მსოფ­ლიო ელო­დე­ბა მო­მენტს, როცა უკ­რა­ი­ნა თავ­დაც­ვის რე­ჟი­მი­დან კონ­ტრშე­ტე­ვა­ზე გა­და­ვა.

"უკ­რა­ი­ნა სა­გა­ზა­ფხუ­ლო კონ­ტრშე­ტე­ვის­თვის ემ­ზა­დე­ბა, რო­მე­ლიც აპ­რილ-მა­ის­ში უნდა და­ი­წყოს“, - გა­ნა­ცხა­და ჯერ კი­დევ მარ­ტში უკ­რა­ი­ნის თავ­დაც­ვის მი­ნის­ტრმა ოლექ­სეი რეზ­ნი­კოვ­მა. მი­სი­ვე თქმით, კონ­ტრშე­ტე­ვა რამ­დე­ნი­მე მი­მარ­თუ­ლე­ბით იგეგ­მე­ბა და შე­სა­ბა­მი­სი დრო­ის და მე­ტე­ო­რო­ლო­გი­უ­რი სი­ტუ­ა­ცი­ის გათ­ვა­ლის­წი­ნე­ბით გან­ხორ­ცი­ელ­დე­ბა.

რეზ­ნი­კოვ­მა ისა­უბ­რა იმა­ზეც, თუ რო­დის იქ­ნე­ბო­და შე­საძ­ლე­ბე­ლი ფრონტზე მო­კავ­ში­რე­ე­ბის­გან გა­და­ცე­მუ­ლი "ლე­ო­პარ­დის“ ტან­კე­ბის გა­მო­ყე­ნე­ბა.

"მათ ("ლე­ო­პარ­დის" ტან­კებს) ჩვე­ნი გე­ნე­რა­ლუ­რი შტა­ბის გა­და­წყვე­ტი­ლე­ბით კონ­ტრშე­ტე­ვა­ში ნა­ხავთ. კონ­ტრშე­ტე­ვა და­გეგ­მი­ლია რამ­დე­ნი­მე მი­მარ­თუ­ლე­ბით. ეს ასე­ვე და­მო­კი­დე­ბუ­ლია ამინ­დის პი­რო­ბებ­ზე. გა­ზა­ფხულ­ზე ჩვე­ნი მიწა ძა­ლი­ან სვე­ლია. ვფიქ­რობ, მათ აპ­რილ-მა­ის­ში ვი­ხი­ლავთ", - თქვა რეზ­ნი­კოვ­მა.

გაჩ­ნდა მო­საზ­რე­ბა, რომ ამ რამ­დე­ნი­მე დღის წინ პენ­ტა­გო­ნის სა­ი­დუმ­ლო დო­კუ­მენ­ტე­ბის გა­ჟონ­ვის გამო, უკ­რა­ი­ნამ თით­ქოს ზო­გი­ერ­თი სამ­ხედ­რო გეგ­მა შეც­ვა­ლა. ამის თა­ო­ბა­ზე სა­უბ­რი­სას უკ­რა­ი­ნის ეროვ­ნუ­ლი უსაფრ­თხო­ე­ბი­სა და თავ­დაც­ვის საბ­ჭოს მდი­ვან­მა ოლექ­სი და­ნი­ლოვ­მა გა­ნა­ცხა­და, რომ დო­კუ­მენ­ტე­ბის გა­ჟონ­ვა კონ­ტრშე­ტე­ვას­თან და­კავ­ში­რე­ბულ გეგ­მებ­ზე არ იმოქ­მე­დებს.

"უკ­რა­ი­ნის შე­ი­ა­რა­ღე­ბუ­ლი ძა­ლე­ბის მიერ კონ­ტრშე­ტე­ვის და­წყე­ბის გა­და­წყვე­ტი­ლე­ბის მი­ღე­ბა ბოლო მო­მენ­ტში მოხ­დე­ბა... თუ ვინ­მე ფიქ­რობს, რომ მხო­ლოდ ერთი ვა­რი­ან­ტი გვაქვს, ეს ასე არ არის. სამი ვა­რი­ან­ტიც კი ცო­ტაა", - აღ­ნიშ­ნა და­ნი­ლოვ­მა.

მისი გან­მარ­ტე­ბით, ოპე­რა­ცი­ის და­წყე­ბის გა­და­წყვე­ტი­ლე­ბას უკ­რა­ი­ნის შე­ი­ა­რა­ღე­ბუ­ლი ძა­ლე­ბის მთა­ვარ­სარ­და­ლი, ვა­ლე­რი ზა­ლუ­ჟ­ნი მი­ი­ღებს.

სამ­ხედ­რო-ანა­ლი­ტი­კუ­რი ჟურ­ნალ "არ­სე­ნა­ლის“ მთა­ვა­რი რე­დაქ­ტო­რი ირაკ­ლი ალა­დაშ­ვი­ლი ambebi.ge-სთან კონ­ტრშე­ტე­ვის აუ­ცი­ლებ­ლო­ბა­სა და მის რამ­დე­ნი­მე სა­ვა­რა­უ­დო მი­მარ­თუ­ლე­ბა­ზე სა­უბ­რობს:

- უკ­რა­ი­ნის მხრი­დან შე­საძ­ლო კონ­ტრი­ე­რი­შე­ბის და­წყე­ბის აჟი­ო­ტა­ჟი დიდი ხა­ნია გრძელ­დე­ბა და მი­მაჩ­ნია, რომ ეს აზი­ა­ნებს უკ­რა­ი­ნის ინ­ტე­რე­სებს... შე­უძ­ლე­ბე­ლია წი­ნას­წარ იმის თქმა, რო­დის და რა მი­მარ­თუ­ლე­ბით და­ი­წყე­ბა კონ­კრე­ტუ­ლი სამ­ხედ­რო ოპე­რა­ცია. აქ შე­იძ­ლე­ბა მხო­ლოდ პროგ­ნო­ზი­რე­ბა იმი­სა, რა შე­იძ­ლე­ბა მოხ­დეს იმ ანა­ლი­ზის გათ­ვა­ლის­წი­ნე­ბით, რის სა­შუ­ა­ლე­ბა­საც იძ­ლე­ვა და­დას­ტუ­რე­ბუ­ლი ფაქ­ტე­ბი. ის, რომ უკ­რა­ი­ნის არ­მია ემ­ზა­დე­ბა ფარ­თო­მას­შტა­ბი­ა­ნი კონ­ტრი­ე­რი­შის და­სა­წყე­ბად, ეს გან­პი­რო­ბე­ბუ­ლია რამ­დე­ნი­მე ფაქ­ტო­რით:

1. შე­ი­ა­რა­ღე­ბის იმ კონ­კრე­ტუ­ლი სა­ხე­ო­ბე­ბი­დან ბევ­რი მათ­გა­ნი, რა­საც ბოლო თვე­ე­ბის გან­მავ­ლო­ბა­ში და­სავ­ლე­თი გა­დას­ცემს უკ­რა­ი­ნას, გან­კუთ­ვნი­ლია სწო­რედ შე­ტე­ვი­თი და არა თავ­დაც­ვი­თი ბრძო­ლე­ბის­თვის.

2. უზარ­მა­ზა­რი თან­ხა, რაც ომის 13 თვის გან­მავ­ლო­ბა­ში ჩადო იმა­ვე და­სავ­ლეთ­მა (სამ­ხედ­რო-ეკო­ნო­მი­კუ­რი დახ­მა­რე­ბა), უკვე მო­ი­თხოვს გარ­კვე­უ­ლი შე­დე­გის და­დე­ბას უკ­რა­ი­ნის მხრი­დან, რომ და­სავ­ლე­თის ქვეყ­ნე­ბის ხე­ლი­სუფ­ლე­ბებ­მა თა­ვი­ანთ ამომ­რჩე­ველს და­ა­ნა­ხონ, რომ გა­და­სა­ხა­დის გა­დამ­ხდე­ლე­ბის თან­ხე­ბი წყალ­ში არ გა­დაყ­რი­ლა და უკ­რა­ი­ნის არ­მია შე­ტე­ვა­ზე გა­და­ვი­და დე­ო­კუ­პა­ცი­ის და­სა­წყე­ბად.

3. მთა­ვა­რი ისაა, რომ თვი­თონ უკ­რა­ი­ნის მო­სახ­ლე­ო­ბაც ამ­დე­ნი და­უნ­დო­ბე­ლი და­ბომბვი­სა და ფრონ­ტის ხაზ­ზე ახ­ლობ­ლე­ბის და­ღუპ­ვის შემ­დეგ, ელო­დე­ბა, რომ რა­ღაც შე­იც­ვლე­ბა და რომ უკვე უკ­რა­ი­ნა და­ი­წყებს შე­ტე­ვას. ეს ყვე­ლა­ფე­რი თე­ო­რი­უ­ლად იმა­ზე მე­ტყვე­ლებს, რომ შე­ტე­ვა აუ­ცი­ლებ­ლად უნდა და­ი­წყოს.

- რაც შე­ე­ხე­ბა დრო­სა და მი­მარ­თუ­ლე­ბას, რა­ზეა ეს და­მო­კი­დე­ბუ­ლი?

- წვი­მე­ბის სე­ზო­ნი თუ არ დას­რულ­და და ნი­ა­და­გი არ გა­მოშ­რა (რაც აპ­რი­ლის ბო­ლო­სა და მა­ი­სის და­სა­წყის­შია მო­სა­ლოდ­ნე­ლი, შე­საძ­ლოა - გვი­ა­ნაც), მა­ნამ­დე მძი­მე ჯავ­შან­ტექ­ნი­კის გა­მო­ყე­ნე­ბით ფარ­თო­მას­შტა­ბი­ა­ნი კონ­ტრი­ე­რი­შე­ბის და­წყე­ბა, გა­მარ­თლე­ბუ­ლი არ იქ­ნე­ბა - მძი­მე ჯავ­შან­ტექ­ნი­კის გა­და­ად­გი­ლე­ბის სიჩ­ქა­რე ტა­ლახ­ში მცი­რე იქ­ნე­ბა, ან შე­იძ­ლე­ბა ტან­კი სა­ერ­თო­დაც ჩა­ეფ­ლოს. ძი­რი­თა­დად მა­ნევ­რი­რე­ბა­დი უნდა იყოს ჯავ­შან­სა­ტან­კო პა­ტა­რა ჯგუ­ფე­ბი, რომ­ლე­ბიც მო­წი­ნა­აღ­მდე­გეს სხვა­დას­ხვა მხრი­დან შე­უ­ტე­ვენ. ამი­ტო­მაც მათ სჭირ­დე­ბათ სივ­რცე, რათა გა­ი­შა­ლონ მინ­დორ­ზე და სხვა­დას­ხვა გზი­დან შე­უ­ტი­ონ, რომ­ლე­ბიც რუ­სე­თის სა­ო­კუ­პა­ციო ძა­ლებს, სა­ვა­რა­უ­დოდ, და­ნაღ­მუ­ლი ექ­ნე­ბათ. მი­მარ­თუ­ლე­ბას რაც შე­ე­ხე­ბა, ფრონ­ტის ხაზ­ზე, რო­მე­ლიც 800 კმ-ზეა გა­და­ჭი­მუ­ლი, არის რამ­დე­ნი­მე ცხე­ლი წერ­ტი­ლი: ჩრდი­ლო­ეთ­ში სვი­ა­ტო­ვო-კრე­მენ­ნო­ეს მო­ნაკ­ვე­თი, უფრო ქვე­მოთ ბახ­მუ­ტი და შემ­დეგ მო­დის ავ­დი­ევ­კა, უგ­ლე­და­რი, უკვე ხერ­სო­ნის მი­მარ­თუ­ლე­ბით - ნო­ვოე კა­ხოვ­კა. კონ­ტრი­ე­რი­ში შე­იძ­ლე­ბა ერ­თდრო­უ­ლად სხვა­დას­ხვა მი­მარ­თუ­ლე­ბით და­ი­წყოს, მაგ­რამ იქი­დან რო­მე­ლი იქ­ნე­ბა მთა­ვა­რი მი­მარ­თუ­ლე­ბა, ესაა მნიშ­ვნე­ლო­ვა­ნი და მო­წი­ნა­აღ­მდე­გემ არ უნდა გა­მო­იც­ნოს. სა­ერ­თოდ, მოჩ­ვე­ნე­ბი­თი შე­ტე­ვე­ბი თით­ქმის ერ­თდრო­უ­ლად ხდე­ბა, მო­წი­ნა­აღ­მდე­გემ შე­იძ­ლე­ბა გა­და­ა­ნა­წი­ლოს ძა­ლე­ბი და თუ ის მიხ­ვდა, სა­დაა ჩა­ფიქ­რე­ბუ­ლი მთა­ვა­რი შე­ტე­ვის მი­მარ­თუ­ლე­ბა, რა თქმა უნდა, იქ გა­აძ­ლი­ე­რებს დაც­ვას. ჩემი აზ­რით, ამ ეტაპ­ზე ყვე­ლა­ზე მომ­გე­ბი­ა­ნი გაჭ­რა იქ­ნე­ბა ზა­პო­რო­ჟი­ეს მხრი­დან მე­ლი­ტო­პო­ლი-ბერ­დი­ანსკის მი­მარ­თუ­ლე­ბა­ზე (იმ საგ­ზაო კო­მუ­ნი­კა­ცი­ის გა­და­საჭ­რე­ლად, რო­მე­ლიც რუ­სე­თის როს­ტო­ვის ოლქს აზო­ვის ზღვის გას­წვრივ მიმ­დი­ნა­რე მა­გის­ტრა­ლე­ბით ანექ­სი­რე­ბუ­ლი ყი­რი­მის ნა­ხე­ვარ­კუნ­ძულ­თან აკავ­ში­რებს), რის შე­დე­გა­დაც, უკ­რა­ი­ნე­ლე­ბი, ფაქ­ტობ­რი­ვად, შუ­ა­ში გა­წყვეტ­დნენ სა­ო­კუ­პა­ციო ძა­ლებს და შემ­დეგ შეძ­ლებ­დნენ გას­ვლას ყი­რი­მის "ყელ­თან“, რომ­ლი­თაც ის მა­ტე­რი­კულ უკ­რა­ი­ნას უკავ­შირ­დე­ბა.

ეს ყვე­ლა­ფე­რი, რა თქმა უნდა, რუ­სე­თის მხა­რე­მაც იცის, ის იღებს ინ­ფორ­მა­ცი­ას. კოს­მო­სი­დან გა­და­ღე­ბულ სა­დაზვრე­ვო ფო­ტო­ებ­ზეც კარ­გად ჩანს, რომ რუს­მა ოკუ­პან­ტებ­მა სე­რი­ო­ზუ­ლი თავ­დაც­ვი­თი ზღუ­დე­ე­ბი მო­ა­წყეს მდი­ნა­რე დნეპ­რის მარ­ცხე­ნა სა­ნა­პი­როს გას­წვრივ, ნო­ვა­ია კა­ხოვ­კას­თან, უგ­ლე­დარ­თან, ასე­ვე, ყი­რი­მის გა­და­სას­ვლელ ყელ­ზე - არ­მი­ანსკის მი­და­მო­ებ­ში, ყი­რი­მის ნა­ხე­ვარ­კუნ­ძუ­ლის სა­ნა­პი­როს გას­წვრივ (ტანკსა­წი­ნა­აღ­მდე­გო თხრი­ლე­ბი, რკი­ნა-ბე­ტო­ნის პი­რა­მი­დე­ბი და სხვა). რუ­სე­თი, რა თქმა უნდა, და­ნაღ­მავს ტანკსა­შიშ მი­მარ­თუ­ლე­ბებს, გარ­და ამი­სა, შე­ტე­ვა­ზე გა­და­სულ უკ­რა­ი­ნე­ლებს და­ე­მუქ­რე­ბა რუ­სე­თის ავი­ა­ცია. ფაქ­ტია, რომ რუსი ოკუ­პან­ტე­ბი, სამ­წუ­ხა­როდ, უფრო მეტ უპი­რა­ტე­სო­ბას ფლო­ბენ ავი­ა­ცი­ა­ში და ასე­ვე, რუ­სე­თის არ­ტი­ლე­რია ეც­დე­ბა, რომ ეს კონ­ტრი­ე­რი­შე­ბი შე­ა­ჩე­როს. ყი­რიმს რაც შე­ე­ხე­ბა, ასეთ დროს ძა­ლე­ბის გა­ფან­ტვა არ არის სწო­რი, უკ­რა­ი­ნას არ ეყო­ფა ძა­ლე­ბი ყვე­ლა მი­მარ­თუ­ლე­ბის­თვის.

უკ­რა­ი­ნას ექ­ნე­ბა ფარ­თო­მას­შტა­ბი­ა­ნი კონ­ტრი­ე­რი­შე­ბის და­წყე­ბის ერთი მთა­ვა­რი მცდე­ლო­ბა და თუ ის ვერ გან­ვი­თარ­და და წა­რუ­მა­ტე­ბე­ლი აღ­მოჩ­ნდა, მა­შინ ძა­ლი­ან გა­ჭირ­დე­ბა და­მა­ტე­ბი­თი დახ­მა­რე­ბის მი­ღე­ბა და­სავ­ლე­თი­დან. ამი­ტომ სე­რი­ო­ზუ­ლი კონ­ტრშე­ტე­ვის მომ­ზა­დე­ბა-გან­ხორ­ცი­ე­ლე­ბას უზარ­მა­ზა­რი მნიშ­ვნე­ლო­ბა ენი­ჭე­ბა.

- რო­გორც ამ­ბო­ბენ, კონ­ტრშე­ტე­ვის დროს ბრძო­ლის ველ­ზე ახა­ლი გერ­მა­ნუ­ლი "ლე­ო­პარ­დე­ბი“ გა­მოჩ­ნდე­ბა... საბ­რძო­ლო მა­სა­ლის რე­სურ­სის მხრივ რუ­სე­თის საქ­მე რო­გო­რაა?

- მთა­ვა­რია, რომ ჩა­მო­სუ­ლი სამ­ხედ­რო დახ­მა­რე­ბა - ჯავ­შან­ტექ­ნი­კა და და­სავ­ლეთ­ში მომ­ზა­დე­ბუ­ლი უკ­რა­ი­ნე­ლი მებ­რძო­ლე­ბის ცალ­კე­უ­ლი და­ნა­ყო­ფე­ბი და შე­ნა­ერ­თე­ბიც არ გა­იბ­ნეს, ერ­თად იყ­ვნენ, კონ­ტრი­ე­რიშ­ში რომ ჩა­ერ­თონ. ეტყო­ბა ასეც მოხ­დე­ბა - ახალ ძა­ლებს, რომ­ლებ­მაც და­სავ­ლეთ­ში გა­ი­ა­რეს მომ­ზა­დე­ბა, ჯერ უფრთხილ­დე­ბი­ან და ბახ­მუ­ტი­სა და ავ­დე­ევ­კის ბრძო­ლებ­ში არ უშ­ვე­ბენ. პრობ­ლე­მე­ბი, რა თქმა უნდა, ორი­ვე მხა­რეს აქვს, ომის მე-14 თვე გრძელ­დე­ბა და ასე­თი ინ­ტენ­სი­უ­რი სა­არ­ტი­რე­ლიო ბრძო­ლე­ბი, გან­სა­კუთ­რე­ბით რუ­სე­ბის მხრი­დან, მე­ო­რე მსოფ­ლიო ომის შემ­დეგ არ ყო­ფი­ლა. რუ­სეთს კი დარ­ჩა სსრკ-ს დრო­ინ­დე­ლი უზარ­მა­ზა­რი სა­წყო­ბე­ბი, მაგ­რამ გა­ვი­და წლე­ბი, ზოგი გა­ნი­ავ­და, ზოგი გა­ყი­დეს, ტექ­ნი­კის უმე­ტე­სო­ბა მწყობ­რი­დან გა­მო­ვი­და... ეს ომი გაძ­ლე­ბამ­დეა და გა­მო­ფიტ­ვამ­დე, იქამ­დე, ვისი ეკო­ნო­მი­კაც უფრო "გა­ქა­ჩავს“ - რუ­სე­თის, თუ უკ­რა­ი­ნა-და­სავ­ლე­თის. რო­გორც კი მე­ტე­ო­პი­რო­ბე­ბი გა­მოს­წორ­დე­ბა, ალ­ბათ უფრო ფარ­თო­მას­შტა­ბი­ა­ნი საბ­რძო­ლო მოქ­მე­დე­ბე­ბიც წავა. აქ ერთი ნი­უ­ან­სია - დღეს, ფაქ­ტობ­რი­ვად, შე­უძ­ლე­ბე­ლია რა­ი­მე სამ­ხედ­რო ოპე­რა­ცი­ის გან­ხორ­ცი­ე­ლე­ბა ისე, რომ მო­წი­ნა­აღ­მდე­გემ ვერ აღ­მო­ა­ჩი­ნოს - არ­სე­ბობს თა­ნამ­გზავ­რუ­ლი დაზ­ვერ­ვა კოს­მო­სი­დან, ათა­სო­ბით დრო­ნი, სა­ჰა­ე­რო და აგენ­ტუ­რუ­ლი დაზ­ვერ­ვა... ამას­თა­ნა­ვე, დაზ­ვერ­ვას­თან ერ­თად მო­წი­ნა­აღ­მდე­გის შტა­ბიც კარ­გად თუ მუ­შა­ობს, ყვე­ლა­ფერს დრო­უ­ლად აღ­მო­ა­ჩე­ნენ. დღეს ფარ­თო­მას­შტა­ბი­ა­ნი შე­ტე­ვის და­წყე­ბა მსოფ­ლი­ო­ში, მით უფრო ამ ომში, თით­ქმის შე­უძ­ლე­ბე­ლია.

- აშშ-ის იუს­ტი­ცი­ის დე­პარ­ტა­მენ­ტმა გა­მო­ძი­ე­ბა და­ი­წყო პენ­ტა­გო­ნის სა­ი­დუმ­ლო დო­კუ­მენ­ტე­ბის გა­ჟონ­ვის ფაქ­ტზე. ოფი­ცი­ა­ლუ­რი პი­რე­ბის გან­ცხა­დე­ბით, დო­კუ­მენ­ტებ­ში გან­ხი­ლუ­ლია თე­მე­ბის ფარ­თო სპექტრი, მათ შო­რის კონ­ტრშე­ტე­ვის გეგ­მე­ბიც. ამ­ბო­ბენ, რომ ამის გამო უკ­რა­ი­ნას გეგ­მე­ბის შეც­ვლამ მო­უ­წია...

- პენ­ტა­გონ­თან და­კავ­ში­რე­ბით არის რამ­დე­ნი­მე მო­საზ­რე­ბა:

1. რომ ეს მარ­თლაც პენ­ტა­გო­ნის გრი­ფით სა­ი­დუმ­ლო დო­კუ­მენ­ტე­ბი იყო, რო­მე­ლიც რუ­სე­თის დაზ­ვერ­ვამ მო­ი­პა­რა და ნა­წილ-ნა­წილ ავ­რცე­ლებს ინ­ტერ­ნეტ სივ­რცე­ში, რი­თაც აჩ­ვე­ნებს, რომ ამე­რი­კის უსაფრ­თხო­ე­ბა ამ მხრივ არის სუს­ტი, ამას­თა­ნა­ვე, რუ­სეთ­მა თით­ქოს გა­ი­გო უკ­რა­ი­ნა-ამე­რი­კის მო­მა­ვა­ლი გეგ­მე­ბი იმა­ვე კონ­ტრი­ე­რი­შებ­თან და­კავ­ში­რე­ბით.

2. ეს არის თვი­თონ აშშ-ს სპეც­სამ­სა­ხუ­რე­ბის მიერ გავ­რცე­ლე­ბუ­ლი დე­ზინ­ფორ­მა­ცია, რათა ამით რუ­სე­თი შე­იყ­ვა­ნონ შეც­დო­მა­ში.

3. ეს არც არა­ვი­თა­რი სა­ი­დუმ­ლო დო­კუ­მენ­ტე­ბი არ არის და ჰა­კე­რე­ბის ერთი მო­რი­გი თა­მა­შია, ვი­ნა­ი­დან იმ დო­კუ­მენ­ტებ­ში აღ­მოჩ­ნდა გა­და­კე­თე­ბუ­ლი მო­ნა­ცე­მე­ბი - პირ­ველ ვა­რი­ან­ტში თუ იყო რე­ა­ლო­ბას­თან მი­ახ­ლო­ე­ბუ­ლი ინ­ფორ­მა­ცია მა­გა­ლი­თად, რუ­სეთ-უკ­რა­ი­ნის და­ნა­კარ­გებ­ზე, მე­ო­რე­ში ეს ციფ­რე­ბი უხე­შად იყო შეც­ვლი­ლი - უკ­რა­ი­ნის და­ნა­კარ­გი ბევ­რად გაზ­რდი­ლია, რუ­სე­თის - შემ­ცი­რე­ბუ­ლი, რაც ირე­ა­ლუ­რია.