"რუსთაველი გადატენილია სტუდენტი - ახალგაზრდობით. არ გაბედოთ ვინმე დაშავდეს!" - რას წერს "ქართული ოცნების" ყოფილი წევრი?

"ქართული ოცნების" ყოფილი დეპუტატი ზვიად კვაჭანტირაძე რუსთაველის გამზირზე მიმდინარე აქციას ეხმაურება და სოციალურ ქსელში წერს:

"რუსთაველი გადატენილია სტუდენტი - ახალგაზრდობით. არ გაბედოთ ვინმე დაშავდეს! ახლა იმათ არ მივმართავ, ვინც ვერ გაათვითცნობიერა რა პროცესს უჭერს მხარს (ეს კანონი მხოლოდ პირველი ნაბიჯია). მე მათ კატეგორიულად არ ვეთანხმები, მაგრამ მათ დღემდე მივმართავდი არაერთხელ. დიახ, მე მოგმართავთ თქვენ, ვინც ორ სკამზე ჯდომას ყოფილხართ მიჩვეულები, ვინც ახერხებთ აქაც იყოთ და იქაც იყოთ და აღტაცებას ვერ მალავთ და გიხარიათ რაც ახლა ხდება რუსთაველზე საკუთარი ხალხის წინააღგმდეგ, თქვენ, ვინც აქ უკაკუნებთ და უკაკუნებთ 24 საათი, თქვენ "ქოცნების" მპოსტავებო, კარის ტაკი-მასხარებო და იუმორისტო "ბლьოგერებო", ნიჭიერნო და უნიჭონო, ფსევდო-ქართველებო და რუსეთის მეხოტბეებო, ჩემო ფრენდებო და სამწუხაროდ მეგობრებო - მე პირადად დღეიდან ჩამოგივლით და რიგრიგობით დაგემშვიდობებით. არსად მივდივარ. უბრალოდ თქვენ ჩემთვის აღარ არსებობთ. ამდენი ღვარძლი, ამდენი ბოღმა, ამდენი სიძულვილი სად გეტეოდათ ვერ ვხვდები და აღარც მაინტერესებს".