მნიშვნელოვანი ინფორმაცია
18
მარტიდღის ზოგადი ასტროლოგიური პროგნოზი
სამშაბათი, მთვარის მეცხრამეტე დღე, მთვარე მორიელშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ოჯახი ეჭვობს, რომ 1985 წელს გარდაცვლილად გამოცხადებული ტყუპები ცოცხლები არიან - "სამშობიაროში მამას თანხა გამოართვეს, რომ იქვე დაეკრძალათ, ჩემებს გვამები არ უნახავთ"
19:41 / 05-04-2023
ცოტა ხნის წინ მარიამ ქურასბედიანმა სოციალურ ქსელში პოსტი გამოაქვეყნა, სადაც წერდა, რომ მისი ოჯახი ტყუპ ძმებს ეძებს... მისი ინფორმაციით, ტყუპები 1985 წელს დაიბადნენ, სამშობიაროში კი მშობლებს უთხრეს, რომ ბავშვები დაიღუპნენ. ოჯახს ახალშობილების გვამი არ უნახავს. ეჭვი, რომ შესაძლოა ტყუპები ცოცხლები არიან მას შემდეგ გაჩნდა, რაც სოციალურ ქსელში უამრავი გაშვილებული და გასხვისებული ბავშვის შესახებ გავრცელდა ინფორმაცია.
დეტალებზე თავად მარიამ ქურასბედიანი გვესაუბრება:
- დიახ, ტყუპ ძმებს ვეძებთ. ხელს ვერავის დავადებ, თუმცა ფაქტების უზუსტობაა… არის დეტალები, რაც კითხვის ნიშნის ქვეშ არის და საჭიროა კითხვები დაისვას! მიუხედავად იმისა, რომ მეეჭვება, ვინმემ პასუხი გასცეს…
- როგორც ვიცი, ეჭვები დოკუმენტებმა გამოიწვია...
- დიახ, დოკუმენტები რაც კი გვაქვს, სრულიად ურთიერთგამომრიცხავია… გსმენიათ ვინმე გარდაიცვალოს და მერე დაიბადოს? კითხვები მას შემდეგ გამიჩნდა, რაც სოციალურ ქსელში ჯგუფი, "ვეძებ" დაარსდა. ყველას მადლობა ამ თემების აფიშირებისთვის. ეს ძალიან მნიშვნელოვანია ბევრი ქართული ოჯახისთვის.
რაც შეეხება ჩემს ოჯახს, დავიბადე თბილისში, მამის მხრიდან წარმოშობით სვანი, დედა იმერელი მყავს. მამა გურგენ ქურასბედიანი ისტორიკოსი, მუზეუმ - ნაკრძალის დირექტორი იყო. სამწუხაროდ რამდენიმე წლის წინ გარდაიცვალა… დედა თინა მილორავა ფილოლოგი და ჟურნალისტია.
ტყუპების გარდა 6 დედმამიშვილი გავიზარდეთ, ორი დაგვეღუპა. უფროსი - ლაშა ქურასბედიანი (1970-1992) აფხაზეთის ომში დაიღუპა. 22 წლის მოხალისედ წავიდა აფხაზეთის ომში და ეშერასთან დაიღუპა… საქართველოს პრეზიდენტის მიერ დაჯილდოებულია ვახტანგ გორგასლის სახელობის პირველი ხარისხის ორდენით. მისი სახელი გმირთა მოედანზეცაა ამოტვიფრული და დღესდღეობით, სვანეთში, ლენტეხის რაიონში ( საიდანაც ჩვენ ვართ წარმოშობით ) მისი სახელობის სკოლაა… მეორე ძმა - გიორგი სამ თვეში უბედური შემთხვევით დაიღუპა, ლიფტის ჭაში ჩავარდა… უფროსი ძმა ვიცე-პოლკოვნიკია და ახლაც უკრაინაში იბრძვის …
მშობლები გურგენ ქურასბედიანი და თინა მილორავა 1969 წელს დაქორწინდნენ… შეძენილი შვილები ლაშა ქურასბედიანი ( 1970-1992 წლები) ირაკლი ქურასბედიანი ( დაიბადა 1974 წელს ), ეთერ ქურასბედიანი ( დაიბადა 1984 წელს) გიორგი და შოთა ქურასბედიანები ( 1985 დაკარგული ტყუპები, რომლებსაც ვეძებთ) გიორგი ქურასბედიანი ( 1987-1992) მარიამ ქურასბედიანი (დაიბადა 1989 წელს) შოთა ქურასბედიანი (დაიბადა 1992 წელს)... მინდა აღვნიშნო, რომ არც ერთს არ გვქონია არანაირი ჯანმრთელობის პრობლემა, რაც აღნიშნეს ექიმებმა ტყუპების შემთხვევაში…
- მშობლებს ეჭვი არასოდეს შეჰპარვიათ?
- მშობლებს ეჭვი არასოდეს შეჰპარვიათ … ჯგუფი "ვეძებ“ რომ შეიქმნა, შემდეგ გავიგეთ, რომ სამშობიაროს სასაფლაოები საერთოდ არ არსებობდა. როცა დედამ იმშობიარა, ორივე ბიჭი თბილისის მეოთხე სამშობიაროდან დიღმის ინკუბატორში გადაიყვანეს - გიორგი და შოთა ქურასბედიანები… მეათე დღეს უთხრეს ჩემს მშობლებს, რომ ბავშვები გარეთ ჰყავდათ გაყვანილი და გაუცივდათ. შემდეგ ჯერ ერთის გარდაცვალება უთხრეს, მეორე დღეს - მეორესი. მამას თანხა გამოართვეს, რომ იქვე დაეკრძალათ. გვამები არ უნახავს…
დრო გავიდა, ამ ჯგუფის შესახებ გავიგეთ და ეჭვი გაგვიჩნდა… მყისვე იუსტიციის სახლში მივარდით ატირებულ დედასთან ერთად… იქ გიორგის დაბადების და გარდაცვალების მოწმობა მოგვცეს. თუმცა ტყუპები დაიბადნენ 1985 წლის 2 ოქტომბერს და დაბადება გატარებულია 9 ოქტომბერს, გარდაცვალება კი 8 ოქტომბერს… ანუ ჯერ გარდაიცვალა, მერე დაიბადა… შოთაზე ( მეორე ტყუპისცალზე) საერთოდ არაფერი ფიქსირდება, არც დაბადება არც გარდაცვალება…
სამწუხაროდ ახლა მძიმე პერიოდი გვაქვს… ჩემს დას კიბოს დიაგნოზი დაუსვეს და სამკურნალოდ გერმანიაში გაემგზავრა, მას დედაც თან ახლავს… მე ჩვენი კანონების გამო ელემენტარული საბუთების გამოთხოვნაც არ შემიძლია ოჯახის წევრებზე. ამიტომ მხოლოდ გენეტიკური ტესტი შევუკვეთე… დღესდღეობით სხვა გამოსავალი არ გვაქვს. მხოლოდ იმედი, რომ "ისიც" გაიკეთებს ტესტს, ისიც მიხვდება, რომ რაღაც მნიშვნელოვანი აკლია მის ცხოვრებას, რომ მისი სისხლი და ხორცი ელოდება…
- სამშობიაროს არ მიმართეთ?
- როგორც მოგვახსენეს, სამშობიაროს არქივი ხელმიუწვდომელია რეკონსტრუქციის, ხანძრის და ათასი რამის გამო… როგორც დავასკვენით, წყვილი კარგი "სამიზნე" იყო… ოჯახს უკვე სამი შვილი ჰყავდათ. ახალგაზრდა ცოლ-ქმარი, სრულიად ჯანმრთელები, კარგი განათლებით… ფაქტი ფაქტად რჩება! უამრავი ბავშვია გასხვისებული მშობლების ნებართვის გარეშე და სახელმწიფო არაფერს სთხოვს მედ-პერსონალს… სარჩელზე გვითხრეს, რომ ხანდაზმულობის გამო ვერ წამოვიწყებთ, მერე ჩემი დის პრობლემები დაემთხვა და ახლა მხოლოდ ტესტის იმედად ვართ…
- არავინ გამოგეხმაურათ?
- რამდენიმე პიროვნებამ მომწერა, მაგრამ ტესტის გარეშე რას გავიგებთ. პატარა შვილი მყავს მესმის რამდენად მნიშვნელოვანია შვილის არსებობა ჩვენს ცხოვრებაში, მაგრამ სიცრუეში ცხოვრებას არავინ იმსახურებს… მითუმეტეს თუ ის აყვანილი შვილები გიყვართ, სიმართლე გაუმხილეთ! მიეცით თქვენთვის საყვარელ ადამიანს იმის საშუალება რომ იცოდეს სიმართლე საკუთარი წარმომავლობის შესახებ. მიეცით უფლება იყოს სრულფასოვანი ადამიანი … ტყუპ ძმებს კი - ჩვენ აქ ვართ, გელოდებით…
ნახეთ ასევე:
- "ამ ამბავში გადამწყვეტი თავზე მიყენებული დამწვრობა აღმოჩნდა, რომელიც სოფოს დამ ბავშვობაში მიიღო" - როგორ იპოვეს წლების წინ ბავშვთა სახლში ჩაბარებულმა დებმა და ძმამ დედა?
- "ეს ბედნიერი დასასრულია... დედა საზღვარგარეთაა და იქ გაიგო ყველაფერი" - საოცარი ისტორია ქართველ ტყუპ დებზე, რომლებმაც ჯერ ერთმანეთი, 20 წლის შემდეგ კი მშობლები იპოვეს
- "ბიჭებს საქართველოში 1500 მანეთად ყიდდნენ, გოგონებს - 1000 მანეთად" - სიცრუეზე აგებული გაშვილების საერთაშორისო სქემა და საქართველო: რას წერს "ტელეგრაფი"?
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ავტოსაგზაო შემთხვევა სამგორში - თვითმხილველების ინფორმაციით, ავტომანქანა ველოსიპედით მოძრავ მოქალაქეს დაეჯახა.
კვირის კითხვადი სტატიები
მნიშვნელოვანი ინფორმაცია
მკითხველის რჩევით
შვილი დიდი ბედნიერებაა. წერილის ავტორი ამბობს, ტყუპების გარდაცვალების შეტყობინების შემდეგ მამამ ფული გადაიხადა ბავშვების დაკრძალვისთვის. დაუშალა ვინმემ მათი დასაფლავება? მაინტერესებს, რატომ არ ნახეს მშობლებმა მათი გარდაცვლილი შვილები? წლების წინ მეუღლის მშობიარობისას მეც გარდამეცვალა შვილი, ჩავიბარე მისი უსიცოცხლო სხეული, პატარა ყუთით გადაცვლილ მამაჩემის გულზე დავასაფლავე. შესაძლოა ამის გაკეთება ყველას არ შეუძლია, მაგრამ გარდაცვილი ჩვილის ნახვის შესაძლებლობა ყველას ჰქონდა, მით უმეტეს მშობლებს.
ღრმად მწამს რომ მოპარული და გაყიდულნი არიან და ისიც მწამს ამ სურათს თუ ნახავენ მსგავსებას იპოვნიან!