაცვლოდ.